दशरथचन्द नगरपालिका

दशरथचन्द नगरपालिका
नगरपालिका
देश	नेपाल
अञ्चल	महाकाली अञ्चल
जिल्ला	बैतडी जिल्ला
सरकार
• मेयर	नरेन्द्रसिंह थापा
• उप मेयर	मीना चन्द
जनसङ्ख्या  (बि.स.२०६८)
• जम्मा	१६,७९१
• धर्म	हिन्दू
समय क्षेत्र	युटिसी+५:४५ (नेपालको प्रमाणिक समय)
पोस्टल कोड	१०२००
क्षेत्रीय सङ्केत(हरू)	०९५
वेबसाइट	dasarathchand.municipality.gov.np

नेपालको महाकाली अञ्चलमा पर्ने बैतडी जिल्लाको सदरमुकाम रहेको खलङ्गा गाउँ विकास समिति लगायत अन्य पाँचवटा गाविसहरू( दशरथचन्द, त्रिपुरासुन्दरी, बाराकोट, थालिगाडा र जगन्नाथ) मिलाएर २०५४ सालमा यस नगरपालिकाको गठन गरिएको थियो। वि. सं. २०७२ मा गुरुखोला, देहिमाडौँ, दुर्गाभवानी नागार्जुन गाविसहरू र दुर्गास्थान गाविसका तीन वडा समेत यसमा गाभेर यसलाई विस्तार गरिएको थियो।

कुल ११ वडामा विभाजित यो नगरपालिकाको जनसङ्ख्या (२०६८ सालको जनगणना अनुसार) ३४,५७५ रहेको छ । यहाँ कुल ७,२५७ घरधुरी रहेका छन्।

जनसङ्ख्या

बि.स.२०६८ को जनगणना अनुसार दशरथचन्द नगरपालिकाको जनसङ्ख्या १६,७९१ रहेको छ ।

शिक्षा

केही बर्ष पहिलेसम्म यंहाका विधार्थीहरु पढाईका लागि भारतको पिथौरागढ र अन्य सहरहरुमा जाने गर्थे | तर आफ्नै देशमा शैक्षिक संस्थाहरुको उपलब्धताका कारण आजभोली यो दर धेरै घटी सकेको छ | आजभोली अधिकाँश विधार्थीहरु स्थानीयस्तरमै अथवा धनगढी, महेन्द्रनगर र काठमाडौं गएर आफ्नो पढाइलाई निरन्तरता दिन्छन ।

दशरथचन्द नगरपालिकाभित्र रहेका बिद्यालय तथा कलेजहरू:

• बिद्यालयका नाम

1. श्री विरेन्द्रउच्च माध्यमिक बिद्यालय शाहीलेक
2. जगन्नाथ प्राथमिक बिद्यालय, गढी
3. जगन्नाथ प्राथमिक बिद्यालय, मडाला
4. मेजर जेंसेसकी चिल्ड्रेन एकेडेमी गोठलापानी (निजी बिद्यालय)

• कलेजको नाम

1. जगन्नाथ क्याम्पस

धर्म

यहाँ धेरै धार्मिकस्थलहरु छन् । जसमध्ये जगन्नाथ मन्दिर बैतडी र त्रिपुरासुन्दरी मन्दिर, बैतडी भगवतीको मन्दिर प्रसिद्ध मन्दिरहरु हुन् ।

जाति

यहाँ बढी जसो ब्राह्मण, क्षेत्री, ठकुरी र दलितको बसोबास रहेको छ ।

यी पनि हेर्नुहोस

• नेपाल
• बैतडी जिल्ला
• पाटन नगरपालिका
• दशरथचन्द नगरपालिका
• मेलौली भगवती मन्दिर
• पाताल भुमेश्वर महादेव मन्दिर
• निङ्गलाशैनी मन्दिर
• रौलकेदार मन्दिर
• स्याडी खोला
• कुलगडे देवता