पानासोनिक

स्वतन्त्र विश्वकोश, नेपाली विकिपिडियाबाट
Jump to navigation Jump to search
पानासोनिक निगम
パナソニック株式会社
उद्योगको प्रकार सार्वजनिक
उद्योग
स्थापना मार्च १३, १९१८; १०१ वर्ष अघि (१९१८-०३-13)
ओसाका, जापान
संस्थापक(हरू) कोनोसुके मात्सुसिता
मुख्य कार्यालय कदोमा, ओसाका, जापान
३४°४४′३८″उत्तर १३५°३४′१२″पूर्व / ३४.७४३८° उत्तर १३५.५७०१° पूर्व / 34.7438; 135.5701निर्देशाङ्क: ३४°४४′३८″उत्तर १३५°३४′१२″पूर्व / ३४.७४३८° उत्तर १३५.५७०१° पूर्व / 34.7438; 135.5701
व्यापारिक क्षेत्र विश्वव्यापी
मुख्य व्यक्तिहरू
राजस्व Increase ¥७.९८२ ट्रिलियन (२०१८)[* १]
परिचालन आय Increase ¥३८०.५ बिलियन (२०१८)[* १]
कूल आम्दानी Increase ¥२३६.० बिलियन (२०१८)[* १]
लगानी Increase ¥५.९८२ ट्रिलियन (२०१७)[* १]
कुल इक्विटी Increase ¥१.५७१ ट्रिलियन (२०१७)[* १]
कामदार(हरू) २५७,५३३ (२०१७)[* २]
क्षेत्रहरू पानासोनिक कर्पोरेसन अफ नर्थ अमेरिका (अमेरिका)
नियन्त्रित कम्पनी
वेबसाइट Panasonic.com
स्रोतहरू:
  1. १.० १.१ १.२ १.३ १.४ पानासोनिक निगम (१० मे २०१८) (पिडिएफ). वार्सिक प्रतिवेदन २०१८. प्रेस रिलीज़. https://www.panasonic.com/global/corporate/ir/pdf/2017_full/financial_results_e.pdf. अन्तिम पहुँच मिति: २३ मे २०१८. 
  2. "पानासोनिक निगम", ब्लुमबर्ग बिजनेस विके, २९ डिसेम्बर २०१४, मूलबाट २ डिसेम्बर २०१४-मा सङ्ग्रहित, अन्तिम पहुँच २०१४-१२-२९ 

पानासोनिक निगम (パナソニック株式会社) पहिले मात्सुसिता इलेक्ट्रिक इन्डस्ट्रियल कर्पोरेसन लिमिटेड (松下電器産業株式会社)को नामले चिनिने जापानको ओसाकामा मुख्यालय रहेको जापानी बहुराष्ट्रिय इलेक्ट्रोनिक्स कम्पनी हो।[१]

पानासोनिक इलेक्ट्रोनिक्स उत्पादनहरूको लागि लोकप्रिय छ। यस कम्पनीको स्थापना सन् १९१८ मा चिम अड्याउने भाँडोको निर्माण गर्नका लागि गरिएको थियो तर अहिले आएर यो कम्पनी सोनी, हिताची, तोसिबाक्यानन इङ्कसँगै जापानको चौथौ ठूलो इलेक्ट्रोनिक्स उत्पादन गर्ने कम्पनी बन्न पुगेको छ। इलेक्ट्रोनिक्स उत्पादनबाहेक यस कम्पनीले गैर-इलेक्ट्रोनिक्स उत्पादनहरू र गृह नविकरणीय सेवाहरू प्रदान गर्ने गर्दछ। सन् २०१२ को बजार सर्वेक्षण अनुसार पानासोनिक संसारकै चौथौ सबैभन्दा ठूलो टेलिभिजन निर्माता कम्पनी हो।[२]

पानासोनिक प्राथमिक रूपमा टोक्यो स्टक एक्सचेन्जमा एक सूचीबद्ध भएको थियो जो निककेइ २२५ र टोपिक्स सूचकाङ्कको एक भाग हो। यो कम्पनी नागोया स्टक एक्सचेन्जमा पनि सूचीबद्ध भएको थियो।

नाम[सम्पादन गर्ने]

सन् १९३५ देखि १ अक्टोबर, २००८ सम्म, यस कम्पनीको नाम "मात्सुसिता इलेक्ट्रिक औद्योगिक कम्पनी लिमिटेड" रहेको थियो।[३][४] सन् जनवरी १०, २००८ मा कम्पनीले यसको नाम पानासोनिक निगममा परिवर्तन गर्ने घोषण गरेको थियो र १ अक्टोबर, २००८ मा आफ्नो ब्रान्ड नाम "पानासोनिक"मा परिवर्तन गरेको थियो।[५] नाम परिवर्तनमा कम्पनीले मात्सुसिता परिवारसँगको परामर्शपछि २६ जुन २००८ मा बसेको शेयरधनीहरूको बैठकमा यस नामलाई स्वीकृति दिइएको थियो।[६]

इतिहास[सम्पादन गर्ने]

२०औँ शताब्दी[सम्पादन गर्ने]

पानासोनिक सन् १९१८ मा कोनोसुके मात्सुसिताद्वारा डुप्लेक्स चिम सकेटको विक्रेताको रूपमा स्थापित भएको थियो।[७]सन् १९२७ मा, कम्पनीले साइकलमा प्रयोग हुने चिमहरूको उत्पादन गर्न थालेको थियो, पहिलो उत्पादन, ब्रान्ड नाम नेसनलको रूपमा बजारमा बेचिएको थियो।

दोस्रो विश्वयुद्धको बेलामा कम्पनीले जापानएसियाका अन्य भागहरूमा कारखाना सञ्चालन गरेको थियोे। यसले मोटर्स, इस्त्री, ताररहित उपकरणहरूका साथै पहिलो भ्याकुम ट्युब जस्ता बिजुलीका सामग्री तथा उपकरणहरू उत्पादन गरेको थियोे।[८]

पानासोनिकले दोस्रो विश्व युद्धपछि साइकल, रेडियोका साथसाथै विभिन्न उपकरणहरूको आपूर्ति गर्न थालको थियो। मात्सुसिताका नातेदार, तोसियो इवीले उप-ठेकेदारको रूपमा सान्यो नामक कम्पनीको स्थापना गरेका थिए। सान्यो केही समयमै पानासोनिकको प्रतिस्पर्धी बन्न पुगेको थियो, तर पछि डिसेम्बर २००९ मा यसलाई पानासोनिकले अधिग्रहण गरेको थियो।[९]

सन् १९६१ मा, कोनोसुके मात्सुसिता संयुक्त राज्य अमेरिका गए र त्यहाँ अमेरिकी बिक्रेताहरूसँग उनको भेट भयो। तयसपछि कम्पनीले पानासोनिक ब्रान्ड नाम अन्तर्गत अमेरिकी बजारको लागि टेलिभिजनहरू उत्पादन गर्न थालेको थियो र १९७९ मा युरोपमा ब्रान्डको प्रयोगमा विस्तार गरेको थियो।[१०]

कम्पनीले १९५० देखि १९७० सम्म उत्तर अमेरिका बाहिर नै राष्ट्रिय ब्रान्ड प्रयोग गर्यो (यसले संयुक्त राज्यमा ट्रेडमार्क प्रयोग गर्न सकेन किनभने नेसनल रेडियो कम्पनीले पहिलेदेखि नै उक्त नामको प्रयोग गरेको थियो)। कम्पनीले जापान र एसियाली बजारका लागि राइस कुकर (भात पकाउने विशेष उपकरण) जस्ता घरेलू उपकरणहरूको एक शृङ्खला पनि विकास गर्यो। कम्पनीमा भएको तिब्र वृद्धिका कारण यसले विश्वभर कारखाना स्थापना गरेको थियोे।[११]

कम्पनीले सन् १९६५ मा ब्रान्ड टेकनिक्स नाम दिएर उच्च गुणस्तरको अडियो स्पिकर सार्वजनिक गर्यो। उच्च गुणस्तरीय स्पिकरको यो शृङ्खला विश्वव्यापी रूपमा मनपराइएको थियो। यसको सबैभन्दा प्रसिद्ध उत्पादनहरू एसएल-१२०० रेकर्ड प्लेयर, यसको उच्च प्रदर्शन, विशिष्टता र टिकाउपनका लागि प्रसिद्ध भएको थियो।

१९७० र १९८० का दशक अन्तर्गत कम्पनीले विश्वका विभिन्न बजारहरूका लागि उच्च गुणस्तरीय विद्युतीय सामग्रीहरूको उत्पादन गरेको थियो र यसले र स्टेरियो रिसिभर, सिडी प्लेयर र अन्य थुप्रै उपकरणहरू उत्पादनको श्रृङ्खलाको यसको सफल रेखा विकसित गरेको थियो।

सन् १९७३ मा, मात्सुसिताले, अनम समूहसँग अनम राष्ट्रियका नामले एक संयुक्त उद्यम बनाएका थिए।

नोभेम्बर १९९० मा, मात्सुसिताले ६.५९ अरब अमेरिकी डलरको लागि अमेरिकी सञ्चार माध्यम कम्पनी एमसीए इङ्कको अधिग्रहण गरेको थियोे।[१२][१३] पछि मात्सुसिताले अप्रिल १९९५ मा ७ अरब अमेरिकी डलरमा सीग्रम कम्पनीको ८०% भाग एमसीएलाई बेचेका थिए। [१४][१५]

सन् १९९८ मा, उनले अनम राष्ट्रियलाई अनम समूहमा बेचेमा थिए र पछि अनम राष्ट्रियलाई अनम इलेक्ट्रनिक्समा समायोजन गरिएको थियो।

२०००-वर्तमान[सम्पादन गर्ने]

सन् २ मे २००२ मा, कम्पनी ३५ औँ वार्सिकोत्सवमा, पानासोनिक क्यानाडाले टोरन्टो वाटर फ्रन्ट नामक ठाउँमा "सङ्गीत सहर" निर्माण गर्नका लागि सहयोग स्वरूप ५० लाख अमेरिकी डलर प्रदान गरेको थियोे। [१६]

सन् १९ जनवरी २००६ मा, डिजिटल टेलिभिजन उत्पादन गर्ने उद्देश्यले, पानासोनिकले अर्को महिना देखि एनालग टेलिभिजनको उत्पादनमा रोक लगाउने घोषणा गरेको थियो (कुल व्यापारको ३०% उत्पादन)।[१७]

सन् ३ नोभेम्बर, २००८ मा, पानासोनिक र सान्योले समायोजन वार्ता गर्ने घोषण गरेका थिए जसको परिणामस्वरूप अन्ततः पानासोनिकले सान्योको अधिग्रहण गरेको थियो। [१८][१९]यस समायोजन सन् डिसेम्बर २००९ मा पूरा भएको थियोे, र त्यसबाट निगमले ११.२ ट्रिलियन (लगभग ११० अरब अमेरिकी डलर) राजस्वको साथमा परिणत भएको थियो। [२०]

यस घोषणा साथै पायोनियर निगमले आफ्नो सहायक कम्पनी कुरोले उत्पादन गर्देआएको प्लाज्मा एचडिटिभी डिस्प्लेको उत्पादनबाट बाहिर निस्केको थियो, पानासोनिले त्यसपछि धेरै प्याटेन्टहरू खरिद गर्यो र यी प्रविधिहरू आफ्नै प्लाज्मा डिस्प्लेमा समावेश गरेको थियोे।

अप्रिल २०११ मा, पानासोनिकले वित्तीय वर्ष २०१२ मा जोडिएका सञ्चालनको कार्यान्वयन गर्न बोलीमा ४०,००० सम्म आफ्नो कार्य बल कटौती गर्न घोषण गरेको थियो। उक्त कटौती यसको समूह कार्य बलको लगभग १० प्रतिशत रहेको थियो।[२१]

अक्टोबर २०११ मा, पानासोनिकले मार्च २०१२ सम्म आमागासाकी सहरमा, प्लाज्मा टिभीहरूको उत्पादन बन्द गरेर आफ्नो टिभी व्यवसायलाई घटाउने घोषण गरेको थियो। प्रक्रियामा यसले १,००० कर्मचारीहरू बर्खास्त गरेको थियोे।

जनवरी २०१२ मा, पानासोनिकले माइस्पेस (अमेरिकी सामाजिक सञ्जाल सेवा) सँग नयाँ उद्यम, माइस्पेस टिभीमा एक सम्झौता गरेको थियो।[२२] माइस्पेस टिभीले ल्यापटप, ट्याब्लेट वा टेलिभिजनमा प्रयोगकर्ताहरूसँग च्याट (कुरा) गर्दै गर्दा प्रत्यक्ष टिभी हेर्ने अनुमति दिन्छ। साझेदारीका साथ, माइस्पेस टिभी पानासोनिक भिएरा टेलीभिजनमा एकीकृत भएको थियो।[२३]

११ मे २०१२ मा, पानासोनिकले भारतमा आधारित एक पुर्वाधार सुरक्षा र सुरक्षा समाधान कम्पनी, जसले आगो बिरोधी विभिन्न कामहरू जस्तै फायर अलार्म, आगोको दमन, भिडियो निगरानी र भवन प्रबन्धन जस्ता कार्यहरू सञ्चालन गर्ने कम्पनी, फायर प्रो प्रणालीको ७६.२% भाग अधिग्रहण गर्ने योजना सार्वजनिक गरेको थियो।[२४]

कम्पनी ७६५ बिलियन यनको शुद्ध घाटा पर्ने भनिएको भविष्यवाणीका साथमा, ५ नोभेम्बर २०१२ मा कम्पनी शेयरमा फेब्रुअरी १९७५ पछिको भन्दा पनि कम, ३८८ यन सम्म निम्नस्तर रूपमा घटेको थियो। २०१२ मै, शेयर ४१ प्रतिशतले घट्यो।[२५] १४ नोभेम्बर, २०१२ मा, पानासोनिकले १०,००० रोजगार कटौती गरिने र केहि लगानी फिर्ता गरिने घोषण गरेको थियो।[२६]

१८ मे २०१३ मा, पानासोनिकले भियतनाममा, एक कारखानाको निर्माणमा ४० मिलियन अमेरिकी डलर लगानी गरेको थियोे जुन २०१४ मा पूरा भएको थियोे।[२७]

जुलाई २०१३ मा, पानासोनिकले १० मिलियन युरोमा, स्लोभेनियाली घरेलु उपकरण निर्माता कम्पनी गोरेनजको १३% भाग अधिग्रहण गर्ने सम्झौता गरेको थियो।[२८]

उक्त घोषणा पछि एक प्रेस विज्ञप्तिमा, क्लाउड आधारित समाधानमा यसको पहुँचको विस्तार गर्ने अभिप्रायले यसले "क्यामेरा प्रबन्ध भिडियो निगरानी सेवा" को अधिग्रहण गरेको थियो।[२९]

जुलाई २०१४ मा, पानासोनिकले, गिगाफ्याक्टोरी (एक लिथियम आयन ब्याट्री र नेभाडा नजिकै रहेको बिजुली सवारी साधन उपसाला कारखाना)मा भाग लिन टेस्ला मोटर्ससँग एक सम्झौता पुगेको थियो,[३०] अगस्ट २०१४ मा, टेस्लाले कम्पनी सन् २०२० सम्म दक्षिण पश्चिम वा पश्चिमी संयुक्त राज्यमा निर्माण गरिनेछ बताएको थियो। ५ बिलियन लागतमा बनाइने उक्त कम्पनीमा ६,५०० कामदारहरू रहने छन्, र टेस्लाको ब्याट्रीमा लागने लागतमा ३० प्रतिशतले घटाउनेछ। कम्पनीले यो नेभादा, एरिजोना, टेक्सस, न्यू मेक्सिको र क्यालिफोर्नियाका लगायतका सहरहरूमा संभावित ठाउँ खेजिरहेको छ।[३१]

अक्टोबर २०१४ मा, पानासोनिकले कम्पनीका प्रमुख कार्यकारी अधिकृतका अनुसार "टेस्ला मोटर ब्याट्री कारखानामा यसको प्रारम्भिक लगानी १० अरब यन लाग्ने घोषण गरेका थिए।[३२]

जनवरी २०१५ मा, पानासोनिकले चीनमा टेलिभिजन बनाउन रोक्न र शेन्डोङमा यसको संयुक्त उद्यमको रूपमा रहेको कारोबार बन्द गर्ने योजना सार्वजनिक गरेको थियो।[३३]

मार्च २०१५ मा, पानासोनिकले हुस्टनमा आधारित उपग्रह सञ्चार सेवा प्रदायक आईटिसी ग्लोबल खरिद गर्ने योजना घोषणा गरेको थियो।[३४]

अप्रिल २०१५ मा, पनासोनिकले दक्षिण अफ्रिकामा आफ्नो नयाँ उत्पादन ब्रान्ड पुन प्रस्तुत गरेको थियोे। कम्पनी पहिलो चरणमा दक्षिण अफ्रिका मार्फत अरु अफ्रिकि मुलुकहरू, नाइजेरियाइजिप्टमा उत्पादन बेचेको थियो।[३५]

जून २०१५ मा, पानासोनिकले यसको गृहमा आधारित ब्याट्री भण्डारण विकल्प परीक्षण गर्नको लागि तीन अष्ट्रेलियाली ऊर्जा पेय पदार्थ उत्पादक (रेड एनर्जी, एर्गोन एनर्जी र अक्टेगल) सँग सम्झौता गरेको थियो।[३६]

नोभेम्बर २०१५ मा, पानासोनिक निगमले आफ्नो सहायक कम्पनी पानासोनिक पारिस्थितिकी प्रणाली कम्पनी लिमिटेडको माध्यमले एक नयाँ प्रकारको उत्प्रेरक लेपित डिजल कण फिल्टर (डिपीएफ), चीनको एक सहर सुझौमा निर्माण गरिने घोषण गरेको थियोे।[३७]

नोभेम्बर २०१५ मा, पानासोनिक निगमले देशमा पहिलो इजाजतपत्र प्राप्त तरकारी खेती आफ्नै प्रबिधिको उपयोग गरेर सुरु गरेको थियो।[३८]

फेब्रुअरी २०१६ मा, पानासोनिक र डेनभर सहरले, संयुक्त राज्य अमेरिकामा यस सहरलाई सबैभन्दा उत्कृष्ट सहर बनाउन एक औपचारिक साझेदारी गरेको थियोे। अमेरिकाको पानासोनिक निगमका अध्यक्ष र कार्यकारी अधिकृत जोसेफ एम टेलरले चार प्रमुख क्षेत्रमा साझेदारीको लागि योजना बनाएका थिए जसमा स्मार्ट आवास र साना कार्यालय, ऊर्जा र उपयोगिता, यातायात र सहर सेवाहरू र स्मार्ट भवनहरू निर्माण गरिने योजना अघि सारेका थिए।[३९]

चीनबाट बढेको प्रतिस्पर्धाको कारण, पानासोनिकको एलआइओएन (ब्याट्री निर्माता) बजार साझेदारी २०१४ मा ४७% बाट २०१५ मा ३४% घटेको थियो।[४०] जुन २०१६ मा, टेस्ला मोटर्स, इङ्कले पानासोनिक निगम यसको सामूहिक बजारमा सवारी साधन मोडेलको लागि आधिकारिक ब्याट्री आपूर्तिकर्ता हुने घोषण गरेको थियो।[४१] सन् २०१६ को शुरूमा पानासोनिकका अध्यक्ष कजुहिरो सुगाले कम्पनी द्वारा लगभग १.६ अरब डलरको एक योजना बनाई कुल निवेशको पुष्टिको लागि गिगाफ्याक्ट्रि पुरा क्षमताको निर्माणको लागि लगानी गरिने निर्णय सार्वजनिक गरेका थिए।[४२]

सन् २०१६ मा, यसले पारदर्शी टिभी बजार ल्याएको थियो।[४३]

पानासोनिक लुमिक्स

२५ सेप्टेम्बर २०१८ मा, पानासोनिक एल-माउन्टको संस्थापक सदस्य बनेको थियो।[४४]

वर्तमान सेवाहरू[सम्पादन गर्ने]

३१ मार्च, २०१२ को अनुसार, पानासोनिकमा लगभग ३३०,००० कर्मचारीहरुलाई रोजगार दिइएको थियो र लगभग ५८० वटा सहायक कम्पनीहरु रहेका थिए।[४५] २०१२ मा कम्पनी ७,८४६,२१७ मिलियन यनको कुल राजस्व रहेको थियो, जसमा ५३ प्रतिशत जापानमा उत्पन्न भएको थियो, एसियामा २५ प्रतिशत एसिया (जापानलाई छोडेर), अमेरिकामा १२ प्रतिशत र युरोपमा १० प्रतिशत गरि राजस्वहरू सङ्कलन भएको थियो।[४५]

पानासोनिकले सन् २०१२ मा त्यस वर्षको यसको ६.६ प्रतिशत राजस्वको बराबर अनुसन्धान र विकासमा कुल ५२०,२१६ मिलियन यन लगानी गरेको थियो।[४५] मार्च ३१, २०१२ का अनुसार, पानासोनिकले विश्वभरि १४०,१४६ प्याटेन्ट राखेको थियोे।[४५]

जुलाई २०१६ मा, पानासोनिकले कृत्रिम बुद्धिमत्ता र यन्त्र शिक्षणमा अधिग्रहण गर्ने भएको थियो। एक स्रोत अनुसार, कम्पनीले अधिग्रहण वा संयुक्त उद्यममा प्रयोगको लागि १० मिलियन डलर छुट्याएको थियो।[४६]

पानासोनिक केन्द्र, टोक्यो जापान
पानासोनिक केन्द्र, टोक्यो जापान  
पानासोनिकको एक भवन
पानासोनिकको एक भवन  
पानासोनिकको अनुसन्धान र विकास कक्ष
पानासोनिकको अनुसन्धान र विकास कक्ष  

पानासोनिक सवारी साधन प्रणाली[सम्पादन गर्ने]

पानासोनिक मोटर सवारी साधन प्रणाली एक मूल उपकरण निर्माता हो जसले मोबाइल अडियो उपकरणहरू जस्तै हेडफोन, स्पिकर आदि उत्पादन गर्दछ। यसको १२ बिलियन अमेरिकी डलरको राजस्व रहेको छ।[४७]

पानासोनिक उड्डयन निगम[सम्पादन गर्ने]

पानासोनिक उड्डयन निगम, उत्तर अमेरिकाको पानासोनिक निगमको एक सहायक कम्पनी, उडान मनोरञ्जन र सञ्चार प्रणालीको आपूर्तिकर्ता हो।[४८] यसको मुख्यालय लेक फरेस्ट, क्यालिफोर्नियामा अवस्थित छ जहाँ इन्जिनियरिङ्, विकास र परीक्षणका कार्यहरू गरिन्छ। पानासोनिक उड्डयन निगमले लन्डन, टूलूस, ह्यामबर्ग, डालस, दुबई र सिङ्गापुरमा प्रमुख सुविधाहरूका साथ विश्वभर ७० भन्दा धेरै स्थानहरूमा लगभग ३,३०० कर्मचारीहरूले काम गर्दछन्।[४९]

फेब्रुअरी २०१७ मा, पानासोनिकलाई विदेशी भ्रष्ट व्यवहार ऐन अन्तर्गत अमेरिकी प्राधिकरणले अनुसन्धान गरेको थियो।

पानासोनिक मोबाइल सञ्चार[सम्पादन गर्ने]

पाजासोनि मोबाइल सञ्चारले मोबाइल फोन हेडसेट र सम्बन्धित उपकरणहरू निर्माण गर्दछ। २०१२ को अनुसार, यो जापानी मोबाइल बजारको लगभग २० प्रतिशत बजार साझेदारी गरेको थियो।[५०] पानासोनिकले विश्व भरमा मोबाइल फोन हेडसेट बिक्री गर्दै आएको थियो, तर डिसेम्बर २००५ मा विदेशी बजारहरुमा न्यून बिक्री भएका कारण यसले फिर्ताको घोषणा गरेको थियो। पानासोनिक इलुगा एन्ड्रोइड सञ्चालित स्मार्टफोनको सार्वजनिक सँगै सन् २०१२ मा यो विदेशी बजारमा पुन फर्किएको थियो। जुलाई २०१३ मा, पानासोनिकले एनटिटि डोकोमो इङ्कको लागि स्मार्टफोनको नयाँ मोडेलको आपूर्ति नगर्ने घोषणा गरेको थियो किनकी एनटिटि डोकोमोले, सोनी र सामसुङ उत्पादनहरु सँग ध्यान केन्द्रित गरेको थियो। आर्थिक वर्ष २०१३ मा, पानासोनिक मोबाइल सञ्चार ५.४ बिलियन यन सञ्चालन हानिको अग्रिम भुक्तानी गरेको थियो।[५१]

जुलाई २०१३ देखि जनवरी २०१८ सम्म पानासोनिक भारतले इलुगा श्रृङ्खलाका साथ एक एन्ड्रोइड स्मार्टफोन पानासोनिक पी श्रृङ्खला जारी गरेको थियो।

उत्तर अमेरिकाको पानासोनिक निगम[सम्पादन गर्ने]

उत्तर अमेरिकाको पानासोनिक निगम, संयुक्त राज्य अमेरिकामा पानासोनिक मुख्य सहायक कम्पनी हो। यो १९८० को दशक देखि मुख्यालय न्युजर्सीको नेवार्कमा रहेको थियो र २०१३ पछि सेकाउकसमा रहेको छ जुन दुवै न्यूजर्सीको गेटवे क्षेत्र भित्र रहेका छन्। [५२]

सेप्टेम्बर १९५९ मा मेटलाइफ बिल्डिङ्गमा न्यूयर्क सहरमा स्थापित यो कम्पनी २००५ भन्दा पहिले अमेरिकनको मात्सुसिता इलेक्ट्रिक कर्पोरेसन कम्पनीको रूपमा चिनिन्छ।

पानासोनिक युरोप[सम्पादन गर्ने]

पानासोनिकको युरोपमा मुख्य सहायक, पानासोनिक युरोप लिमिटेड[५३] र पानासोनिक मार्केटिङ युरोप जिएमबिएच हो।[५४] पानासोनिक युरोपको मुख्यालय लन्डन, इङ्गल्याण्डमा रहेको थियो, तर यो यसको मुख्यालय संयुक्त अधिराज्यको युरोपेली सङ्घबाट निस्किएका कारण एम्स्टर्डम, नेदरल्यान्ड्समा सारिएको थियो। [५५]

पानासोनिक युरोपमा लगभग १२,००० कर्मचारीहरू कार्यरत रहेका छन्, र यो क्षेत्रमा यसको कुल आयको लगभग १० प्रतिशत उत्पन्न गर्दछ।[५६][५७] सन् २०१२ मा, पानासोनिक युरोपमा उपभोक्ता इलेक्ट्रनिक्स बजारको लगभग १० प्रतिशत साझेदारी गरेको थियो। सामसुङ इलेक्ट्रनिक्स (२६ प्रतिशत) र एलजी इलेक्ट्रनिक्स (१२ प्रतिशत) पछिको यो बजार साझेदारीको अनुसार तेस्रो ठूलो कम्पनी रहेको थियो।[५६]

पानासोनिक भारत[सम्पादन गर्ने]

डाइजो इटो, क्षेत्रीय मुख्यालय भारत (हरियाणामा स्थित) पानासोनिक भारत निजी लिका अध्यक्षको रूपमा सेवा दिइरहेका छन्। भारतीय बजारको लागि पानासोनिक भारतले धुलाई यन्त्र, रेफ्रिजरेटर, राइस कुकर (भात पकाउने बिद्धुतिय यन्त्र), इत्रि, मिक्सर-ग्रिन्डर्स / ब्ल्लेन्डर्स र अन्य गृह उपकरणहरू बनाउँदछ। [५८]

एन्चोर इलेक्ट्रिक्स निजी लि, एक भारतीय कम्पनी जो बिद्धुतिय बत्ती, स्विच, सकेट र अन्य बिजुली को सामान बनाउँदछ जुन पानासोनिक निगमको एक पूर्ण स्वामित्वमा रहेको सहायक कम्पनी हो।

इन्डोनेसियाको पानासोनिक निगम[सम्पादन गर्ने]

पीटी पानासोनिक गोबल इन्डोनेसिया (पहिला पीटी नेशनल गोबल इन्डोनेसियाको रूपमा जानिने) कम्पनी इन्डोनेसिया विभाजनको नाम पूर्वी जकार्तामा आधारित छ। पानासोनिक गोबेल इन्डोनेसिया पानासोनिक निगम जापानइन्डोनेसियाको गोबल समूहको बीच एक संयुक्त उद्यम हो।

पुर्व सेवा[सम्पादन गर्ने]

एमसिए र युनिभरसल स्टूडियो[सम्पादन गर्ने]

मात्युसिता अमेरिकी मीडिया कम्पनी एमसीए इङ्कको ६.६ अरब डलरमा खरीद गरेको थियो।[५९][६०] सन् १९९५ मा, यसले क्यानडेली पेय कम्पनी सेग्राममा एमसीएको शेयरहरुको ८०% बेचेको थियो। एमसिए सन् १९९६ मा युनिभरसल स्टूडियोमा नामकरण गरिएको थियो।[६१][६२][६३][६४] र यसको सङ्गीत प्रभागलाई युनिभरसल सङ्गीत समूहको रूपमा नामकरण गरिएको थियोे।

युनिभरसल स्टूडियो हाल एनबिसी युनिभरसलको एक इकाई हो, जुन हाल फिलाडेल्फिया-आधारित कमकास्ट कम्पनीको स्वामित्व रहेको छ। युनिभरसल सङ्गीत समुह हाल फ्रान्सको मिडिया कम्पनी भिभेन्डि को स्वामित्वमा रहेको छ।

पानासोनिक ३ डिओ[सम्पादन गर्ने]

पानासोनिक गोल्डस्टारसान्यो सँग ३ डी ओ गेम प्रणालीहरूको निर्माण गरेको थियो तर ३ वर्ष पछि सफलता हासिल नगरे पछि यो सेवा रोकिएको थियो। यसले सन् १९९३ देखि १९९६ सम्म २ मिलियन प्रणालीहरू बेचेको थियो, यद्यपि प्रत्येक निर्माताहरूले कति बेचेको थियोे भन्ने कुरा अजात रहेको थियो।

उत्पादनहरू[सम्पादन गर्ने]

पानासोनिकले फ्रिज, वासिङ् मेसिन,(कपडा धुने बिद्धुतिय उपकरण) कम्प्रेसर, बत्ती, टेलिभिजन, व्यक्तिगत कम्प्यूटर, मोबाइल फोन, अडियो उपकरण, क्यामेरा, प्रसारण उपकरण, प्रोजेक्टर, मोटर सवारी साधन इलेक्ट्रोनिक्स, उडान मनोरञ्जन प्रणाली सहित उत्पादनहरुको एक विस्तृत श्रृङ्खला प्रदान गर्दछ।[६५] यसले अर्धचालकहरू, लिथियम ब्याट्री, विद्युतीय उपकरण, साइकल, इलेक्ट्रोनिक सामग्रीहरू पनि उत्पादन गर्दछ।

ट्युब रेडियो
ट्युब रेडियो  
पानासोनिक लुमिक्स क्यामेरा
पानासोनिक लुमिक्स क्यामेरा  
सानो कम्प्युटर
सानो कम्प्युटर  
पानासोनिक मोबाइल फोन
पानासोनिक मोबाइल फोन  
पानासोनिक टेलिभिजनको एक दृश्य
पानासोनिक टेलिभिजनको एक दृश्य  
टेक्निक्स हेडफोन
टेक्निक्स हेडफोन  

ब्राण्ड नामहरू[सम्पादन गर्ने]

सन् १९५२ को एक टेलिभिजनमा

पानासोनिक निगमले पानासोनिक ब्रान्ड अन्तर्गत विश्वव्यापी रूपमा आफ्नो सबै उत्पादन र सेवाहरू बेचेको थियो।[६६] कम्पनीले यसको इतिहासमा अन्य ब्रान्ड नामका साथ आफ्नो उत्पादहरू बेचेको थियो।

सन् १९२७ मा कम्पनी संस्थापकले नयाँ बत्तीका उत्पादनहरूका लागि "नेसनल" (ナショナル) राखेका थिए।[६७] १९५५ मा, कम्पनीले "पानासोनिक"को रूपमा जापान बाहिरका बजारहरूमा अडियो स्पिकर र बत्ती वितरण गर्न थालेको थियो, जसमा यसले पहिलो पटक "पानासोनिक" ब्रान्ड नाम सेवा दिएको थियो । कम्पनीले अडियो उपकरणको लागि सन् १९६५ मा ब्रान्ड नाम "टेक्निक्स" (テクニクス) प्रयोग गरेको थियो। मल्टिपल ब्रान्डको प्रयोग केही दशकहरूमा लागु भएको थियो।[६८]

मे २००३ मा, कम्पनीले "पानासोनिक" लाई विश्वव्यापी ब्रान्ड बनाउने, र विश्वव्यापी ट्यागलाइन "पानासोनिक आइडियाज फर लाइफ" (नेपालीमा अनुवाद - जिवनका लागि पानासोनिकका बिचारहरू) ल्याउन थाल्यो।[६९]

कम्पनीले यसको ब्रान्ड "पानासोनिक" लाई एकताबद्ध गर्न थाल्यो र, मार्च २००४ सम्म जापानमा बाहेक, उत्पादन र बाहिरका देशहरूमा साइनबोर्डहरूको लागि "नेशनल" प्रतिस्थापित गरेको थियो। सेप्टेम्बर २०१३ मा, कम्पनीले आफ्नो पुरानो ट्यागलाइनको पुनरुत्थानको घोषणा गरेको थियो जसमा यसले "ए बेटर लाइफ, ए बेटर वल्ड" (नेपालीमा अनुवाद - एक राम्रो जीवन, एक राम्रो संसार) मा परिवर्तन गरेको थियो।[७०]

रासोनिक सन हिङ् इलेक्ट्रिक वर्क्स एन्ड इन्जिनियरिङ् कम्पनी लिमिटेडको (信興電工工程有限公司) एक ब्रान्ड नाम हो। जसले पानासोनिकको औधोगिक युग देखिनै पानासोनिक र नेशनलका उत्पादनहरू आयात गर्दछ। जून १९९४ मा, पानासोनिक शुन हिङ औद्योगिक उपकरण बिक्री (हङकङ) कम्पनी लिमिटेड (松下信興機電(香港)有限公司) र पानासोनिक एसएच औद्योगिक बिक्री (शेन्जेन) कम्पनी लिमिटेड (松下電器機電(深圳)有限公司) क्रमशः मात्सुसिता इलेक्ट्रिक औद्योगिक र शान हङ समूह बीच संयुक्त उद्यम द्वारा स्थापित गरिएको थियो।[७१][७२] जसले गर्दा रासोनिकलाई, मात्सुसिता र पछिल्ला पानासोनिक निगमको लागि एक उत्पादन ब्रान्ड बनाउँदछ।

सेप्टेम्बर २०१४ मा पानासोनिकद्वारा, रासोनिकले टेक्निक्स ब्रान्ड प्राप्त गराइदिने घोषण गरेको थियो।[७३]

प्रायोजन[सम्पादन गर्ने]

फुटबल[सम्पादन गर्ने]

पानासोनिकले जर्मन फुटबल खेलाडी मार्को रूएस को प्रायोजन गरेको छ, जुन बुन्डेसलिगाको क्लब बोरूसिया डर्टमन्डजर्मनी को लागि खेल्दछन्। [७४]

पानासोनिक, मुख्य जापानी पेशेवर फुटबल लिग जे लिगको एक क्लब, गम्बा ओसाकाको मालिक हो।[७५]

पानासोनिक मेजर लिग सकर र एएफसी च्याम्पियन्स लिगको एक आधिकारिक पार्टनर र प्रायोजक हो।[७६]

१९८१ र १९८३ को बीचमा, पानासोनिकले अङ्ग्रेजी फुटबल क्लब नटिङ्घाम फरेस्टको पहिरनको प्रायोजक थियो।

१६ जनवरी, २०१० मा, पानासोनिकले भारत राष्ट्रिय फुटबल टिमका लागि एक तीन वर्ष सम्म ४७ मिलियन भारूमा जर्सीको प्रायोजनको लागि सम्झौतामा हस्ताक्षर गरेको थियो।[७७]

अन्य[सम्पादन गर्ने]

पानासोनिक, टोयोटा रेसिङको फरमुला वान टिम मुख्य प्रायोजक हो

पानासोनिक टोयोटाको स्वामित्वमा रहेको फर्मुला वान कार्यक्रम, पानासोनिक टोयोटा रेसिङको एक प्रमुख प्रायोजक रहेको थियो।[७८] कम्पनीको संस्थापकका नाति हिरो मात्सुसिता, एक पूर्व प्रतिगोगिताका कार चालक हुन् जसले कम्पनीको लागि प्रायोजन व्यवस्थाको निगरानी गर्ने कम्पनी चलाएका थिए।

पानासोनिकले सन् २००५ मा नेशनल एसोसिएशन स्टक कार ओटो रेसिङका, व्रुच सेरीज नामक प्रतियोगिताको एक प्रायोजक थियो। पानासोनिक हेन्ड्रिक मोटरस्पोर्ट्स साथ प्रविधि पार्टनर बनेको थियो।[७९][८०][८१][८२]

सन् १९८८ मा सोल ओलम्पिकबाट पानासोनिक ओलम्पिक खेलहरूको शीर्ष स्तर प्रायोजक रहेको छ।[८३]

पानासोनिक टेक्निक्स सँग १९७५ देखि १९८९ सम्म बोस्टन सेल्टिक्स को आधिकारिक साझेदार (पार्टनर) र प्रायोजक रहेको थियो। विभिन्न पानासोनिक विज्ञापनहरु १९८० को दशक मा पुरानो बोस्टन गार्डेनमा देखाइन्थ्यो।[८४]

८ सेप्टेम्बर, २०१६ मा, पानासोनिक नयाँ जागुआर फरमुला ई टिमको लागि प्रायोजकको रूपमा अनावरण गरिएको थियो।[८५]

१४ फेब्रुअरी, २०१७ मा, पानासोनिकले इटालीको सबैभन्दा उच्च पेशेवर बास्केटबाल लिग, लेगा बास्केटबल सिरी ए को मुख्य प्रायोजक को रूपमा सेवा गरेको थियो।[८६]

वातावरणका क्षेत्रमा[सम्पादन गर्ने]

पानासोनिक ग्रिनपिसको, गाइड टु ग्रिनर इलेक्ट्रनिक्समा संयुक्त रूपमा १६ मा ११ औं स्थानमा परेको छ। उक्त गैरसरकारी संस्थाले वातावरणमा कम्पनीहरूले पारेको प्रभाव घटाउन नीति र प्रथाहरूमा जोड दिन्छ र इलेक्ट्रोनिक निर्माताहरूलाई वातावरण म‌ैत्री सामग्रीहरू उत्पादन र उनीहरूको सञ्चालनमा अधिक स्थायी बनाउँनमा मद्दत गर्दछ।[८७]

नारा[सम्पादन गर्ने]

  • "जस्ट स्लाईट्ली एडेड अफ आवर टाइम" (१९७०–१९९०)[८८]
  • "इभन मोर देन यु एक्सपेक्टेड [आउट अफ द ब्लु]" (१९७०–१९७० अष्ट्रेलिया)
  • "ह्वाट्स अन पानासोनिक" (१९९०–१९९६)
  • "पानासोनिक, द वान ड्याट आइ बान्ट" (१९९६–२००३)
  • "ह्वाट्स न्यु पानासोनिक" (१९९६–२००३)
  • "आइडियाज फर लाइफ" (२००३–२०१३)
  • "ए बेटर लाइफ, अ बेटर वल्ड" (२०१३–हाल)
  • "लेट्स लिभ लाइफ बेटर" (२०१७–२०१८)

सन्दर्भ सामग्रीहरू[सम्पादन गर्ने]

  1. कम्पनी प्रोफाइल
  2. "फोर्ब्स बिश्वब्यापी २००० प्रोफाइल", फोर्ब्स, अन्तिम पहुँच ३ जनवरी, २०१० 
  3. 松下電器産業株式会社が「パナソニック株式会社」に社名変更, पानासोनिक निगम १ अक्टोबर २००८, अभिगमन मिति २००८-१०-०३
  4. "मत्सुसिता इलेक्ट्रिक पानासोनिक बनेको छ", पानासोनिक निगम, १ अक्टोबर २००८, अन्तिम पहुँच ३ अक्टोबर २००८ 
  5. "मत्स्युशिता इलेक्ट्रिकबाट पानसोनिक निगममा नाम परिवर्तन", पानासोनिक निगम, १ अक्टोबर २००८, अन्तिम पहुँच ३ अक्टोबर २००८ 
  6. "बैठकले नाम (पानासोनिक) परिवर्तनलाई स्वीकृति दिइएको छ", इन्टरनेसनल हेरल्ड ट्रिबुन, २६ जुन २००८, अन्तिम पहुँच ३ अक्टोबर २००८ 
  7. "पानासोनिक निगम", ब्लुमबर्ग बिजनेसविक, मूलबाट जुलाई ११, २०१२-मा सङ्ग्रहित, अन्तिम पहुँच १४ मार्च २०१२ 
  8. "उत्पादन सार्वजनिक", मूलबाट ५ फेब्रुअरी २०१५-मा सङ्ग्रहित, अन्तिम पहुँच १६ जुलाई २०१५ 
  9. एरिक लभडे, ग्रिन कार्डको प्रतिवेदन "पानासोनिक $४.६ बिलियनको लागि सान्योलाई अधिग्रहण गरेको छ जसले यसलाई संसारकै सबैभन्दा ठूलो ब्याट्री निर्माता बनाएको छ ८ डिसेम्बर २००९ अभिगमन मिति १० मार्च २०१७
  10. बिश्वब्यापी रूपमा पानासोनिकको नामले ब्यापार सुरु अभिगमन मिति अप्रिल २००३
  11. "पानासोनिक सिनियर पार्टनर" 
  12. "एमसिएको बिक्री : मात्सुसिताले ६.६ बिलियन अमेरिकी डलर तिरेको छ", लस एन्जलस टाइम्स, नोभेम्बर २६, १९९०, अन्तिम पहुँच अप्रिल १४,२०१३ 
  13. "मात्सुसिताको सम्झौता पछि कसले कति पाउनेछ", द न्युयोर्क टाइम्स, डिसेम्बर १, १९९०, अन्तिम पहुँच अप्रिल १४,२०१३ 
  14. "सिग्रामले, मात्सुसिताबाट बिग स्टुडियोको ८०% भाग खरिद गर्ने भएको छ", द न्युयोर्क टाइम्स, अप्रिल ७, १९९५, अन्तिम पहुँच अप्रिल १४, २०१३ 
  15. "नाफाको प्रतिवेदन", न्युयोर्क टाइम्स, २८ अगस्ट १९९६, अन्तिम पहुँच अप्रिल १४ २०१३ 
  16. "पानासोनिकले म्युजिक सिटिलाई ५ मिलियन प्रदान गरेको छ" 
  17. पर्टोन, मार्क (जनवरी १९, २००६), "पानासोनिकले एनालग टिभीको व्यावसाय रद्द गरेको ट", इङ्ग्याजेट, अन्तिम पहुँच जुलाई १, २००९ 
  18. "पानासोनिकले सान्योलाई अधिग्रहण गर्ने तरखरमा रहेको छ", बिबिसी न्युज, नोभेम्बर ७, २००८, अन्तिम पहुँच डिसेम्बर १६, २०१२ 
  19. "पानासोनिकले आफ्नो प्रतिस्पर्धी सान्योलाई अधिग्रहण गरेको छ", बिबिसी न्युज, डिसेम्बर १९, २००८, अन्तिम पहुँच डिसेम्बर १६, २०१२ 
  20. "पानासोनिकले सान्योलाई आधिकारिक रूपमा अधिग्रहण गरेको घोषण छ", टेक क्रन्च, डिसेम्बर २२, २००९। 
  21. "प्रतिवेदन:४०,००० भन्दा बढिको कामदारहरूलाई जागिर बाट निकाला गरेको छ", द जाकार्ता पोस्ट, अप्रिल २८, २०११, मूलबाट जुलाई २५, २०१२-मा सङ्ग्रहित, अन्तिम पहुँच मे २६, २०१ 
  22. इइ टाइम्स "३ डि टिभी वा माइस्पेस टिभी." जनवरी १०, २०१२ अभिगमन मिति जनवरी १०, २०१२
  23. ड्यालन ट्वेनी (जनवरी ९, २०१२), "पुर्ण मनोरञ्जनका साथ माइस्पेस टिभी", भेन्चर वट, अन्तिम पहुँच फेब्रुअरी २३, २०१२ 
  24. "फायर प्रो प्रणालीको ७६% भाग अधिग्रहण गरेको छ", द टाइम्स अफ इण्डिया, मे ११, २०११, अन्तिम पहुँच मे २६, २०१२ 
  25. "३८८ यन सम्म निम्नस्तर रूपमा घट्यो", नोभेम्बर ५, २०१२। 
  26. "१०००० भन्दा बढी रोजगार कटौती", रेउटर्स, अन्तिम पहुँच नोभेम्बर १४, २०१२ 
  27. मयरबुगर, एर्न (मे १८, २०१३), "भियतनाममा प्रवेश", इन्साइट इन्भेस्टर, अन्तिम पहुँच जुन ३०, २०१३ 
  28. मार्जा नोभाक (जुलाई ५, २०१३), "पानासोनिकले स्लोभनियाको कम्पनी खरिद गर्ने भएको छ", रेउटर्स। 
  29. "पानासोनिकको नयाँ सेवा", पानासोनिक बिजनस, पानासोनिक युके र आयरल्याण्ड, मूलबाट जुलाई १४, २०१४-मा सङ्ग्रहित, अन्तिम पहुँच जन ११, २०१४ 
  30. "पानासोनिक र टेस्लाको एक सम्झौता", निक्केइ इङ्क, जुलाई २९, २०१४, मूलबाट जुलाई ३१, २०१४-मा सङ्ग्रहित, अन्तिम पहुँच अगस्ट १, २०१४ 
  31. "गिगाफ्याट्रि, पानासोनिक र टेस्लाको जानकारी", स्यान डियागो न्युज, अन्तिम पहुँच अगस्ट १, २०१४ 
  32. प्रारम्भिक लगानी १० अरब यन लागेको छ रेउटर्स, अक्टोबर ६, २०१४
  33. रेउट्स"पानासोनिकले चिनमा टेलिभिजन बनाउन रोकेको छ" फेब्रुअरी १०,२०१५
  34. ताकासी मिज्जुकी, द वाल स्ट्रिट जनरल"पानासोनिकले आइटिसी ग्लोबल खरिद गरेको छ मार्च १६,२०१५ अप्रिल ६, २०१५
  35. बिज कम्युनिटि डटकम "पानासोनिक...ठूलो नयाँ योजना" अप्रिल २१, २०१५ अप्रिल २१, २०१५
  36. अष्ट्रेलियाका पेय कम्पनी सँगको सहकार्य जुन २, २०१५ जुन ३, २०१५
  37. इनर्जि ग्लोबल "डिजल प्रसोधन नोभेम्बर १६, अभिगमन मिति २०१५ नोभेम्बर १७, २०१५
  38. "पानासोनिकले तरकारी खेती आफ्नै प्रबिधिको उपयोग गरेर सुरु गरेको छ", पानासोनिक, अन्तिम पहुँच जनवरी २७, २०१६ 
  39. मेघान, “पानासोनिकले डेनभरलाई संयुक्त राज्य अमेरिकाको उत्कृष्ट सहर बनाउने घोषण गरेको छ फेब्रुअरी १८, २०१६ अभिगमन मिति फेब्रुअरी १८, २०१६
  40. "निशानको ब्याट्री निक्केइ, अगस्ट ६, २०१६
  41. ज्याक्स "पानासोनिक - आधिकारिक ब्याट्री आपूर्तिकर्ता जुन ९, २०१६ अभिगमन मिति जुन ९, २०१६
  42. राम्जी, माइक (जनवरी ७, २०१६), "पानासोनिक र गिगाफ्याकट्रि", द वाल स्ट्रिट जरनल 
  43. "पाननसोनिकले पारदर्शी टेलिभिजन सार्वजनिक गरेको छ", अन्तिम पहुँच अक्टोबर ८, २०१६ 
  44. गोल्डस्टेन, मार्च, "पानासोनिकको विना ऐना युक्त क्यामेरा", फोटोग्राफी ब्लग (अङ्ग्रेजीमा), अन्तिम पहुँच २६ सेप्टेम्बर २०१८ 
  45. ४५.० ४५.१ ४५.२ ४५.३ "वार्षिक प्रतिवेदन", पानासोनिक, मूलबाट मे २२, २०१३-मा सङ्ग्रहित, अन्तिम पहुँच २७ अप्रिल २०१३ 
  46. मोबाइल वल्ड लाइभ पानासोनिकले $१० मिलियनको साथ अधिग्रहण गरेको छ ६ जुलाई २०१६, ८ जुलाई २०१७
  47. "पानासोनिक र टेस्ला बिचको साझेदारी", निक्केइ एसियन रिभ्यु, २१ जुन २०१६, जुलाई १०,२०१६-को मूल रूप सङ्ग्रहित, अन्तिम पहुँच २३ अक्टोबर २०१६ 
  48. "पानासोनिकको उड्डयन निगम" 
  49. "पानासोनिकले यसको उड्डयन निगमलाई अमेरिकी प्राधिकरणद्वारा छानबिन गरेको कुरा सार्वजनिक गरेको छ", रेउटर्स, २ फेब्रुअरी २०१७, अन्तिम पहुँच २ फेब्रुअरी २०१७ 
  50. "पानी नछिर्ने इलेगु फोनको सुरुवात गरेको छ", द टेलिग्राफ, फेब्रुअरी २१, २०१२, अन्तिम पहुँच अप्रिल २०, २०१३ 
  51. "पानासोनिकले एनटिटि डोकोमोलाई नयाँ फोन बनाउन रोकेको छ", अगस्ट ५, २०१३। 
  52. "पानासोनिकको अवलोकन" 
  53. "पानासोनिक युरोपको अवलोकन", ब्लुमबर्ग बिजनेस विक, अन्तिम पहुँच अप्रिल १४, २०१३ 
  54. "पानासोनिक युरोपको अवलोकन", ब्लुमबर्ग बिजनेस विक, अन्तिम पहुँच अप्रिल १४, २०१३ 
  55. "संयुक्त अधिराज्यबाट आफ्नो मुख्यालय सारेको छ", बिबिसी न्युज, अगस्ट ३०, २०१८, अन्तिम पहुँच २ सेप्टेम्बर २०१८ 
  56. ५६.० ५६.१ "पानासोनिकका कार्यकारीको एक भनाइ", रेउटर्स, अप्रिल ९, २०१३, अन्तिम पहुँच अप्रिल २०, २०१३ 
  57. "पानासोनिक", पानासोनिक इलेक्ट्रिक वर्क्स, मूलबाट डिसेम्बर १४, २०११-मा सङ्ग्रहित, अन्तिम पहुँच मे २६, २०१२ 
  58. "कम्पनी प्रोफाइल", पानासोनिक भारतको आधिकारिक वेबसाइट/ 
  59. "एमसीए इङ्क ६.६ अरब डलरमा खरीद", द न्युयोर्क टाइम्स, २६ नोभेम्बर १९९०, अन्तिम पहुँच १४ अप्रिल २०१३ 
  60. "कसले के पाउने", द न्युयोर्क टाइम्स, १ डिसेम्बर १९९०, अन्तिम पहुँच १४ अप्रिल २०१३ 
  61. "सिग्राम हलिवुडमा जाने भएको छ; मात्सुसिता बाट सेग्रामले ८०% भाग किन्ने भएको छ", द न्युयोर्क टाइम्स, ७ अप्रिल १९९५, अन्तिम पहुँच १४ अप्रिल २०१३ 
  62. "मात्सुसिता, नाफाको प्रतिवेदन", द न्युयोर्क टाइम्स, २८ अगस्ट १९९६, अन्तिम पहुँच १४ अप्रिल २०१३ 
  63. बेट्स, जेम्स (अप्रिल ७, १९९५), "मात्सुसिताले ८०% भाग सेग्रामलाई बेचेको छ", लस एन्जल्स टाइम्स, अन्तिम पहुँच २७ फेब्रुअरी २०१८ 
  64. राकार्डो, इ. स्कट (डिसेम्बर ९, १९९६), "एमसिएले आफ्नो नाम युनिभरसल इङ्कमा परिवर्तन गरेको छ", ओर्लान्डो बिजनेस जर्नल 
  65. "३१ मार्च २०१३ को वार्सिक प्रतिवेदन", पानासोनिक निगम, मूलबाट फेब्रुअरी २३, २०१४-मा सङ्ग्रहित, अन्तिम पहुँच फेब्रुअरी ९, २०१४ 
  66. टिप्पणीहरू | एभी म्यागजिन एभी इन्टरएक्टिभ (जुन ६, २०१३). अभिगमन मिति २६ जुलाई २०१३
  67. "पानासोनिकको इतिहास", पानासोनिक निगम, मूलबाट अक्टोबर ६, २००८-मा सङ्ग्रहित, अन्तिम पहुँच अक्टोबर २, २००८ 
  68. "ब्रान्डको इतिहास", पानासोनिक निगम, मूलबाट नोभेम्बर ८, २००८-मा सङ्ग्रहित, अन्तिम पहुँच अक्टोबर २, २००८ 
  69. "社史:2003年(平成15年) グローバルブランドを「पानासोनिक」に統一" (जापानीमा), पानासोनिक निगम, अन्तिम पहुँच अक्टोबर २, २००८ 
  70. "पानासोनिकले नयाँ नारा सार्वजनिक गरेको छ", पानासोनिक निगम, अन्तिम पहुँच नोभेम्बर २७, २०१३ 
  71. पिएसआइडिएस (चिन (ग्याङडोन), हङकङ, मकाउ)
  72. "पिएसआइडिएस(中国(广东),香港,澳门)", मूलबाट सेप्टेम्बर ३७, २०१४-मा सङ्ग्रहित, अन्तिम पहुँच डिसेम्बर ३०, २०१६ 
  73. "पानासोनिक कम्पनीले अब पुन विद्धुतीय समाग्रीको उत्पादन गर्ने भएको छ", पानासोनिक निगम, २ फेब्रुअरी २०१८, अन्तिम पहुँच १० फेब्रुअरी २०१८ 
  74. "फुटबल खेलाडी मार्को रोइस - कम्पनीका राजदूत" 
  75. "पानासोनिकको प्रायोजनमा", पानासोनिक, अन्तिम पहुँच ५ फेब्रुअरी २०१८ 
  76. "पानासोनिकले प्रायोजनमा अमेरिकी राष्ट्रिय फुटबल टोलिलाई समावेश गरेको छ", स्पोर्ट्स बिजनेस डेल्ली, अक्टोबर १०, २०११, अन्तिम पहुँच अप्रिल १४, २०१३ 
  77. "भारत राष्ट्रिय फुटबल टिमको प्रायोजक", द टाइम्स अफ इण्डिया, जनवरी १६, २०१०, अन्तिम पहुँच अप्रिल १४, २०१३ 
  78. "टोयोटा", युएसए टुडे, जनवरी १४, २००९, अन्तिम पहुँच अप्रिल २७, २०१३ 
  79. "२००५", रेसिङ रिफेरेन्स, अन्तिम पहुँच जुन १७, २०१४ 
  80. "२००५ एसबिसी २५०", रेसिङ-रिफेरेज्स, अन्तिम पहुँच जुन १७, २०१४ 
  81. "पेप्सिकोद्वारा आयोजक", रेसिङ-रिफेरेन्स, अन्तिम पहुँच जुज १७, २०१४ 
  82. "२००५ डोमिनेज पिज्जा", रेसिङ-रिफेरेन्स, अन्तिम पहुँच जुन १७, २०१४ 
  83. "पानासोनिक ओलम्पिकको प्रायोजक", द न्युयोर्क टाइम्स, डिसेम्बर १५, १९८७, अन्तिम पहुँच अप्रिल १४, २०१३ 
  84. /करियर्स डट पानासोनिक डट एरो
  85. "पानासोनिक शिर्ष प्रायोजक", सेप्टेम्बर ८, २०१६, अन्तिम पहुँच सेप्टेम्बर ८, २०१६ 
  86. "बास्केटबल: पानासोनिक सिरि एको मुख्य प्रायोजक" [बास्केटबल: पानासोनिक सिरि एको मुख्य प्रायोजक] (इटिली भाषामा), १४ फेब्रुअरी २०१७, मूलबाट १६ फेब्रुअरी २०१७-मा सङ्ग्रहित, अन्तिम पहुँच १५ फेब्रुअरी २०१७ 
  87. "गाइड टु ग्रिनर इलेक्ट्रोनिक्स", ग्रिनपिस इन्टरनेसनल, अन्तिम पहुँच नोभेम्बर १६, २०११ 
  88. "बिज्ञापन युक्त नारा १९७० औँ दशकको नारा", अन्तिम पहुँच जुलाई १६, २०१५ 

बाह्य कडिहरू[सम्पादन गर्ने]