पथरी-शनिश्चरे नगरपालिकानेपालको पूर्वाञ्चल विकास क्षेत्र अन्तर्गत कोशी अञ्चलमा पर्ने मोरङ जिल्लामा अवस्थित एक नगरपालिका हो।[३] मोरङ्ग जिल्लाको सदरमुकाम विराटनगरबाट करिव ५४ किलोमिटर पूर्वोत्तर क्षेत्रमा अवस्थित पथरीशनिश्चरे नगरपालिकालाई नेपाल सरकारले मिति २०७१-०१-२५ गते साबिक पथरी र शनिश्चरे गाउँ विकास समिति मिलेर नगरपालिकाको रुपमा घोषणा भई कार्यान्वयन भईरहेको नगरपालिका मध्येको एक नगरपालिका हो । यस नगरपालिकाको पूर्वमा उर्लावारी नगरपालिका, पश्चिम क्षेत्रमा वयरवन गाउँ विकास समिति , उतरमा जाते गाउँ विकास समिति र दक्षिणमा अमरदह र हसनदह गाउँ विकास समितिसँग सिमाना जोडिएको छ भने यस नगरपालिकाको क्षेत्रफल भने ५३.७ वर्ग किमी छ। यस नगरपालिकामा करीब ८०००० जनसङ्ख्या बसाेबास गरेकाे पाइन्छ । यस नगरपालिकालाइ १५ वटा वडा कायार्लयहरूमा विभाजन गरिएकाे छ ।साविकको शनिश्चरे बजार रहेको ठाँउलाई नगरपालिकाको केन्द्र बनाइएको छ।[४][५] यो नगरपालिका २०६८ साउन १ देखि लागू हुने गरी बनाइएको हो तर कार्यन्वयनमा हाल २०७१ जेष्ठ ४ देखि आएको हो। पथरी-शनिश्चरेलाई नगरपालिका घोषणा गर्दा साविकको पथरी र शनिश्चरे गाउँ विकास समितिहरू समावेश गरिएका हुन्। आर्थिक वर्ष २०६८/६९को बजेटमार्फत् मुलुकमा ४१ नयाँ नगरपालिका थपिंदा पथरी-शनिश्चरे पनि नगरपालिका बनेको हो।[६] महानगरपालिका, उपमहानगरपालिका र नगरपालिका गरी अब मुलुकमा कूल १९० भएका छन् भने गाविसको संख्या ३ हजार ९ सय १५ बाट घटेर ३ हजार ६ सय ३३ भएका छन।[६]
नेपाल
