नवलपरासी (बर्दघाट सुस्ता पूर्व) जिल्ला

नवलपुर
जिल्ला
नवलपुर जिल्लाको प्रशासनिक विभाजन
देवचुली स्थित शास्वत धाम
देश	नेपाल
प्रदेश	गण्डकी प्रदेश
सदरमुकाम	कावासोती
स्थापना	२०७४
सरकार
• प्रकार	स्थानीय सरकार
• अङ्ग	जिल्ला सभा
क्षेत्रफल
• जम्मा	१,४२६.२७ किमी२ (५५०.६९ वर्ग माइल)
जनसङ्ख्या  (२०७८)
• जम्मा	३७८,०७९
• घनत्व	२६५/किमी२ (६९०/वर्ग माइल)
• जातीयता	ब्राह्मण क्षेत्री थारू
• मुख्य भाषा	नेपाली अवधी थारू
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-७८
जिसस केन्द्र	कावासोती
वेबसाइट	nawalpur.dcc.gov.np

नवलपरासी (बर्दघाट सुस्ता पूर्व) जिल्ला गण्डकी प्रदेशका ११ जिल्लाहरू मध्ये एक हो। २०१८ सालमा पूर्वको नवलपुर र पश्चिमको परासी क्षेत्र गाभेर बनाइएको जिल्लालाई फेरि २०७४ सालमा अलग्याइ छुट्टा छुट्टै नवलपुर अर्थात् नवलपरासी बर्दघाट सुस्ता पूर्व र नवलपरासी (बर्दघाट सुस्ता पश्चिम) बनाइएको थियो।

परिचय

वि.सं २०१८ सालमा पूर्व नवलपुर र पश्चिम परासी क्षेत्रलाई गाभेर नवलपरासी जिल्ला कायम गरिएको थियो। यसअघि रुपन्देही जिल्लाको पाल्ही माझखण्डको रुपमा चिनिने नवलपरासी जिल्ला ५४ वर्षपछि पुनः पूर्व र पश्चिममा विभाजित भएको थियो। सरकारले संविधानअनुसार नवलपरासीलाई गण्डकी प्रदेश र लुम्बिनी प्रदेश मा विभाजन गरे पनि जिल्लाको नाम र जिल्ला सदरमुकामको नाम टुङ्गो लगाएको थिएन। सरकारले गण्डकी प्रदेशमा पर्ने नवलरासीको भाग सुस्तादेखि बर्दघाट पश्चिमको भागलाई नवलपरासी (क) र सुस्तादेखि बर्दघाट पूर्वको क्षेत्रलाई नवलपरासी (ख) मानेको थियो। २०७२ साल असोज तीन गते जारी भएको नेपालको संविधानले ५४ वर्षपछि नवलपरासीलाई पूर्व नवलपुर र पश्चिम परासीमा विभाजन गरेको थियो भने २०७४ साल असोज २९ गतेका दिन नेपाल सरकार मन्त्रिपरिषदको बैठकले नवलपुरको सदरमुकाम कावासोती राख्ने आधिकारिक निर्णय गरेको थियो।

विभाजन

यस जिल्ला ८ स्थानीय तहमा विभाजन भएको छ। जिल्लामा ४ वटा नगरपालिका र ४ वटै गाउँपालिका रहेका छन्।

नगरपालिका

• कावासोती (सदरमुकाम)
• गैँडाकोट
• देवचुली
• मध्यविन्दु

गाउँपालिका

• बौदिकाली
• बुलिङटार
• विनयी त्रिवेणी
• हुप्सेकोट