मायादेवी गाउँपालिका, कपिलवस्तु

मायादेवी
गाउँपालिका
सिसहानिया कोट, कपिलवस्तु
देश	नेपाल
प्रदेश	प्रदेश नं. ५
जिल्ला	कपिलवस्तु जिल्ला
वडा संख्या	८
स्थापना	२०७३ फल्गुण २२
सरकार
• प्रकार	स्थानीय तह
• अङ्ग	गाउँ कार्यपालिका
• अध्यक्ष	बजरंगी प्रसाद कुर्मी (फोरम)
• उपाध्यक्ष	गिता तिवारी (नयाँ शक्ति पार्टी, नेपाल)
क्षेत्रफल
• जम्मा	८८.५३ किमी२ (३४.१८ वर्ग माइल)
जनसङ्ख्या  (राष्ट्रिय जनगणना २०६८)
• जम्मा	४८,२१८
• घनत्व	५४०/किमी२ (१४००/वर्ग माइल)
समय क्षेत्र	युटिसी+५:४५ (नेपालको प्रमाणिक समय)
क्षेत्रीय सङ्केत	+९७७-७६
केन्द्र	साविक पकडी गाविसको कार्यालय
वेबसाइट	www.mayadevimunkapilvastu.gov.np

नेपालको सङ्घीय संरचना अनुसार प्रदेश नं. ५ को कपिलवस्तु जिल्ला भित्र पर्ने मायादेवी गाउँपालिका जिल्ला सदरमुकाम भन्दा १० कि.मी. पूर्वमा अवस्थित रहेको छ। यो गाउँपालिकाले पूर्वमा कपिलवस्तुको शुद्धोधन गाउँपालिका, पश्चिममा कपिलवस्तु नगरपालिका र यशोधरा गाउँपालिका उत्तरमा बाणगंगा नगरपालिका र दक्षिणमा भारतको उत्तर प्रदेशको अलिगढवा पर्दछ।

मायादेवी गाउँपालिका वि.स. २०७३ सालमा गठन भएको हो। यस गाउँपालिका साविकको पकडी, फुलिका, अभिरावा, डुमरा, विजुवा, पिपरा, हरनामपुर र बलुहवा गरी कुल ८ गाविसहरुलाई मिलाएर बनाइएको हो। यस गाउँपालिकाको क्षेत्रफल ८८.५४ वर्ग कि.मी. रहेको छ र पकडीलाई केन्द्र मानी काम कार्यवाही त्यहीबाट संचालन भैरहेको छ।

राजा शुद्धोधनको राजधानी तिलौराकोटबाट रानी मायादेवी आफ्नो माईत देवदह यही भूमि टेकेर जादै गर्दा लुम्वीनीमा भगवान गौतम बुद्धलाई जन्म दिनु भएको कारण यस गाउँपालिकाको नाम मायादेवी राखिएको हो। यो गाउँपालिकाको वडा नं. ५ मा पुरातात्विक महत्वको सिसहनिया कोट, वडा नं. ७ करमहवामा कोट लगायत विभिन्न धार्मिक तथा ऐतिहासिक महत्वका स्थलहरु रहेको छ। उर्दु भाषाको महिला कजेज, व्यवसायिक माछापालन, व्यवसायिक गाईपालन, बाख्रापालन लगायत धान गहुँ उत्पादनको हिसावले पनि अग्रस्थानमा रहेको छ। सिचाईको उचित व्यवस्थापन भएमा यस गाउँपालिकाको मात्र उत्पादनले जिल्लालाई धान्न सक्ने हैसियत राख्दछ।

बाह्य लिङ्कहरू

• जिल्ला समन्वय समितिको कार्यालय, कपिलवस्तु, नेपाल