महालक्ष्मी नगरपालिका

महालक्ष्मी नगरपालिका
नगरपालिका
महालक्ष्मी मन्दिर;लुभु
देश	नेपाल
प्रदेश	बागमती
जिल्ला	ललितपुर जिल्ला
स्थापना	मंसिर २०७१
सरकार
• मेयर	रामेश्वर श्रेष्ठ
• उप मेयर	निर्मला थापा
क्षेत्रफल
• जम्मा	२२.२ किमी२ (८.६ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	६२,१७२
• घनत्व	२८००/किमी२ (७३००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-१
वेबसाइट	mahalaxmimun.gov.np

महालक्ष्मी नगरपालिका नेपालको मध्यमाञ्चल विकास क्षेत्र अन्तर्गत बागमती अञ्चलमा पर्ने ललितपुर जिल्लामा अवस्थित एक नगरपालिका हो। स्थानीय विकास मन्त्रालयले थप ६१ वटा नयाँ नगरपालिका थप्दा ललितपुर जिल्लामा लामाटार, लुभु, सिद्धिपुर, टिकाथली र इमाडोल यी ५ गाउँ विकास समितिहरूलाई समेटेर महालक्ष्मी नगरपालिका घोषणा गरिएको हो। महालक्ष्मी नगरपालिकाको केन्द्रभने गोदावरी खोलादेखी इमाडोल गाविसको कार्यालय बीच रहको छ। नगरपालिकाको घोषणा र क्षेत्रविस्तारसँगै मुलुकमा १ महानगरपालिका, ११ उपमहानगरपालिका, १ सय ७९ नगरपालिका र ३ हजार २ सय ७८ गाविस कायम भएका छन्। नयाँ नगरपालिका थपिएपछि नेपालको सहरी जनसङ्ख्याको प्रतिशत ३६ दशमलव ८ पुगेको मन्त्रालयले जनाएको छ।

जनसङ्ख्या

महालक्ष्मी नगरपालिका साविकका लामाटार, लुभु, सिद्धिपुर, टिकाथली र इमाडोल गाविसहरू मिलेर बनेको हो। त्यसैले राष्ट्रिय जनगणना २०६८ अनुसार यी ५ गाविसहरूको जनसङ्ख्यालाई जोड्दा महालक्ष्मी नगरपालिकाको कूल जनसङ्ख्या ६२,१७२ हुन्छ।

बाह्य कडीहरू

• जिल्ला विकास समितिको कार्यालय, ललितपुर