राजगढ गाउँपालिका

राजगढ गाउँपालिका
गाउँपालिका
देश	नेपाल
प्रदेश	मधेश प्रदेश
जिल्ला	सप्तरी
गाउँपालिका घोषित	वि.सं. २०७३
सरकार
• अध्यक्ष	ओमप्रकाश मण्डल
• उपाध्यक्ष	रेणुदेवी मण्डल
क्षेत्रफल
• जम्मा	४७.९१ किमी२ (१८.५० वर्ग माइल)
जनसङ्ख्या  (वि.सं. २०६८)
• जम्मा	२९४५९
• घनत्व	६१०/किमी२ (१६००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	०३१
वेबसाइट	https://rajgadhmun.gov.np/

राजगढ़ गाउँपालिका नेपालको मधेश प्रदेश अन्तर्गत सप्तरी जिल्लामा रहेको एक गाउँपालिका हो । नेपाल सरकारले वि. सं. २०७३ मा ७५३ स्थानीय तह लागू गर्दा राजगढ़लाई गाउँपालिका घोषित गरेको हो । राजगढ गाउँपालिका घोषित गर्दा सप्तरीका साविक झुट्की, बनैनिया, नर्गो, बेल्ही चपेना, फकिरा र मलेकपुर (१-४) गा.वि.स. लाई समेटेको छ ।

यस गाउँपालिकालाई ६ वडामा विभाजन गरिएको छ । यस गाउँपालिकाको कूल जनसङ्ख्या २९,४५९ रहेको छ । यसको क्षेत्रफल ४७.९१ वर्गकिलोमिटर रहेको छ । यस गाउँपालिकाको केन्द्र नर्घो कार्यालयमा राखिएको छ ।

यस गाउँपालिकाको सिमाना पूर्वमा छिन्मस्ता  र विष्णुपुर गाउँपालिका पश्चिममा डाकनेस्वरी गाउँपालिका उत्तरमा रुपनी गाउँपालिका र दक्षीणमा बिहार (भारत) रहेको छ |

यस पालिकाका अध्यक्ष ओमप्रकाश मण्डल र उपाध्यक्ष रेणुदेवी मण्डल हुन् ।

वार्ड नं. १ अन्तर्गत साविकको झुटकी गाउँविकास समिति पर्छ । यस वडाका जनप्रतिनिधिहरुमा  उपेन्द्र नारायण यादव (वडा अध्यक्ष) र सदस्यहरुमा उपेन्द्र मुखिया,लक्ष्मण मण्डल,शिमलादेवी मण्डल र सतनीदेवी राम रहेका छन् ।

वार्ड नं. २ अन्तर्गत साविकको बनैनियाँ गाउँविकास समिति पर्छ । यस वडाका जनप्रतिनिधिहरुमा जीतेन्द्रकुमार यादव (वडा अध्यक्ष) र सदस्यहरुमा घुरन यादव, निर्मलादेवी मलाह, बतुल कुमारी खातुन र सुमित्रादेवी खंग रहेका छन् ।  

वार्ड नं. ३ अन्तर्गत साविकको नर्घो गाउँविकास समिति पर्छ । यस वडाका जनप्रतिनिधिहरुमा बासुदेवी यादवनी (वडा अध्यक्ष) र सदस्यहरुमा रामपुकार साह, रामगुलाम मण्डल, बासो धानुक र जीबछीदेवी मोची रहेका छन ।  

वार्ड नं.४ अन्तर्गत साविकको बेलही चपेना गाउँविकास समिति पर्छ । यस वडाका जनप्रतिनिधिहरुमा अशोककुमार साह (वडा अध्यक्ष) र सदस्यहरुमा उपेन्द्र मुखिया, लक्ष्मण मण्डल, मजादेवी मण्डल र जगदम्वादेवी सदा रहेका छन् ।

वार्ड नं. ५ अन्तर्गत साविकको मलेकपुर गाउँविकास समिति पर्छ । यस वडाका जनप्रतिनिधिहरुमा दुःखीलाल भन्ने देवेन्द्र साह (वडा अध्यक्ष) र सदस्यहरुमा राजेन्द्र सुतिहार, हरी मण्डल, लगनीकुमारी सदा र पुनमकुमारी राम रहेका छन् ।

यस गाउँपालिका अन्तर्गत वार्ड नं. ६ मा फकिरा, कुरनमा, बरदाही, इनर्वा,जगाई टोल पर्दछ । राजगढ गाउँपालिकाको पुर्व दक्षिण भूभागमा यो वार्ड अवस्थित छ । यस वडाको कुल जनसंख्या ३३८४ र क्षेत्रफल ९.७९ वर्गकिलोमिटर रहेको छ । यस वडाका जन प्रतिनिधिहरुमा महमद ताहिर मंसुरी (वडा अध्यक्ष), उपेन्द्र झा (वडा सदस्य), सुदेश्वर सुतिहार (वडा सदस्य), फूलोदेवी मंडल (महिला सदस्य), दशनीदेवी खंग (दलित महिला सदस्य) हुन् ।

जनसङ्ख्या

नेपालको सन् २०११ को जनगणना अनुसार राजगढ़ गाउँपालिकाको जनसङ्ख्या २९,४५९ रहेको छ।

प्रसिद्ध स्थलहरु

१. श्री रामजानकी मन्दिर (फुदाई मररका सन्तानहरुद्वारा निर्मित), (बाबा अखडा, फकिरा ) ।

२.श्री महादेव मन्दिर (खंग टोली, फकिरा ) ।

३.हिन्दू–मुस्लिमको ऐतिहासिक संगम स्थल (दिहबारबाबा–कबरगाह स्थल, पुरनी पोखरी, फकिरा ) ।

४.प्राचिन ईदगाह (धोबियाही, फकिरा ) ।

५.राजगढ गढी (नर्घो, झहुरा चोक) ।

६.श्रीकृष्ण मन्दिर (नर्घो) ।

७.चन्द्रावती पोखरी (झुटकी) ।

८.ऐतिहासिक दह (बनैनियाँ) ।

९.श्रीभगवती मन्दिर (बनैनियाँ) ।

१०.श्रीमहावीर थान (कमलपुर)

११.श्रीबजरंग बली मन्दिर (चपेना)