गोतामकोट

गोतामकोट
पूर्व गाविस
नेपालको नक्सामा गोतामकोटको अवस्थिति गोतामकोट (नेपाल)
निर्देशाङ्क: 28.70°N 82.39°E / 28.70; 82.39
देश	नेपाल
प्रदेश	कर्णाली प्रदेश
जिल्ला	पश्चिम रुकुम जिल्ला
क्षेत्रफल
• जम्मा	२७३.७१ किमी२ (१०५.६८ वर्ग माइल)
जनसङ्ख्या  (वि.सं २०६८)
• जम्मा	७,०४०
• घनत्व	२६/किमी२ (६७/वर्ग माइल)
समय क्षेत्र	युटिसी+५:४५ (नेपाली समय)

गोतामकोट नेपालको पूर्व प्रशासनिक विभाजन अनुसार, मध्यपश्चिमाञ्चल विकास क्षेत्रको राप्ती अञ्चल, रुकुम जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या ७०४० रहेको थियो जसमध्ये ३५८१ पुरुष र ३४५९ महिला रहेका थिए भने यहाँ १३६१ घरधुरी रहेको थियो। यो हाल आठबिसकोट नगरपालिकामा पर्दछ।

यसको साविकका १-३ वडाहरू आठबिसकोट नगरपालिकाको वडा नम्बर ४ हो भने ४-६ वडाहरू वडा नम्बर ५ र ७-९ वडाहरू वडा नम्बर ६ हो।

नेपालको मध्यकालमा यो एक राज्यको रूपमा रहेको थियो । मध्यकालिन बाइसे राज्य अन्तर्गत पर्ने गोताम राज्यका संस्थापक राजा रूकुमे राजा दारे जैतमका काइला राजकुमार सेतु बम हुन्। यिनले वि.सं. १६०० सालमा अंश स्वरूप यो राज्य पाइ स्थापना गरेका थिए। यो राज्यको सिमाना जुम्ला राज्य, आठबिस राज्य र बाँफी राज्यसँग जोडिएको थियो । वि.सं. १८४३ मा राजा मोतीमर्दन शाहीका शासन कालमा यो राज्य नेपाल अधिराज्यमा एकिकरण भयो।