भट्टराई डाँडा

भट्टराई डाँडा
गाउँ
शीर्ष बायाँ देखि दाँया भट्टराई डाँडाका विभिन्न स्थानहरू
स्याङ्जा जिल्लाको (पुरानो नक्शा)मा साँखर र यसका गाउँहरू
निर्देशाङ्क: २७°५२′५९″N ८३°५५′५२″E
देश	नेपाल
प्रदेश	गण्डकी प्रदेश
जिल्ला	स्याङ्जा जिल्ला
नगरपालिका	चापाकोट नगरपालिका
वडा कार्यालय	वडा नं. ६, मोहमी
क्षेत्रफल
• जम्मा	२.१५ किमी२ (०.८३ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	५५१
• घनत्व	२६०/किमी२ (६६०/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-६३
केन्द्र	चापाकोटको वडा नं. ६ कार्यालय, मोहमी

विसं २०७३ सालमा सङ्घीय मामिला तथा स्थानीय विकास मन्त्रालयले ७४४ स्थानीय तह (गाउँपालिका तथा नगरपालिका) लागू गर्दा स्याङ्जा जिल्लामा साँखर, पकवादीको वडा नं. ८, मल्याङकोटको वडा नं. (१-३,५-९) र सेखाम गाउँ विकास समितिहरूलाई समेटेर चापाकोट नगरपालिका घोषणा गर्यो । साँखरलाई चापाकोटमा समायोजन गरिएसंगै ९ वडामा विभाजित साँखर अहिले चापाकोटको २ वडामा समेटिएको छ । साबिक साँखरका (१ देखि ६) वडाहरूलाई चापाकोटको वडा नं. ६ र (७ देखि ९) वडाहरूलाई नगरपालिका वडा नं. ७ मा गाभिएको छ ।

परिचय

भट्टराई डाँडा चापाकोट नगरपालिकाको वडा नं. ६ मा पर्ने गाउँ हो । भट्टराई डाँडा, स्याङ्जा जिल्लाको दक्षिण पूर्वी क्षेत्रमा पर्ने अति नै रमणीय, सुन्दर, शान्त ठाउँ मध्येको एक हो । खास गरी दक्षिण भागमा बग्ने कालीगण्डकी नदी, जसलाई शालिग्राम शिलाको खानीको रूपमा चिनिन्छ, त्यसले अझ भट्टराई डाँडाको सुन्दरतालाई बयान गर्दछ । भट्टराई डाँडाको जनसङ्ख्या ५५१ रहेको छ । यो गाउँमा १४६ वटा घर छन् ।

समाज

प्रमुख तिर्थस्थल केलादीघाटमा बाहुनहरूको बाहुल्यता रहेको छ । ब्राह्मण, क्षेत्री, नेवार, सुनार, ठकुरी, सार्की, कुमाल, विश्वकर्मा, यहाँका प्रमुख बासिन्दा भए पनि बाहुल्यतामा भने केहि भिन्नता पाईन्छ । त्यस्तै गरी दक्षिण भाग जुन गण्डकी नदीले सिमाना बनाउदै पाल्पा जिल्लासँग छुट्टिएको अनि पश्चिमी भाग जुन सेखामसँग सिमाना जोडिएको छ, त्यो क्षेत्रमा भने प्राय बाहुन जातका मानिसहरु बसोबास गर्ने गर्दछन । जुनसुकै जातजातिका मानिसहरु भएतापनि यो क्षेत्रको प्रमुख धर्म भने हिन्दुनै हो । प्राय यहाँका मानिसहरु दसैं, तिहार, तीज लगायतका चाडहरु धुमधामका साथ मनाउने गर्दछन ।