डाक्नेश्वरी नगरपालिका

डाक्नेश्वोरी नगरपालिका
नगरपालिका
Dakneshwori Municipality
देश	नेपाल
विकास क्षेत्रहरू	पूर्वाञ्चल
अञ्चल	सगरमाथा
जिल्ला	सप्तरी
वार्ड सङ्ख्या	10
सरकार
• नगर प्रमुख	शिवनारायण साह (राजपा)
• उप-नगर प्रमुख	ईन्दु देवी यादव(राजपा)
क्षेत्रफल
• जम्मा	६९.११ किमी२ (२६.६८ वर्ग माइल)
उन्नतांश	७६ मिटर (२४९ फिट)
जनसङ्ख्या  (बि.स. २०६८ अनुसार)
• जम्मा	४४,७८२
समय क्षेत्र	युटिसी+५:४५ (नेपालको प्रमाणिक समय)
पोस्टल कोड	56412
क्षेत्रीय सङ्केत	०३१
वेबसाइट	http://dakneshworimun.gov.np/

डाक्नेश्वोरी नगरपालिका (English: Dakneshwori Municipality) प्रान्त नं. २ को सप्तरी  जिल्लामा रहेको छ । यसको स्थापना २०१६ मा पहिलेको १० वटा गाविसहरु लाई १० वर्गहरू (वार्ड)हरू मा बिभाजन गरी बनाईएको हो । यसमा कबिलासा, भुतही, तरही, हरिरहा, पातो, औरही, ब्रहम्पुर्, गम्हरीया पर्वहाँ, पत्थरगाडा र बनौला वडाहरु रहेका छन् ।. यसको कुल ४४,७८२ जनसङ्ख्या ६९.११ वर्ग किमी मा अवस्थित रहेको छ ।.

भौगोलिक

सप्तरी जिल्लाको ९ नगरपालिका मध्ये एक डाक्नेश्वरी नगरपालिका हो । यस नगरपालिका पूर्ण तराईमा रही भारतसंग दक्षिणी भागले सिमाना जोडेको छ । पश्चिमी भागमा बादे बर्साइन नगरपालिका, पूर्वी भागमा बेल्ही चपेना (हाल राजगढ) गाउँपालिका, खडग नगरपालिका, शम्भुनाथ नगरपालिका र रूपनी गाउँपालिका उत्तरी भागमा रहेको छ । राजविराजबाट २० कि.मी. पश्चिम–दक्षिण, कठौनाबाट १५ कि.मी. दक्षिणमा यस नगरपालिकाको कार्यपालिका अवस्थित छ ।

यस नगरका जुडी, खडग, सितुवाही, थलहा, कजरा लगायतका नदीहरू र कोशी नहर र पम्प नहरले यस नगरपालिकाका वडाहरू र अरू नगरपालिकाहरूसँग सिमा बनाएको छ ।

आर्थिक

यस नगरका अधिक्तम जनता कृषक छन् । साथै यस नगरपालिकाको अर्थतन्त्र भारतीय सिमानाबाट आयात निर्यातले पनि तोकेको छ । यहाँका जनता माछापालन, कुखुरापालन, पशुपालनमा आत्मनिर्भर पनि रहेको छ । यहाँ सहकारी तथा वित्तीय संस्थाका ?पमा श्रृजना फाइनेन्स लि., ग्लोबल बैङ्क लि., स्वावलम्बन, साना किसान, आईडियल सहकारी लगायतका रहेका छन् ।

यस नगरमा हाट बजारका ?पमा पातो, पत्थरगाडा, तरही, ब्रहमपुर, बनौला, सखुवा र अमरलत्ति हटिया रहेका छन् ।

यातायात

डाक्नेश्वरी नगरपालिकाका मुख्य द्वारकारूपमा कठौना–पानो सडक रहेको छ । यस पालिकाबाट बसद्वारा पातो – राजविराज, पातो – जनकपुर, पातो – काठमाण्डौ, पातो – सिरहा, पातो – विराटनगर जानको लागि व्यवस्था छ । .

स्वास्थ्य

यस डाक्नेश्वरी नगरपालिका अन्तर्गत विभिन्न वडाहरूमा गरी जम्मा ९ वटा स्वास्थ्य चौकी मध्ये ४ वटामा बर्थिङ्ग सेन्टर सञ्चालन गरिएको छ । यस नगरपालिका अन्तर्गत कुनै अस्पताल नभएकोले गर्दा वशेषज्ञ सेवा लिनको लागि गजेन्द्रनारायण सिंह सगरमाथा अञ्चल अस्पतालमा सेवा लिन सकिने छ । यस नगरपालिका अन्तर्गत रहेको पातो स्वास्थ्य चौकी तथा पत्थरगाडा स्वास्थ्य चौकीबाट एम्बुलेन्स सेवा संचालनमा रहेको छ ।

शिक्षा

यस नगरपालिका अन्तर्गत २ उच्च माध्यमिक, ६ मा.वि., १५ प्रा.वि., १ आधारभूत विद्यालय र १ मदरसा रहेका छन् । उच्च पठन पाठन संचालनका निमित्त एस.एल.पी. उ.मा.वि. र क.च. उच्च मा.वि. रहेको छ । साथै शिक्षाको अवस्था विकासका लागि विभिन्न वडाहरूमा बार्डिङ्ग स्कूलहरू संचालनमा रहेका छन् ।

स्कूलहरु

• जनता रमेश्वर माध्यमिक विद्यालय, ब्रहम्पुर् 
• कन्त चन्द माध्यमिक विद्यालय, पातो 
• श्री जनता माध्यमिक विद्यालय, तरही 
• श्री जनता माध्यमिक विद्यालय, कबिलसा

विशेष ठाउँहरु

धार्मिक स्थलहरु

• डक्नेश्वोरी मन्दिर, पातो 
• विष्णु मन्दिर, बनौला
• कबिलेश्वर महादेव, कबिलसा 
• रामजानकी मन्दिर, भुतही 
• हनुमान मन्दिर, कुशहा
  

पनि हेर्नुहोस्

• सप्तरी