फेदीखोला गाउँपालिका

फेदीखोला
गाउँपालिका
शीर्ष बायाँ देखि दाँया फेदीखोला गाउँपालिकाका विभिन्न मनोरम दृष्यहरू र फेदीखोला गाउँ कार्यपालिकाको कार्यालय
देश	नेपाल
प्रदेश	गण्डकी प्रदेश
जिल्ला	स्याङ्जा जिल्ला
वडा सङ्ख्या	५
स्थापना	२०७३ साल फाल्गुन २७ गते
सरकार
• प्रकार	स्थानीय तह
• अध्यक्ष	घनश्‍याम सुवेदी नेकपा (एमाले)
• उपाध्यक्ष	देउकुमारी गुरुङ नेकपा (एमाले)
क्षेत्रफल
• जम्मा	५६.७३ किमी२ (२१.९০ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	१०,८९९
• घनत्व	१९०/किमी२ (५००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-६३
केन्द्र	साविक फेदीखोला गाविसको कार्यालय
वेबसाइट	phedikholamun.gov.np

फेदीखोला स्याङ्जा जिल्लाको उत्तर क्षेत्रमा फैलिएको एक गाउँपालिका हो। विसं २०७३ सालमा सङ्घीय मामिला तथा स्थानीय विकास मन्त्रालयले ७४४ स्थानीय तह (गाउँपालिका तथा नगरपालिका) लागू गर्दा स्याङ्जा जिल्लामा बाङ्गेफड्के, भाटखोला, आरुखर्क र फेदीखोला गाउँ विकास समितिहरूलाई समेटेर फेदीखोला गाउँपालिका घोषणा गरिएको थियो।

परिचय

पोखरा महानगरपालिकासंग सिमा जोडिएको फेदीखोला गाउँपालिका गण्डकी प्रदेश को राजधानी पोखरादेखि सबैभन्दा नजिकको गाउँपालिका हो। स्याङ्जाको स्वागतद्वारको रूपमा चिनिएको यस गाउँपालिकाले देशको प्रमुख राजमार्ग सिद्धार्थ राजमार्गलाई समेटेको छ । प्राकृतिक, सांस्कृतिक एवम् जैविक विविधताले भरिपूर्ण यस गाउँपालिकाले धार्मिक, सांस्कृतिक एवम् प्राकृतिक पर्यटनको भरपूर सम्भावना बोकेको छ । विश्वकै ध्यान तान्न सफल राष्ट्रिय गौरवको आयोजना गोर्खा स्मारक पार्कदेखि यस गाउँपालिकाका भालुपहाड, बडाचौर, साल्मेडाँडा रामकोट, सिरान्चुली बागे, पञ्चासे राष्ट्रियस्तरमा सुपरिचित पर्यटकीय स्थान हुन् । पुरातात्विक धार्मिक पहिचानका रूपमा कालाभैरव नुवाकोट, आरुखर्क दरबार, राम्चेदेवी, शिवालय, बौद्धगुम्बा गाउँपालिकाका गौरव हुन् । हाडीखोर दमाहाढुंगा, नुवाकोट, मट्टिखानबाट सञ्चालित प्याराग्लाइडिङ आन्तरिक तथा बाह्य पर्यटनको आकर्षणको केन्द्र रहेको छ । रामकोट, बाँगेफड्केमा सञ्चालित होमस्टेले ग्रामीण साँस्कृतिक परिवेशलाई जीवन्तता दिएको छ भने साँस्कृतिक पर्यटनमा महत्त्वपूर्ण टेवा पुर्‍याएको छ।

जनसङ्ख्या

राष्ट्रिय जनगणना २०७८को जनगणना अनुसार फेदीखोला गाउँपालिकाको कुल जनसङ्ख्या १०,८९९ रहेको छ भने यहाँ ३,१६५ घरधुरी रहेका छन्।

फेदिखोला गाउँपालिकाको वडा विवरण

वडा नं.	समावेश साविकका गाविसहरू	जनसङ्ख्या (२०७८)	क्षेत्रफल (वर्ग कि.मी.)	जनघनत्व (प्रति व.कि.मी.)
१	फेदीखोला (४-६, ८-९)	२,२८६	९.७५	२३४.४६
२	फेदीखोला (१-३, ७) र आरुखर्क (९)	४,०४५	१३.९४	२९०.१७
३	भाटखोला	१,३३५	५.०१	२६६.४७
४	आरुखर्क (१-८)	२,४८८	१९.१३	१३०.०६
५	बाङ्गेफड्के	७४५	८.९	८३.७१
कुल		१०,८९९	५६.७३	१९२.१२

भू-वनोट

फेदीखोला गाउँपालिकामा ५ वडाहरू रहेका छन् । फेदीखोलाको कुल क्षेत्रफल ५६.७३ वर्ग किमी छ । यो गाउँपालिकाको पूर्वमा कास्की जिल्ला पर्दछ भने पश्चिममा आँधीखोला गाउँपालिका छ। यसको उत्तरी भागमा कास्की जिल्ला क्षेत्रमा पुतलीबजार नगरपालिका र आँधीखोला गाउँपालिका पर्दछन् ।

बाह्य कडीहरू

• जिल्ला विकास समितिको कार्यालय, स्याङ्जा अभिलेखिकरण २०१९-०४-०४ वेब्याक मेसिन