ग्यालेक्सी फोरके टेलिभिजन

ग्यालेक्सी फोरके टेलिभिजन

देश	नेपाल
प्रधान कार्यालय	बालुवाटार, काठमाडौँ
कार्यक्रम
भाषा(हरू)	नेपाली
स्वामित्व
मालिक	गोर्खा मिडिया नेटवर्क प्रा. लि.
इतिहास
सुरुवात	वि.सं. २०७८ असोज १५
कडीहरू
वेबसाइट	gmn.com.np

ग्यालेक्सी फोरके टेलिभिजननेपालको निजी क्षेत्रको एउटा टेलिभिजन स्टेसन थियो। गोर्खा मिडिया नेटवर्कले सञ्चालनमा ल्याएको यो टेलिभिजन कम्पनीको अध्यक्ष तथा संस्थापक जिबी राई हुन्। यस टेलिभिजनको मुख्य कार्यालय काठमाडौँको बालुवाटारमा अवस्थित छ। वि.सं. २०७८ असोज १५ गते विधिवत् प्रसारण आरम्भ गरेको यस टेलिभिजनले सुरुदेखि नै फोरके गुणस्तरको प्रविधि अवलम्बन गरेको दाबी गरेको छ। यसको आफ्नै युट्युब च्यानल पनि छ र एफएममा पनि सुन्न सकिन्छ। स्थापनाकालका प्रबन्ध निर्देशक रवि लामिछानेले राजनीतिमा आबद्ध हुने भनेर केही महिनामै आबद्धता अन्त्य गरेका थिए। यस टेलिभिजनका सम्पादक रामबहादुर रावल हुन्।

विवाद

संस्थापक जिबी राई सहकारी ठगी प्रकरणमा मुछिएपछि यो टेलिभिजनमा बन्द गरिएको थियो। उनी माथि पोखरा स्थित सूर्यदर्शन बचत तथा ऋण सहकारी संस्थाको १६ अर्ब भन्दा बढी रकम अपचलन गरेको आरोप लागेको थियो। उक्त सहकारी संस्थाका कोषाध्यक्ष तथा यस टेलिभिजनको सञ्चालक संस्था गाेरखा मिडिया नेटवर्क प्रालिका उपाध्यक्ष कुमार रम्तेललाई २५ भदौ २०८० मा, काठमाडौँबाट पक्राउ गरिएको थियो। २१ असोज २०८० मा, कास्की जिल्ला अदालतले पुर्पक्षको लागि कारागार चलान गरेको थियो।

आबद्ध पत्रकार तथा प्रस्तोताहरू

• प्रशान्त अर्याल-प्रधान सम्पादक (भूतपूर्व)
• रामबहादुर रावल-सम्पादक
• विजय कुमार पाण्डे
• रवि लामिछाने
• रमेश प्रसाईं
• निमेष बन्जाडे
• साजना तामाङ
• स्मृति मल्ल
• राजेश हमाल
• दीपकराज गिरी