पाँचखाल

पाँचखाल
—  नगरपालिका  —
पाँचखाल नगरपालिकाको एक दृष्य
पाँचखाल नेपालको नक्सामा पाँचखालको अवस्थिति
निर्देशाङ्क: २७°३९′ उत्तर ८५°३७′ पूर्व
देश	नेपाल
अञ्चल	बागमती
जिल्ला	काभ्रेपलाञ्चोक
स्थापना	२०११ जुलाई १७
अवनति	९३७ मि (३,०७४ फिट)
जनसङ्ख्या (1991)
- जम्मा	९,४८१
समय क्षेत्र	नेपालको प्रमाणिक समय (युटिसी+5:45)
पोष्टल कोड(Postal Code)	४५२१२
टेलिफोन कोड	०११
वेबसाइट	www.panchkhalmun.gov.np

पाँचखाल नगरपालिका भवन

पाँचखाल नगरपालिका बागमती अञ्चल‎को काभ्रेपलाञ्चोक जिल्लाको पूर्वी भागमा अवस्थित छ। काठमाडौंबाट ४५ कि.मि. पूर्व उत्तर तथा धुलिखेलबाट १५ किलोमिटर उत्तरी दिशामा पर्ने पाचँखाल नगरपालिका,यस जिल्लाको सवैभन्दा ठूलो समथर बेंशी हो। अरनिको राजमार्गले बीचबाट काटेर गएको यो बेंशी समुद्र सतहबाट ९३७ मिटर (२०७३ फिट)उचाइमा छ। पाँचखाललाई विसं २०७१ मा पाँचखाल, होक्से बजार, अनेकोट र देवभूमी बालुवा गाविसहरू मिलाएर नगरपालिका घोषणा गरिएको हो।

हावापानी

यस बेंशीको वरीपरि पलाञ्चोक, अनैकोट, रविओपि, जैशिथोक, पात्लेखेतका डाँडा हरूले घेरिएको छ। यसरी कम उचाईमा रहनु, वरिपरि डाँडा हुनु, आदि कारणले यहाँ प्रशस्त मात्रामा गर्मी हुने गर्दछ। यहाँको गृष्म तापक्रम सरदर ३२-३३° सेल्सीयस (९०.९५० फरेनहाइट) सम्म पुग्छ। डाँफे र झिकु खोलाहरूद्वारा सिंचित यो बेंशी मलिलो भएतापनि अघि औलो लाग्ने भएकाले यहाँ बस्ती थिएन। पहिला दनुवार जातिहरूका मात्र बस्ती भएतापनि राजमार्गको विकासले गर्दा अन्य जातिहरूको आकर्षण बढ्दैछ।

कृषि

सिंचाइको सुविधा, मलिलो पाँगो माटो, यातायातको सुविधा, हावापानीको अनुकूलताको कारण यो क्षेत्र कृषिको लागि महत्वपूर्ण क्षेत्र मानिन्छ। धान, मास, गोलभेडा कटहर, आलुको लागि यो क्षेत्र अति महत्वपूर्ण छ। जहाँको गोलभेडा र आलु काठमाडौं उपत्यकाको बजारहरूमा पाइन्छ। यसका अतिरिक्त आँप, केरा, रुख र भूइँकटरहरू, लिची, कागती, मेवा आदि कर्केटार नामक परम्परागत बगैंचा र पाँचखाल बागवानी केन्द्र (७.३५ देक्टर क्षेत्र ) बाट उत्पादन हुने गर्दछ।

शिक्षा

आठ मा.वि., दुई कलेज ,तीन प्रहरी चौकी, इलाका हुलाक, दुग्ध संकलन केन्द्र आदि कार्यालय रहेको यो क्षेत्रमा चक्रपथ बनाउने, प्रदुषण हरियालीयुक्त बनाउन जिविस, गाविस र प्यारो हरियाली नेपालको सत्प्रयास रहेको छ।

सडक यातायात

पाँचखालको प्रमूख यातायात मार्ग अरनिको राजमार्ग राजमार्ग हो । यसले पाँचखाललाई धुलिखेल, बनेपा र काठमाडौंसँग जोडेको छ ।