सामग्रीमा जानुहोस्

डाक्नेश्वरी नगरपालिका

विकिपिडिया, एक स्वतन्त्र विश्वकोशबाट
डाक्नेश्वोरी नगरपालिका
नगरपालिका
Dakneshwori Municipality
देश नेपाल
विकास क्षेत्रहरूपूर्वाञ्चल
अञ्चलसगरमाथा
जिल्लासप्तरी
वार्ड सङ्ख्या10
सरकार
 • नगर प्रमुखशिवनारायण साह (राजपा)
 • उप-नगर प्रमुखईन्दु देवी यादव(राजपा)
क्षेत्रफल
 • जम्मा६९.११ किमी (२६.६८ वर्ग माइल)
उन्नतांश
७६ मिटर (२४९ फिट)
जनसङ्ख्या
 (बि.स. २०६८ अनुसार)
 • जम्मा४४,७८२[१][२][३]
समय क्षेत्रयुटिसी+५:४५ (नेपालको प्रमाणिक समय)
पोस्टल कोड
56412
क्षेत्रीय सङ्केत०३१
वेबसाइटhttp://dakneshworimun.gov.np/

डाक्नेश्वोरी नगरपालिका (English: Dakneshwori Municipality) प्रान्त नं. २ को सप्तरी  जिल्लामा रहेको छ । यसको स्थापना २०१६ मा पहिलेको १० वटा गाविसहरु लाई १० वर्गहरू (वार्ड)हरू मा बिभाजन गरी बनाईएको हो । यसमा कबिलासा, भुतही, तरही, हरिरहा, पातो, औरही, ब्रहम्पुर्, गम्हरीया पर्वहाँ, पत्थरगाडाबनौला वडाहरु रहेका छन् ।[४]. यसको कुल ४४,७८२ जनसङ्ख्या ६९.११ वर्ग किमी मा अवस्थित रहेको छ ।[५][६].

भौगोलिक[सम्पादन गर्नुहोस्]

सप्तरी जिल्लाको ९ नगरपालिका मध्ये एक डाक्नेश्वरी नगरपालिका हो । यस नगरपालिका पूर्ण तराईमा रही भारतसंग दक्षिणी भागले सिमाना जोडेको छ । पश्चिमी भागमा बादे बर्साइन नगरपालिका, पूर्वी भागमा बेल्ही चपेना (हाल राजगढ) गाउँपालिका, खडग नगरपालिका, शम्भुनाथ नगरपालिका र रूपनी गाउँपालिका उत्तरी भागमा रहेको छ । राजविराजबाट २० कि.मी. पश्चिम–दक्षिण, कठौनाबाट १५ कि.मी. दक्षिणमा यस नगरपालिकाको कार्यपालिका अवस्थित छ ।[६]

यस नगरका जुडी, खडग, सितुवाही, थलहा, कजरा लगायतका नदीहरू र कोशी नहर र पम्प नहरले यस नगरपालिकाका वडाहरू र अरू नगरपालिकाहरूसँग सिमा बनाएको छ ।

आर्थिक[सम्पादन गर्नुहोस्]

यस नगरका अधिक्तम जनता कृषक छन् । साथै यस नगरपालिकाको अर्थतन्त्र भारतीय सिमानाबाट आयात निर्यातले पनि तोकेको छ । यहाँका जनता माछापालन, कुखुरापालन, पशुपालनमा आत्मनिर्भर पनि रहेको छ ।[७] यहाँ सहकारी तथा वित्तीय संस्थाका ?पमा श्रृजना फाइनेन्स लि., ग्लोबल बैङ्क लि., स्वावलम्बन, साना किसान, आईडियल सहकारी लगायतका रहेका छन् ।

यस नगरमा हाट बजारका ?पमा पातो, पत्थरगाडा, तरही, ब्रहमपुर, बनौला, सखुवा र अमरलत्ति हटिया रहेका छन् ।

यातायात[सम्पादन गर्नुहोस्]

डाक्नेश्वरी नगरपालिकाका मुख्य द्वारकारूपमा कठौना–पानो सडक रहेको छ । यस पालिकाबाट बसद्वारा पातो – राजविराज, पातो – जनकपुर, पातो – काठमाण्डौ, पातो – सिरहा, पातो – विराटनगर जानको लागि व्यवस्था छ । [८].

स्वास्थ्य[सम्पादन गर्नुहोस्]

यस डाक्नेश्वरी नगरपालिका अन्तर्गत विभिन्न वडाहरूमा गरी जम्मा ९ वटा स्वास्थ्य चौकी मध्ये ४ वटामा बर्थिङ्ग सेन्टर सञ्चालन गरिएको छ ।[९] यस नगरपालिका अन्तर्गत कुनै अस्पताल नभएकोले गर्दा वशेषज्ञ सेवा लिनको लागि गजेन्द्रनारायण सिंह सगरमाथा अञ्चल अस्पतालमा सेवा लिन सकिने छ ।[१०] यस नगरपालिका अन्तर्गत रहेको पातो स्वास्थ्य चौकी तथा पत्थरगाडा स्वास्थ्य चौकीबाट एम्बुलेन्स सेवा संचालनमा रहेको छ ।[११]

शिक्षा[सम्पादन गर्नुहोस्]

यस नगरपालिका अन्तर्गत २ उच्च माध्यमिक, ६ मा.वि., १५ प्रा.वि., १ आधारभूत विद्यालय र १ मदरसा रहेका छन् । उच्च पठन पाठन संचालनका निमित्त एस.एल.पी. उ.मा.वि. र क.च. उच्च मा.वि. रहेको छ । साथै शिक्षाको अवस्था विकासका लागि विभिन्न वडाहरूमा बार्डिङ्ग स्कूलहरू संचालनमा रहेका छन् ।[९]

स्कूलहरु[सम्पादन गर्नुहोस्]

  • जनता रमेश्वर माध्यमिक विद्यालय, ब्रहम्पुर् 
  • कन्त चन्द माध्यमिक विद्यालय, पातो 
  • श्री जनता माध्यमिक विद्यालय, तरही 
  • श्री जनता माध्यमिक विद्यालय, कबिलसा

विशेष ठाउँहरु[सम्पादन गर्नुहोस्]

धार्मिक स्थलहरु[सम्पादन गर्नुहोस्]

  • डक्नेश्वोरी मन्दिर, पातो 
  • विष्णु मन्दिर, बनौला
  • कबिलेश्वर महादेव, कबिलसा 
  • रामजानकी मन्दिर, भुतही 
  • हनुमान मन्दिर, कुशहा

पनि हेर्नुहोस्[सम्पादन गर्नुहोस्]

References[सम्पादन गर्नुहोस्]

  1. "National Population and Housing Census 2011", National Planning Commission Secretariat, Central Bureau of Statistics (CBS), Government of Nepal, नोभेम्बर २०१२।  वेब्याक मेसिन अभिलेखिकरण २०१९-०१-०७ मिति
  2. "New Structure of Nepal", MOFALD, Government of Nepal, मार्च २०१७। 
  3. "Details of Rural Municipal and Municipalities of Nepal", MOFALD, Government of Nepal, १३ सेप्टेम्बर २०१७। 
  4. "PM formally announces 744 local units operational", My Republica (अङ्ग्रेजीमा), अन्तिम पहुँच २०१८-०८-१३ 
  5. "Population Ward Level 753 Local Unit", CBS, जुन २, २०१७।  वेब्याक मेसिन अभिलेखिकरण जनवरी २७, २०१८ मिति
  6. ६.० ६.१ Nepal, Government of Nepal (नोभेम्बर २०१२), ""National Population and Housing Census 2011 (Village Development Committee/Municipality)", National Planning Commission  वेब्याक मेसिन अभिलेखिकरण २०१६-०२-०२ मिति
  7. http://cbs.gov.np/image/data/2018/Economic%20Census/NEC2018%20Preliminary%20Results,%20National%20Report%20No.2%2020180913.pdf वेब्याक मेसिन अभिलेखिकरण २०१८-१२-०५ मिति
  8. "Kathauna- Pato Road, Eastern Region, Nepal", placesmap.net, अन्तिम पहुँच २०१८-०८-१३ 
  9. ९.० ९.१ http://cbs.gov.np/image/data/2018/Economic%20Census/NEC2018%20Preliminary%20Local%20level%20Report%20No.2.pdf[स्थायी मृत कडी]
  10. http://swarnimwagle.com.np/images/category/SUDIGGAA_final_version.pdf
  11. http://aasamannepal.org.np/wp-content/uploads/2018/06/asaman-annual-report.pdf वेब्याक मेसिन अभिलेखिकरण २०१८-०९-०७ मिति