गौतमबुद्ध अन्तर्राष्ट्रिय विमानस्थल

गौतम बुद्ध अन्तर्राष्ट्रिय विमानस्थल भैरहवा अन्तर्राष्ट्रिय विमानस्थल
आइएटिए: BWA आइसिएओ: VNBW
विवरण
विमानस्थल प्रकार	सार्वजानिक
मालिक	नेपाल सरकार
सञ्चालक	नेपाल सरकार
सेवा गर्ने स्थान	सिद्धार्थनगर,रुपन्देही, लुम्बिनी,नेपाल
उचाइ समुद्री सतह	३५८ ft / १०९ m
निर्देशाङ्क	२७°३०′२०″उ॰ ०८३°२४′५८″पू॰
नक्सा
गौतम बुद्ध अन्तर्राष्ट्रिय विमानस्थल गौतम बुद्ध अन्तर्राष्ट्रिय विमानस्थल नेपालको नक्सामा विमानस्थल
धावनमार्ग
दिशा लम्बाई सतह मी फिट १०/२८ १,५१० ४,९५४ अलकत्रा
स्रोत: डिएएफआइएफ

गौतम बुद्ध अन्तर्राष्ट्रिय विमानस्थल नेपालको राजधानी काठमाडौँबाट २९० किलोमिटर टाढा सिद्धार्थनगरमा रहेको विमानस्थल हो। यो नेपालको एक प्रमुख र बेला बेलामा क्षेत्रीय अन्तर्राष्ट्रिय विमानस्थल बनाउने भनेर चर्चा भइरहने विमानस्थल हो। यो विमानस्थल नेपालको राष्ट्रिय विभूति बुद्धको जन्मस्थल लुम्बिनीबाट सबैभन्दा नजिकको विमानस्थल हो। यो विमानस्थल सन १९५८ देखि शुरूभएको हो यो विमानस्थलमा जेट बस्न सक्ने बनाइएपछि यात्रुको चाप अझ बढेर गएको छ। वि.सं. २०७८ कार्तिक ६ गते नेपालको राष्ट्रपति विद्यादेवी भण्डारीद्वारा उद्घाटन गरिएको करिब साढे दुई अर्ब रुपैयाँ बराबरको १८०० केजीको भगवान बुद्धको मुर्तिलाई भैरहवाको गौतम बुद्ध अन्तर्राष्ट्रिय विमानस्थलमा राखिएको छ। यो स्पेनको लुम्बिनी गार्डेन फाउन्डेसनले नि:शुल्क उपलब्ध गराएको हो।

नामाकरण

यो विमानस्थलको नाम नेपालमा जन्मिएका भगवान गौतम बुद्धको नामबाट राखिएको हो।

स्थिति

यो विमानस्थल सिद्धार्थनगर नगरपालिकाको पश्चिमी क्षेत्रको लुम्बिनी सडक नजिकै पूर्व पश्चिम लम्बिएर रहेको छ। नेपालको गौतम बुद्ध विमानस्थलको विमानस्थल कोड 'बिडब्लुए' हो।

विमान सेवाहरू

• श्री एयरलाइन्स
• नेपाल एयरलाइन्स
• यति एयर
• बुद्ध एअर

उडान

यो विमानस्थलबाट हुने प्रमुख हवाई सेवा निम्नलिखित सहरसम्म विस्तारित छ:

• काठमाडौँ
• पोखरा
• दाङ विगतमा
• भरतपुर विगतमा