पाटन नगरपालिका

पाटन नगरपालिका
नगरपालिका
निर्देशाङ्क: २९.५९७०° उत्तर ८०.५३०२° पूर्व / 29.5970; 80.5302
देश	नेपाल
प्रदेश	सुदूरपश्चिम प्रदेश
जिल्ला	बैतडी
स्थापित	२०७१ मङ्सिर १६
सरकार
• नगरप्रमुख	गौरीसिंह रावल (नेपाली काङ्ग्रेस)
• उपप्रमुख	कमलसिंह बोहरा (नेकपा (माओवादी केन्द्र))
क्षेत्रफल
• जम्मा	२१९.२६ किमी२ (८४.६६ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	२९,२३०
• घनत्व	१३०/किमी२ (३५०/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-०९५
केन्द्र	साविक पाटन गाविसको कार्यालय
वेबसाइट	आधिकारिक वेबसाइट

पाटन नगरपालिका बैतडी जिल्लाका ४ नगरपालिकाहरू मध्ये एक हो। २०७१ मङ्सिर १६ मा, नगरपालिका घोषणा गर्दा ‍पाटन, सकार, सिलङ्गा, भूमेश्वर, गुजर र वसन्तपुर गाविसहरू समावेश गरिएका थिए भने २७ फागुन २०७३ मा, नगरपालिकाको क्षेत्रविस्तार गर्दा कैलपाल, सिद्धेश्वर र सिद्धपुर गाविसहरू यसमा गाभिएका थिए।

संक्षिप्त परिचय

नेपालको सुदूरपश्चिम क्षेत्रमा स्थित पाटन नगरपालिकाको स्थापना एउटा दीर्घकालिन सोच “व्यवसायिक, औद्योगिक तथा बहुसांस्कृतिक समुन्नत नमुना शहर पाटन” का साथ २०७१/०८/१६ सालमा महाकाली अञ्चलको बैतडी जिल्लाको पाटनमा भएको हो र मिति २०७१/०८/१६गते देखि नै पाटन नगरपालिका हुन गएको हो । यो समुद्री सतहदेखि २४३९ देखि ६९३६ फीट (११३४ मि . देखि २००० मि. ) को उचाइँमा र काठमाडौँ देखि ८३३.३ कि. मि.को दूरीमा स्थित रहेको छ । पाटन नगरपालिकामा कूल १० वडा रहेका छन् । २१९.२६ वर्ग कि.मि.को क्षेत्रफलमा फैलिएको पाटन नगरपालिकाको भु–आकृतिक स्वरुप करिब मध्य पहाडी र पहाडी भूभाग रहेको छ भने यसको पूर्वमा सिगास गाउँपालिका , पश्चिममा द.न.पा / मे.न.पा , उत्तर मा सुर्नाया गा.पा / दोगाडा केदार र दक्षिणमा डडेल्धुरा जिल्ला रहेको छ । यसको शालाखाला अधिकतम तापक्रम ३३ - ३७ डिग्री र न्यूनतम तापक्रम चिसो मौसम मा २ डिग्री सम्म रहेको पाइन्छ । साल २०६८ को तथ्यांक अनुसार यस नगरपालिकाको कुल जनसंख्या ३०४३५ रहेको छ भने यस क्षेत्रको जनसंख्या वृद्धिदर १.३५ अनुमानित गरिएको छ । प्रमुख चाडपर्व स्थानीय स्तरमा बसोबास गर्ने विभिन्न जात जाती तथा समुदायका मानिसहरुको बसोबास रहेको यस क्षेत्रमा विभिन्न चाड पर्व मनाउने गरिन्छ । जस्तैः दशैं, तिहार, माघि, होली, गौरा, औल्के, मागे संक्रान्ति, कृष्ण जन्माष्टमि, बकर इद, उल इद फितर, आइतबारी, छठपर्व, बुद्ध जयन्ती, क्रिष्मस यहाँका प्रमुख चाड पर्वको रुपमा रहेको पाइन्छ ।

जनसङ्ख्या

राष्ट्रिय जनगणना २०७८को जनगणना अनुसार पाटन नगरपालिकाको कुल जनसङ्ख्या २९,२३० रहेको छ भने यहाँ ६,४४२ घरधुरी रहेका छन्।

पाटन नगरपालिकाको वडागत तथ्याङ्क

नयाँ वडा	समावेश साविकका गाविसहरू	जनसङ्ख्या	क्षेत्रफल (वर्ग कि.मी.)	जनघनत्व (व्यक्ति/वर्ग कि.मी.)
१	सकार र कैलपाल (१-२)	३५५५	३१.०२	११४.६०
२	सिलङ्गा	२४५८	२६.५९	९२.४४
३	गुजर	२५०३	१५.३६	१६२.९५
४	भूमेश्वर	३२८६	१८.९३	१७३.५८
५	वसन्तपुर	२४४१	१२.७	१९२.२०
६	पाटन	५६२१	२०.४२	२७५.२६
७	कैलपाल (१–७)	२०५१	१४.८९	१३७.७४
८	सिद्धेश्वर (३,७–९)	२८५३	२८.१६	१०१.३१
९	सिद्धेश्वर (१-२,४–६)	२०११	१७.१५	११७.२५
१०	सिद्धपुर	२४५१	३४.०४	७२.००
जम्मा		२९,२३०	२१९.२६	१३३.३१

बाह्य कडीहरू

• जिल्ला समन्वय समितिको कार्यालय, बैतडी