अर्जुनचौपारी गाउँपालिका

अर्जुनचौपारी
गाउँपालिका
अर्जुनचौपारी गाउँपालिकाका मनमोहक दृश्यहरू
देश	नेपाल
प्रदेश	गण्डकी प्रदेश
जिल्ला	स्याङ्जा जिल्ला
स्थापना	२०७३ साल फाल्गुन २७ गते
सरकार
• प्रकार	स्थानीय तह
• मेयर	दीर्घनारायण अर्याल (नेपाली काँग्रेस)
• अधिकृत	-
क्षेत्रफल
• जम्मा	५७.२२ किमी२ (२२.०९ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	१६,१७६
• घनत्व	२८०/किमी२ (७३०/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-६३
केन्द्र	साविकको अर्जुनचौपारी गाविसको कार्यालय
वेबसाइट	arjunchauparimun.gov.np

अर्जुनचौपारी स्याङ्जा जिल्लाको उत्तर-पश्चिम भागमा फैलिएको एक गाउँपालिका हो। विसं २०७३ सालमा सङ्घीय मामिला तथा स्थानीय विकास मन्त्रालयले ७४४ स्थानीय तह (गाउँपालिका तथा नगरपालिका) लागू गर्दा स्याङ्जा जिल्लामा अर्जुनचौपारी, रापाकोट, पञ्चमुलका (३,७) वडाहरू, आरुचौर र दरौ गाउँ विकास समितिहरूलाई समेटेर अर्जुनचौपारी गाउँपालिका घोषणा गरिएको हो।

जनसङ्ख्या

प्रदेश नं. ४ स्थित स्याङ्जा जिल्लामा अर्जुनचौपारी, रापाकोट, पञ्चमुलका (३,७) वडाहरू, आरुचौर र दरौ गाविसहरूलाई मिलाएर अर्जुनचौपारी गाउँपालिका बनाइएको हो। त्यसैले राष्ट्रिय जनगणना २०६८का अनुसार यी ठाउँहरूको जनसङ्ख्यालाई जोडेर अर्जुनचौपारी गाउँपालिकाको जनसङ्ख्या १६,१७६ रहेको छ।

भू-वनोट

अर्जुनचौपारी गाउँपालिकामा ६ वडाहरू रहेका छन। अर्जुनचौपारीको कुल क्षेत्रफल ५७.२२ वर्ग किमी छ। यो गाउँपालिकाको पूर्वमा पुतलीबजार नगरपालिका पर्दछ भने पश्चिममा पर्वत जिल्ला छ। यसको उत्तरी भागमा आँधिखोला गाउँपालिका छ भने दक्षिणी क्षेत्रमा भीरकोट नगरपालिका पर्दछ।

बाह्य कडीहरू

• जिल्ला समन्वय समितिको कार्यालय, स्याङ्जा