वाङसिङ देउराली

वाङसिङ देउराली
आँधीखोला गाउँपालिका वडा नं ४
नेपालको नक्सामा वाङसिङ देउरालीको अवस्थिति वाङसिङ देउराली (नेपाल)
निर्देशाङ्क: २७.९५३७२८°N ८३.५१२३५१°E / 27.953728; 83.512351
देश	नेपाल
प्रदेश	गण्डकी प्रदेश
जिल्ला	स्याङ्जा जिल्ला
जनसङ्ख्या  (वि.सं २०६८)
• जम्मा	२,३७४
समय क्षेत्र	युटिसी+५:४५ (नेपाली समय)

वाङसिङ देउराली नेपालको पूर्व प्रशासनिक विभाजन अनुसार, पश्चिमाञ्चल विकास क्षेत्रको गण्डकी अञ्चल, स्याङ्जा जिल्लामा अवस्थित एक गाविस थियो। साबिक बाङसिङ देउराली गाउँ विकास समितिका १-९ वटा वडाहरु समाहित गरि हाल आँधीखोला गाउँपालिका वडा नं ४ बनेको हो। यस वडा को क्षेत्रफल १२.९ वर्ग किमि र जनसंख्या राष्ट्रिय जनगणना २०७८ अनुसार १७७९ रहेको छ। जसमा पूरुष ८२९ र महिला ९५० रहेका छन। साथै घरधुरी संख्या ५६४ रहेको छ।1 यो आँधीखोला गाउँपालिका वडा नं ४ मा अवस्थित छ।

यहाँ श्रवणकुमारको मन्दिर रहेको छ श्रबणकुमार अन्धा वाआमालाई पानी खुवाउन पुगेको पोखरी रहेको छ, जहाँ श्रवणकुमारलाई बाण लागेको थियो। बाहुन, क्षेत्री, दमाई, कामी र सार्की जातिको बसोबास रहेको यो गाउँ दुईतिरबाट सामुदायिक वनले घेरिएको छ । पर्यटकीय क्षेत्र पञ्चासे र डहरे देउरालीको काखमा अवस्थित यस गाविसको छिमेकमा बाँगेफड्के , कास्कीको भदौरे तामागी, पर्वतको आर्थर का साथै विचारी चौतारा, चिलाउनेवास र सेतीदोभान गाविस रहेका छन ।

यातायात

वाङसिङ देउराली गाविस हालको आँधीखोला गाउँपालिका वडा नं ४ बाङसिङ पुग्नका लागि सिद्दार्थ राजमार्गको फेदीखोला गाविस अन्तर्गत खड्केटारीबाट भाटखोला,बाँगेफड्के गाविस हालको फेदिखोला गाउँपालिका वडा नं ५ बागेफड्के हुदै पार गरेर एक पर्यटकीय सडक प्रयोग गर्न सकिन्छ । यसका साथै सिद्दार्थ राजमार्गको पुतलीबजार नगरपालिका अन्तर्गत नौडाँडाबाट नौडाँडा कार्कीनेटा सडकखण्डबाट सेतीदोभान गाविसलाई पार गरेर पनि उक्त स्थान पुग्न सकिन्छ ।

सन्दर्भ सामग्रीहरू

१. राष्ट्रिय जनगणना २०७८ https://censusnepal.cbs.gov.np/results/population?province=4&district=44&municipality=3