नेपाल राहदानी विभाग
| निकाय विवरण | |
|---|---|
| गठन | २६ जनवरी २०१२ |
| Preceding agency |
|
| अधिकार क्षेत्र |  नेपाल |
| प्रधान कार्यालय | नारायणहिटि, काठमाडौँ, नेपाल |
| आदर्श वाक्य | "गुणस्तरीय, पारदर्शी एवं सेवाग्राहीमैत्री सेवा" |
| मन्त्री |
|
| निकाय कार्यकारी |
|
| भगिनी निकाय | परराष्ट्र मन्त्रालय, नेपाल सरकार |
| वेबसाइट | https://www.nepalpassport.gov.np/ |
नेपाल राहदानी विभाग नेपालको एक सरकारी आयोग हो जसले नेपाली नागरिकहरूको लागि कानुनी राहदानी जारी गर्ने दायित्व लिएको छ र विदेशी कामकाजहरूका लागि कानुनी रूपमा योग्य व्यक्तिहरूको लागि परराष्ट्र मन्त्रालय अधिनमा यात्रा कागजातहरू प्रदान गर्दछ।[२][३] ३१ मार्च २०१० सम्म, नेपालले त्यतिखेर पनि हस्तलिखित राहदानी जारी गर्ने गरेको थियो। तथापि, अन्तर्राष्ट्रिय नागरिक विमान सङ्गठनको सदस्यको रूपमा, नेपाललाई मेसिनद्वारा पढ्ने योग्य राहदानी जारी गर्न बाध्य बनाइएको थियोे। केन्द्रीय राहदानी कार्यालयले ३१ मार्च, २०१० मा हस्त-लिखित राहदानी जारी गर्न बन्द गरेको थियो र नोभेम्बर २०१५ का अनुसार यसलाई सञ्चालनबाट निकालिएको थियो। नेपालमा, २६ डिसेम्बर २०१० मा, कार्यलयले त्यसपछि मेसिनद्वारा पढ्न योग्य राहदानीको परिचय गर्दै राहदानी जारी गरेको थियो।
लक्ष्य[सम्पादन गर्नुहोस्]
अन्तर्राष्ट्रिय मान्यता प्राप्त राहदानी र यात्रा कागजातहरू अन्तर्राष्ट्रिय नागरिक उड्डयन सङ्गठनद्वारा निर्दिष्ट मापदण्डहरूको अनुसरण गरी राहदानी सेवाहरू अधिक चुस्त र प्रभावकारी बनाउनु यसले लक्ष्य लिएको छ।
उद्देश[सम्पादन गर्नुहोस्]
१) सूचना प्रविधिको अधिकतम प्रयोगको माध्यमबाट राहदानी जारी गर्ने प्रक्रिया सहज बनाउनु।
२) राहदानीको जारी र वितरणलाई अधिक व्यवस्थित गर्नु।
३) अक्षुण्ण सुरक्षा, सही प्रयोग र राहदानीहरूको गुणस्तर सुनिश्चित गर्नु।
४) लामो दूरीमा यात्रा गर्नेहरूका लागि ई-राहदानी / बायोमेट्रिक राहदानी जारी गर्नु।
जिम्मेवारी[सम्पादन गर्नुहोस्]
राहदानी विभागलाई राहदानी नियम (पहिलो र दोस्रो संशोधन, २०७६) बमोजिम निम्न जिम्मेवारीहरू तोकिएको छ।
१) अन्तर्राष्ट्रिय नागरिक उड्डयन सङ्गठनको कागजात ९३०३ द्वारा तोकिएको मापदण्डको आधारमा यन्त्रले पढ्न सक्ने राहदानी, इलेक्ट्रोनिक राहदानी, बायोमेट्रिक राहदानी र आपतकालीन राहदानी जारी गर्नु
२) अनुमोदनका लागि उपयुक्त राहदानीहरूको तय र अनुमोदनका लागि विवरणहरू नेपाल सरकार समक्ष पेश गर्नु
३) आवश्यक कागजातहरूको परीक्षणको प्रक्रिया पछि राहदानी वितरण गर्नु
४) यात्रा कागजात र मुद्दा कागजातको लागि आवेदन प्राप्त गर्नु
५) जारी राहदानी र यात्रा कागजातहरूको इलेक्ट्रोनिक रेकर्ड सुरक्षित राख्नु
६) राहदानीका लागि इलेक्ट्रोनिक अनुप्रयोगहरू प्राप्त र सङ्कलन गर्नु
७) राहदानीको मुद्रण र व्यवस्थापन सम्बन्धित अन्य आवश्यक गतिविधिहरूको प्रदर्शन गर्नु
८) नेपाल सरकारले तोकेको अन्य कार्यहरू गर्नु[१]
सन्दर्भ सामग्रीहरू[सम्पादन गर्नुहोस्]
- ↑ १.० १.१ "हाम्रो बारेमा", अन्तिम पहुँच १० अक्टोबर २०१७।
- ↑ "राहदानी विभाग - स्वागतम्", डोपमोफा डट जिओभि डट एनपि, अन्तिम पहुँच २०१५-०७-१८। वेब्याक मेसिन अभिलेखिकरण २०१५-०८-०७ मिति
- ↑ "राहदानी जारी गरिने अवस्थाहरू - द काठमाडौ पोस्ट ::", इ कान्तिपुर डटकम, अन्तिम पहुँच २०१५-०७-१८। वेब्याक मेसिन अभिलेखिकरण २०१५-०७-२१ मिति
बाह्य कडीहरू[सम्पादन गर्नुहोस्]
आधिकारिक वेबसाइट वेब्याक मेसिन अभिलेखिकरण २०१८-१२-२९ मिति
