कागेश्वरी मनोहरा नगरपालिका

कागेश्वरी मनोहरा नगरपालिका
नगरपालिका
कागेश्वरी मनोहरा नगरपालिका नक्सामा कागेश्वरी मनोहराको अवस्थिति कागेश्वरी मनोहरा नगरपालिका कागेश्वरी मनोहरा नगरपालिका (नेपाल)
निर्देशाङ्क: २७°४३′३३″उ॰ ८५°२४′४२″पू॰
देश	नेपाल
प्रदेश	वाग्मती प्रदेश
जिल्ला	काठमाडौँ जिल्ला
नगरपालिका	वि.सं. २०७१ पुस २८
समावेश (गाविस)	गोठाटार, मुलपानी, डाँछी, भद्रवास, आलापोट र गागलफेदी
सम्मिलित (मिति)	वि.सं. २०७१ पुस २८
सरकार
• मेयर	कृष्णहरि थापा
• उप मेयर	विन्दु पुडासैनी (सिम्खडा)
क्षेत्रफल
• जम्मा	२७.३८ किमी२ (१०.५७ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	६०,२३७
• घनत्व	२२००/किमी२ (५७००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-१
वेबसाइट	आधिकारिक वेबसाइट

कागेश्वरी मनोहरा नगरपालिका नेपालको बागमती प्रदेशमा पर्ने काठमाडौँ जिल्लामा अवस्थित एक नगरपालिका हो। वि.सं. २०७१ मङ्सिर १६ गते नेपाल सरकार मन्त्रिपरिषद् अन्तर्गतको सामाजिक समितिको निर्णय तथा वि.सं. २०७१ पुस २८ मा नेपाल राजपत्रमा प्रकाशित भएपछि नेपालमा थप ६१ वटा नयाँ नगरपालिका गठन भएको थियो। यो नगरपालिका गठन गर्दा काठमाडौँ जिल्लाको तत्कालिन गोठाटार, मुलपानी, डाँछी, भद्रवास, आलापोट र गागलफेदी गरी ६ गाउँ विकास समितिहरूलाई समेटेर कागेश्वरी मनोहरा नगरपालिका घोषणा गरिएको थियो। कागेश्वरी मनोहरा नगरपालिकाको केन्द्र साविक डाँछी गाविसको कार्यलय रहेको स्थानमा रहको छ।

जनसङ्ख्या

कागेश्वरी मनोहरा नगरपालिका साविकका गोठाटार, मुलपानी, डाँछी, भद्रवास, आलापोट र गागलफेदी गाविसहरू मिलेर बनेको हो। नेपालको राष्ट्रिय जनगणना २०६८ अनुसार यी ६ गाविसहरूको जनसङ्ख्यालाई जोड्दा कागेश्वरी मनोहरा नगरपालिकाको कूल जनसङ्ख्या ६०,२३७ हुन्छ।

बाह्य कडीहरू

• जिल्ला विकास समितिको कार्यालय, काठमाडौँ