चापाकोट, स्याङ्जा

यो लेख पूर्व गाविसको बारेमा हो। नगरपालिकाको लागि चापाकोट नगरपालिका हेर्नुहोस्।

चापाकोट, स्याङ्जा
पूर्व गाविस
नेपालको नक्सामा चापाकोटको अवस्थिति चापाकोट, स्याङ्जा (नेपाल)
निर्देशाङ्क: 27.953728°N 83.512351°E / 27.953728; 83.512351
देश	नेपाल
प्रदेश	गण्डकी प्रदेश
जिल्ला	स्याङ्जा जिल्ला
क्षेत्रफल
• जम्मा	११.५ किमी२ (४.४ वर्ग माइल)
जनसङ्ख्या  (वि.सं २०६८)
• जम्मा	४,७०२
• घनत्व	४१०/किमी२ (११००/वर्ग माइल)
समय क्षेत्र	युटिसी+५:४५ (नेपाली समय)

चापाकोट नेपालको पूर्व प्रशासनिक विभाजन अनुसार, पश्चिमाञ्चल विकास क्षेत्रको गण्डकी अञ्चल, स्याङ्जा जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या ४७०२ रहेको थियो जसमध्ये १९९३ पुरुष र २७०९ महिला रहेका थिए भने यहाँ १०८७ घरधुरी रहेको थियो। यो हाल चापाकोट नगरपालिकामा पर्दछ। यसको साविकका ५,७,८,९ वडाहरू चापाकोट नगरपालिकाको वडा नम्बर २ हो भने १-४,६ वडाहरू वडा नम्बर ९ हो।

चारै तर्फबाट डाँडाले घेरिएको चापाकोटलाई नेपालको एक नमुना उपत्यकाको रूपमा लिन सकिन्छ । विशेष गरी दक्षिण भागमा बगने कालीगण्डकी नदी जसलाई शालिग्राम शिलाको खानीको रूपमा चिनिन्छ, त्यसले अझ चापाकोटको सुन्दरतालाई बयान गर्दछ । ब्राह्मण, क्षेत्री, नेवार, सुनार, ठकुरी, सार्की, कुमाल, विश्वकर्मा, यहाँका प्रमुख बासिन्दा भए पनि बाहुल्यतामा भने केहि भिन्नता पाईन्छ । प्राय गरी चापाकोट गाविसको उत्तरी भाग जुन केवारे भञ्ज्याङसँग सिमाना जोडिएको छ त्यो क्षेत्रमा सार्की तथा ठकुरी जातिको बाहुल्यता छ भने पूर्वी भाग जुन सेखाम गाविससँग सिमाना जोडिएको छ त्यो क्षेत्रमा प्राय नेवार तथा विश्वकर्मा लगायतका जातिहरूको बाहुल्यता पाइन्छ । त्यस्तै गरी दक्षिण भाग जुन कालीगण्डकी लाई सिमाना बनाउदै पाल्पासँग छुट्टिएको छ। अनि पश्चिमी भाग जुन पकवादी गाविससँग सिमाना जोडिएको छ त्यो क्षेत्रमा भने प्राय बाहुन जातका मानिसहरू बसोबास गर्ने गर्दछन् । जुनसुकै जातजातिका मानिसहरू भएतापनि यो क्षेत्रको प्रमुख धर्म भने हिन्दुनै हो । प्राय यहाँका मानिसहरू दसैं, तिहार, तीज लगायतका चाडहरू धुमधामका साथ मनाउने गर्दछन् ।