सन्दकपुर

स्वतन्त्र विश्वकोश, नेपाली विकिपिडियाबाट
Jump to navigation Jump to search
सन्दकपुर
Sandakphu
Sandakphu.jpg
सन्दकपुर
View from Sandakphu in West Bengal
उचाई ३,६३६ मी (११,९२९ फिट)
सूचिकृत List of Indian states and territories by highest point
अवस्थिति
सन्दकपुर Sandakphu is located in पश्चिम बङ्गाल
सन्दकपुर Sandakphu
सन्दकपुर
Sandakphu
सन्दकपुर Sandakphu is located in प्रदेश न० १
सन्दकपुर Sandakphu
सन्दकपुर
Sandakphu
Location of Sandakphu peak
रहेको स्थान Darjeeling district, West Bengal, India / Ilam district, Mechi, Nepal
श्रृङ्खला Singalila Ridge
निर्देशाङ्क २७°६′२१″ उत्तर ८८°०′६″ पूर्व / २७.१०५८३° उत्तर ८८.००१६७° पूर्व / 27.10583; 88.00167निर्देशाङ्क: २७°६′२१″ उत्तर ८८°०′६″ पूर्व / २७.१०५८३° उत्तर ८८.००१६७° पूर्व / 27.10583; 88.00167[२]
स्थलाकृतिक नक्सा Google topographic map[१]
आरोहण
सजिलो आरोहण मार्ग Hiking or by car
Route map of Sandakfu trek (not to scale)

इलाम बजारबाट ३६ किलोमिटरमाथि चढेपछि पुगिन्छ इलामको सबैभन्दा अग्लो डाँडो, सन्दकपुर। देखिन त सूर्य जहाँबाट पनि देखिन्छ तर केही ठाउँ यस्ता हुन्छन् जहाँको सूर्य देख्दा आकाश नै आफ्नो भएजस्तो लाग्छ। इलामको सन्दकपुर त्यस्तै थुम्को हो, जहाँ धपधप बलेको सूर्य आकाशमा होइन, हेर्नेको आँखामा उदाउँछ। श्रीअन्तु, सिद्धिथुम्का र सन्दकपुर; यी तीन डाँडाले इलामलाई सूर्‍योदयको जिल्ला का रूपमा चिनाएका छन्।

माइमझुवा गा.वि.स. ९ र मावु गा.वि.स.८को संगमस्थल सन्दकपुर ३६३६ मी.को उचाइमा नेपाल भारत सिमा क्षेत्रमा अवस्थित प्रसिद्ध ठाउँ हो । यहाँ बाट कार्त्तिक देखि बैशाख सम्म सूर्योदयको दृश्यावलोकन गर्न सकिन्छ । यही मौसममा हिउँ समेत पर्ने र लामो समयसम्म रही रहन्छ । यहाँबाट सगरमाथा कंचनजंघा लगायतका हिमालको समेत दृश्यावलोकन गर्न सकिन्छ ।

सन्दकपुर जान २ वटा बाटाहरू रहेका छन् । एउटा इलाम बजार बाट माइपोखरी देउराली माइमझुवा हुँदै एक दिनको पैदल यात्रामा पुग्न सकिन्छ भने अर्को फिक्कल, पशुपतीनगर हुदै भारतीय भूभागबाट मानेभन्ज्याङ हुँदै ट्याक्सीमा चढेर सन्दकपुर पुग्न सकिन्छ ।[३]

नेपालको पूर्वी सिमानामा पर्ने सन्दकपुरबाट नेपाल, भारतको पश्चिम बङ्गाल, सिक्किम र भुटान गरी तीन देश देख्न सकिन्छ। छेउमा उभिएर हात अघि बढाउँदा कञ्चनजंघा, कुम्भकर्णमकालु हिमाल आफ्नै हत्केलामा उभिएजस्तो लाग्छ। आइपुग्ने बाटोको कुरा अझै बेग्लै छ।

पुग्ने कसरी[सम्पादन गर्ने]

हवाईजहाजबाट भद्रपुर 'ओर्लिएपछि सोझै झापाकै अर्को शहर बिर्तामोड पुग्नुहोस्। पूर्व-पश्चिम राजमार्गको बिर्तामोड वा चारआलीमा इलामका लागि गाडी पाइन्छन्। बिर्तामोडबाट ८३ किलोमिटर टाढाको इलाम पुर्‍याउन गाडीले सरदर तीन घण्टा लगाउँछ। पहिलो दिन इलाम बजारमै बास बस्नु राम्रो। इलाम बजारमा रु.१००मा मासुभात पाइन्छ। लजमा धेरै तिर्नुपर्दा रु.५५० सम्म पर्छ। इलाम बजारबाट बिब्ल्याँटे, माइपोखरी हुँदै दोस्रो दिनको यात्रा शुरु हुन्छ। वा पहिलो दिन नै माइपोखरी बसेर दोस्रो दिनबाट कच्ची बाटोको यात्रा शुरु गर्न पनि सकिन्छ। माइपोखरी बास बस्नेहरूका लागि पाँच सय मिटर पर देउरालीमा होटल, लज खोलिएका छन्। यहाँबाट जसबीरे, कोठी डाँडा हुँदै ल्याण्डरोभरले डेढ घण्टामा खुर्सानीटर पुर्‍याउँछ। अथवा खुर्सानीटारसम्म पैदल पनि हिँड्न सकिन्छ। यदि तपाई पैदल हिँड्नुभयो भने बीचमा टोड्के झरना हेर्न नभुल्नुहोला। बाटोबाट सय मिटर मुन्तिर इलामको सबैभन्दा लामो (८५ मि.) टोड्के झरना भेटिन्छ। सन्दकपुर यात्राको एउटा बिसौनी खुर्सानीटारलाई मानिन्छ। सात घण्टा लामो उकालो यहीँबाट शुरु हुन्छ, जहाँ गाडी चल्दैन। तपाईसँग ठूलो भारी छ भने खुर्सानीटारमा रु.३०० सम्ममा भरिया पाउन सकिन्छ। तर, उकालोमा कुनै घर वस्ती नभएकाले खानेकुरा साथै लैजानु राम्रो। बाटोमा घर भेटिँदैनन्, सुस्ताउनका लागि गोठ भने प्रशस्त छन्। चौरी र भेडाको लस्कर यात्राका साथी बन्न आइपुग्छन्। एकै सासमा सात घण्टाको उकालो चढ्न सकिँदैन भने, बीचमा छ- कालपोखरीकालपोखरीमा होटल, लज पाइन्छन्। एक रात कालपोखरीमा बास बसेर पनि बाँकी उकालो उक्लिन सकिन्छ। यहाँबाट डेढ घण्टाको उकालोमा सन्दकपुर पुगिन्छ। बाटो छेउको जङ्गलमा आक्कल झुक्कल दुर्लभ रेडपाण्डा, बँदेल, भालु पनि देख्न पाइन्छ। यो उकालोमा लेक लाग्ने संभावना अधिक मानिन्छ, यसैले मकैको सातु बोक्नु बेस हुन्छ। सात घण्टाको उकालो उक्लिएपछि आइपुग्छ, तपाईको गन्तव्य सन्दकपुर। तपाईले रोजीरोजी, सूर्‍योदय, सूर्यास्त, हिमाल, पहाड र तराईका फाँट हेरेर आनन्द लिन सक्नुहुन्छ। सन्दकपुरमा नेपालतर्फ दुई वटा होटल छन्। भारतपट्टि भने अलि धेरै छन् तर रेट दुवैतिर बराबर जस्तै छ। यहाँको असली आनन्द भने चौरमा पाल टाँगेर बस्नुमा मानिन्छ। अथवा यहाँ एउटा यात्री भवन पनि छ, जहाँ रु.५ देखि १०मा एक रात सुत्न पाइन्छ। सन्दकपुर पुगिसकेपछि तपाई गएको बाटो छाडेर अर्कै बाटो घुम्दै फर्किन पनि सक्नुहुन्छ। थुप्रै डाँडाको शिर र भञ्ज्याङ हुँदै अघि बढ्ने यो बाटो पशुपतिनगर निस्किन्छ। जौबारी, तुम्लिङ, मेघ्मा, मानेभञ्ज्याङ बीचमा पर्ने स्टेशन हुन्। अर्को बाटो छ छिन्टापुको। २,९४६ मिटर उचाइमा रहेको छिन्तापुबाट पूर्वाञ्चलका सबै १६ जिल्ला देखिन्छन्। यहाँबाट माइपोखरी निस्किएर इलाम बजार झर्न पनि सकिन्छ।

सन्दर्भ सामग्रीहरू[सम्पादन गर्ने]

स्वर्गजस्तै सन्दकपुर:

धार्मिक महत्वका हिसाबले माइखोला माईभगवतीको आराधना गर्ने हिन्दु धर्मावलम्बीहरुको महत्वपूर्ण तीर्थस्थल हो । माघ १ गते माईखोला र जोगमाईखोलाको सङ्गमस्थल माइबेनीमा माईदर्शन गर्न सिक्किमका विभिन्न स्थानहरु, दार्जिलिङ, कालिङ्पोङ, तेह्रथुम, ताप्लेजुङ, पाँचथर र इलामका भक्तजनको ठूलै भीड लाग्ने गर्छ । त्यहि माईखोलाको उद्गमस्थल अर्थात माईको उत्पति भएको स्थान हो सन्दकपुर । परापूर्वक कालमा सन्त तथा महर्षिहरुले बडो कष्टपूर्ण जप तप गर्ने स्थल भएको सो स्थानको नाम सन्तपुर रहन गएको जनविश्वास छ । कालान्तरमा सन्तपुरको नाम अपभ्रंश हुदै सन्दकपुर नाम रहन गएको हो । हिन्दु मात्र नभएर किरात तथा बौद्ध धर्मावलम्बीहरु पनि सो क्षेत्रलाई तपोभूमिको रुपमा स्विकार्दै आएका छन् । सन्दकपुर जादा बाटोमा भेटिने शेर्पा तथा शेर्पाभाषाका लिपिहरुले सैयौं बर्ष अघि कुदिएको ठूला ठूला ढुङ्गाहरु त्यसका प्रमाण हुन् । समुन्द्र सतहदेखि ३ हजार ६ सय छत्तिस मिटर (११९२९.१३ फिट) को उचाईमा रहेको सन्दकपुर दक्षिण एसियामै सबैभन्दा राम्रोसँग हिमश्रृङ्खला दृष्यावलोकन गर्ने स्थल हो । नेपाल, भारत र भुटानका ६० हिमचुचुरा एकसाथ हेर्न सकिने भएकोले पनि नेपालको पर्यटनबृत्तमा सन्दकपुरको चर्चा चुलिदै गएको छ ।

नेपालका सगरमाथा, कञ्चनजंघा लगाउत प्राय सबै हिमालहरु, भारतको सिक्किमस्थित पाण्डिम र भुटानको कुलाकाङ्ग्री हिमालसहित पूर्वी हिमशृंखलामा पर्ने साढे ६ हजार मिटर उचाइमाथिका अरु ५ दर्जन हिमालहरु हिमालहरु आफ्नै नाङ्गो आँखाले सन्दकपुरबाट हेर्न सकिन्छ । भारतको सिंहलिला नेसनल पार्कसँग जोडिएको सन्दकपुरबाट पश्चिम उत्तरतिर ल्होत्से, मकालु, कुम्भकर्ण हिमाल नजिकै देखिन्छन् । ठ्याक्कै उत्तरतिर फर्किंदा सिक्किमका पाहुन्द्री, सिनोल्चु र जोङसङ हिमाल झन् नजिक लाग्छन् । हल्का पूर्व हेर्दा भुटानका कुलाकाङ्ग्री र जोमलरीसहित एक दर्जन हिमचुचुरा देखिन्छन् । मौसम खुलेका बेला सगरमाथादेखि कुलाकाङ्ग्रीसम्मका हिमचुचुरा एउटै रेञ्जमा देख्न सकिन्छ । केहि बर्ष यता तापमान बढ्दै जादा उच्च तापक्रम छल्न सन्दकपुर जाने ट्रेण्ड नै बनेको छ ।

स्वर्गको एक टुक्रा झैं लाग्ने सन्दकपुरमा नियाल्ने धेरै कुरा छन् । सुर्योदय हेर्नका लागि नेपालमा धेरै स्थानहरु छन् । इलाममा पनि श्रीअन्तु, कन्याम, सिद्धिथुम्का सुर्योदय हेर्नकै लागि प्रख्यात छ । तर सन्दकपुरबाट सुर्योदयको दृष्यावलोकनको मज्जा छुट्टै छ । अन्य स्थानमा १८० डिग्रीमा उदाउने सुर्य हेर्न सन्दकपुरबाट सिधा रेखाबाट धेरै तल हेर्नुपर्छ । आँखामा सुर्य उदाउने ठाउँ भनेर तपाईले कतै सुन्नुभएको छ भने त्यो स्थान सन्दकपुर नै हो । आकाशमा माथि माथि उडी हिड्ने बादललाई हेर्न सन्दकपुरबाट शिर उचो गर्न पर्दैन, निहुरिएर पो हेर्नुपर्छ । निहुरिएर आफु उभिएको धरातलबाट त्यहि बादलको सागर हेर्न पाउदा मन कसको पो रोमाञ्चित नहोला र ! त्यहाँको लोभलाग्दो जीवनशैलीले घुमन्तेहरुलाई आकर्षण गर्दछ । बिहानीको ठिहीमा जङ्गलबाट सखारै दुध दिन गोठ फर्किएका चौरीं दुहुदै गर्दा दुधबाट उठ्ने वाफ हेर्न सन्दकपुर नै पुग्नु पर्छ । सिजनको समयमा हिमालहरु सँगै सन्दकपुर पर्यटकीय क्षेत्रमा जङ्गलमा रहेका दुर्लभ रेडपाण्डा, जङ्गलमा डुली हिड्ने जङ्गली घोडा, गुराँस फुलेर राताम्यै भएको ति उच्च पहाडी श्रृङ्खला र त्यो गाढा निलो आकाश हेर्न सकिन्छ । हिजोआज त एडभेञ्चर साइकल यात्रीहरु साइकल लिएर नै सन्दकपुर जान थालेका छन् ।

अफ सिजनमा पनि हिजोआज सन्दकपुर जानेहरु भेटिन थालेका छन् । एडभेञ्चरका लागि पर्यटकहरु अफ सिजनमा पनि सन्दकपुर जान थालेका हुन् । भिर पहाराको यात्रा, जुकाको गर्मीलो टोकाई, एकलासले २÷३ घण्टासम्म नियमित हिडिसक्दा पनि नभेटिने मावन वस्ती, यात्राको क्रममा पिउने पानीको अभाव, लेक लाग्ने, जङ्गली जनावरको भय, पानीको बाल्टीमा जमेको बरफ ढुङ्गाले फुटाएपछि पग्लिने पानीले विहानको शौच धुनुपर्ने लगायतका क्रियाकलापको अनुभव गर्न घुमन्तेहरु सन्दकपुर जान थालेका छन् भने कोहि हिउँमा खेल्न र रमाउन पनि अफ सिजनमा सन्दकपुर जान थालेका छन् । अफ सिजनमा सन्दकपुर जानेहरुमा सोधकर्ता विद्यार्थीहरु पनि पर्छन् ।

नेपाल भारतको सिमानामा अवस्थित सन्दकपुरलाई भारतीयले भने सन्दकफु भन्ने गरेका छन् । भारतमा भने सन्दकपुरको क्रेज धेरै समय अघिदेखिकै हो । हाइकिङको लागि पश्चिम बङ्गालकै सबैभन्दा उच्च भुभाग भएको चर्चा गर्दै सन्दकपुरको ब्राण्डिङ गर्छ भारतले । विशेषगरि कोलकोताका बङ्गाली पर्यटकहरु भारत भएर सन्दकपुर भ्रमण गर्न आउछन् । विगतका दिनमा नेपालबाट सन्दकपुर पैदल मात्र जान सकिने भएकोले काठमाण्डौंका विभिन्न कलेजका शिक्षक विद्यार्थीहरु भिजिट प्याकेज अन्तरगत सन्दकपुर भारतीय मोटरबाटो नै प्रयोग गरि पुग्ने गरेका थिए ।

सन्दकपुर जादै हुनुहुन्छ भने मैले नोटिस गरेको यी कुराहरु ध्यानमा राख्नु जरुरी देख्छु म । सामान्यतया ३ हजार दुई सय भन्दा माथिको उचाईमा मानिसहरुलाई लेक लाग्ने (हाई अल्टिट्युड समस्या) गर्छ । मिश्री, अदुवा, सातु जस्ता बस्नुहरु खादै हिड्ने गरेमा सामान्यता लेक नलाग्ने अनुभव मसँग छ । सन्दकपुरको विहानीमा शौचालयका भाडाहरुका पानी बरफ बनिसकेका हुन्छन् भने विहानै तपाईलाई पानी तताईदिने मानिस नभेटिन सक्छ । तसर्थ अनिवार्य रुपमा ट्वाइलेट पेपर बोकेर हिडेमा बासस्थानमा मात्र होइन यात्राको क्रममा पनि तपाईलाई सहज हुनेछ । यात्राको क्रममा फस्र्ट एड बक्स बोक्ने सामान्य नियमको पनि परिपालना गर्नु हितकर हुन्छ । सन्दकपुरमा रहेका चौरीगोठका चौरीहरु दिन र रातको समयमा जङ्गलमै बस्छन् । विहान दुध दिने समयमा मात्र गोठ फर्किन्छन् । मुख्य आहारा घाँससँगै त्यहाँका चौरीले उच्च लेकाली भेगका जरिवुटी खान्छन् । त्यस्ता चौरीले दिने दुध अत्याधिक पोसिलो र फ्याटको मात्रा हुन्छ । शहरमा बस्ने बानी भएकाहरुले त्यो दुध सहजै पचाउन सक्दैनन् । त्यसैले सन्दकपुरमा चौंरीको दुध पिउने रहर लागेमा दुधमा पानी मिसाएर मात्र पिउने गरे राम्रो हुन्छ ।

सन्दकपुर कसरी पुग्ने ?

हवाईजहाजबाट चन्द्रगढी वा विराटनगर ओर्लिएपछि सोझै गाडीबाट बिर्तामोड पुग्नुहोस् । विर्तामोडको नयाँ बसपार्कमा इलामका लागि गाडी पाइन्छन् भने रिजर्भ गर्नु परेमा मुक्ति चोक आसपास गाडीका ताँती भेटिन्छन् । सार्वजनिक गाडिमा प्रतिव्यक्ति इलामसम्मको लागि रु २५० तिरे पुग्छ भने रिजर्भका लागि अधिकतम ५ हजार । बिर्तामोडबाट ८३ किलोमिटर टाढाको इलाम पु¥याउन गाडीले सरदर तीन घण्टा लगाउँछ । पहिलो दिन इलाम बजारमै बास बस्न सकिन्छ । इलाम बजारमा रु.१७० देखी ४०० सम्ममा मासुभात पाइन्छ भने भेज खाना सय रुपैयाँदेखि २०० सम्म । लजमा प्रतिव्यक्ति रु.२५० देखि ३५०० सम्म पर्छ । इलाममा बास बस्नुपुर्व इलाममा रहेको होटल एसोसिएसनका पदाधिकारीलाई सम्पर्क गर्न सके सहयोग पाउन सकिन्छ । इलाम बजारबाट बिब्ल्याँटे, माइपोखरी हुँदै दोस्रो दिनको यात्रा शुरु हुन्छ । यहाँबाट ल्याण्डरोभरले दुई घण्टामा माइमझुवाको माईखोलासम्म पु¥याउँछ । अथवा माइपोखरीसम्म गाडीमा गएर पैदल हिड्नुको मज्जा छुट्टै हुन्छ । यदि तपाई पैदल हिँड्नुभयो भने माइपोखरी र माइमझुवा बीचमा रहेको टोड्के झरना हेर्न नभुल्नुहोला । बाटोबाट सय मिटर मुन्तिर इलामको सबैभन्दा लामो (८५ मि.) टोड्के झरना भेटिन्छ ।

माइमझुवाबाट सन्दकपुर जाने २ वटा बाटोहरु छन् । एउटा गोरुवालेको बाटो, अर्को कालपोखरी हुदै जाने बाटो । माइमझुवाको ढाँडबारी रातेखोलाबाट सिधै हिडेर उकालिए वा अलि अघि रहेको स्थान खोर्सानेटारबाट उकालिए पनि गोरुवाले पुग्न सकिन्छ । उकालोमा कुनै घर वस्ती नभएकाले खानेकुरा साथै लैजानु उपर्युक्त हुन्छ । गोरुवालेको बाटो जाने हो भने त्यो अलि कष्टपूर्ण हुन्छ तर एडभेण्चरफुल । गोरुवाले पुगेर लामपोखरी हुदै सन्दकपुर पुग्दा बाटोमा पाईने जङ्गली घोडाहरु, चरनमा छाडिएका चौरीहरु दख्ने अवसर प्राप्त हुन्छ ।

बाटोमा घर भेटिँदैनन्, सुस्ताउनका लागि गोठ र बाटोमा भेटिने मनमोहक पोखरीहरु भने प्रशस्त छन् । चौरी र भेडाको लस्कर यात्राका साथी बन्न आइपुग्छन् । एकै सासमा सात घण्टाको उकालो चढ्न सकिँदैन भने, कालपोखरीको बाटो समात्नु उपयुक्त हुन्छ । त्यो बाटो प्रयोग गर्दा बाटोमा घरहरु भने पक्कै भेटिनेछन् । कालपोखरीमा होटल, लज पाइन्छन् । एक रात कालपोखरीमा बास बसेर पनि बाँकी उकालो उक्लिन पनि सकिन्छ या सोझै सन्दकपुरमा बास बस्ने गरि पुग्न सकिन्छ । कालपोखरीबाट डेढ घण्टाको उकालोमा सन्दकपुर पुगिन्छ । बाटो छेउको जङ्गलमा आक्कल झुक्कल दुर्लभ रेडपाण्डा, बँदेल, भालु पनि देख्न पाइन्छ । इलामबाट नै माइमझुवाको साटो माबुको बाटो पनि प्रयोग गर्न सकिन्छ । ल्याण्डरोभर गाडी लिने हो भने कालपोखरी सम्मनै गाडीले तपाईलाई पु¥याउछ । हिड्न सक्नुहुन्न भने कालपोखरी देखि भारतीय बाटो प्रयोग गरेर सन्दकपुर जानुपर्ने हुन्छ । हाल कालपोखरी देखि सन्दकपुरसम्मको नेपालबाट जाने बाटो विग्रिएकोले भारतीय बाटो प्रयोग गर्नुपरेको हो । माबुको बाटो प्रयोग गर्दा बाटोमा ऐतिहासिक गुम्बा, रेडपाण्डा पाइने स्थल दोवाटे लगायतका स्थलहरु देख्न पाइन्छ ।

सन्दकपुरमा नेपालतर्फ दुई वटा होटल छन् । भारतपट्टि भने अलि धेरै छन् तर रेट दुवैतिर बराबर जस्तै छ । त्यहाँको बस्ने खाने दररेट चाही अत्यधिक महँगो छ । यहाँको असली आनन्द भने चौरमा पाल टाँगेर बस्नुमा मानिन्छ । अथवा यहाँ एउटा यात्री भवन पनि छ, जहाँ रु.५ देखि १० मा एक रात सुत्न पाइन्छ । अझ सन्दकपुरदेखि १० मिनेटको यात्रामा आहालगैरी भन्ने ठाउँ छ । त्यहाँ उपलब्ध होटलमा सस्तो मुल्यमा बस्न र खाने सुविधा छ । सन्दकपुर पुगिसकेपछि तपाई गएको बाटो छाडेर अर्कै बाटो घुम्दै फर्किन पनि सक्नुहुन्छ । भारतीय बाटो लिएर फर्किने हो भने इलामकै जोगमाईमा रहेको पर्यटकीय स्थल टङ्लुमा थकाई मार्न सकिन्छ । सिमावर्ती क्षेत्रमा पर्ने जौबारी, तुम्लिङ, मेघ्मा, मानेभञ्ज्याङ लगायतका थुप्रै डाँडाको शिर र भञ्ज्याङ हुँदै अघि बढ्ने यो बाटो पशुपतिनगर निस्किन्छ । सन्दकपुरबाट इलाम बजार फर्कने अर्को बाटो छ छिन्टापुको । २,९४६ मिटर उचाइमा रहेको छिन्तापुबाट पूर्वाञ्चलका सबै १६ जिल्ला देखिन्छन् । छिन्तापु इलामको अर्को चर्चित पर्यटकीय स्थल हो । यहाँबाट माइझुवा हुदै माइपोखरी निस्किएर इलाम बजार झर्न पनि सकिन्छ ।

यदि तपाई सन्दकपुर जाने सोच्दै हुनुहुन्छ भने,

इलाम बजारमा होटल र अन्य व्यवस्थाका लागि फोन नं. ९८४२७४१०००

माईमझुवाको होम स्टे (पुरन गुरुङ) ः ९८१४९५०९३७

कालपोखरीको होमस्टे (छेवाङ भुटिया) ः ९७४२६३५७४७

सन्दकपुरको होमस्टेः (दावा ग्याल्जे शेर्पा) ः ९७४२६६००४३

सन्दकपुरको होमस्टेः (पेम्बा छिरिङ भुटिया) ः ९७४२६१४८१४/०२७६९०८३२

सन्दकपुरको होमस्टेः (शेर्पा च्यालेट) ः ०२७६९११२७

सुदिप श्रेष्ठ

बाहिरी कडीहरू[सम्पादन गर्ने]