कपिलवस्तु नगरपालिका

कपिलवस्तु नगरपालिका
नगरपालिका
तौलिहवाको प्रवेशद्वार, कपिलवस्तु जिल्ला, नेपाल
गण्डकी प्रदेशको नक्सामा कपिलवस्तु नगरपालिकाको अवस्थिति कपिलवस्तु नगरपालिका (नेपाल)
निर्देशाङ्क: २७°३२′उ ८३°३′पू
देश	नेपाल
प्रदेश	लुम्बिनी प्रदेश
जिल्ला	कपिलवस्तु
स्थापित	वि.सं. २०३८
सरकार
• नगरप्रमुख	सुदीप पौडेल (जनता समाजवादी पार्टी, नेपाल)
• उपप्रमुख	सुनिता गुप्‍ता (वैश) (जनता समाजवादी पार्टी, नेपाल)
क्षेत्रफल
• जम्मा	१३६.९१ किमी२ (५२.८६ वर्ग माइल)
जनसङ्ख्या  (राष्ट्रिय जनगणना २०७८)
• जम्मा	८८,८७४
• घनत्व	६५०/किमी२ (१७००/वर्ग माइल)
समय क्षेत्र	युटिसी+५:४५ (नेपाली समय)
क्षेत्रीय सङ्केत	+९७७-७६
वेबसाइट	आधिकारिक वेबसाइट

कपिलवस्तु नगरपालिका वा पूर्व नाम तौलिहवा कपिलवस्तु जिल्लाका ६ वटा नगरपालिकाहरू मध्ये एक हो। यो नगरपालिका युनेस्कोको विश्व सम्पदा क्षेत्र र गौतम बुद्धको जन्मस्थल लुम्बिनीबाट करिब २५ किलोमिटर (१६ माइल) दक्षिणमा अवस्थित छ।

वि.सं. २०३८ मा, बारागदावा, मालपारा, पिपरी, कपिलवस्तु आदर्श गाउँ र तिलौराकोट, गोटिहवा र गोबरी गाउँपञ्चायतको केही भागलाई मिलाएर तौलिहवा नगरपञ्चायतको नामबाट कपिलवस्तु नगरपालिकाको स्थापना भएको थियो। २०७१ कात्तिक २१ गते गोटिहवा र तिलौराकोट गाविसको बाँकी क्षेत्रलाई समेटेर यस नगरपालिकाभित्र १९ वटा वडा बनाइएको थियो। नेपाल सरकारले २७ फागुन २०७३ मा, स्थानीय तहलाई पुनर्संरचना गरेको थियो। धरमपनिया, दोहनी, जहदी, निग्लिहवा र सौराहा गाविसहरूलाई मिलाएर साविकको तौलिहवा नगरपालिकालाई मिलाएर कपिलवस्तु नगरपालिका बनाइएको थियो। हाल यस नगरपालिकाको कुल क्षेत्रफल १३६.९१ वर्ग किलोमिटर (५२.८६ वर्ग माइल) रहेको छ। यो नगरपालिका अहिले १२ वटा वडामा विभाजित छ। यो नगरपालिका समुन्द्री सतहदेखि १०७ मिटर (३५१ फिट) को उचाईमा अवस्थित छ।

जनसङ्ख्या

राष्ट्रिय जनगणना २०७८को जनगणना अनुसार कपिलवस्तु नगरपालिकाको कुल जनसङ्ख्या ८८,८७४ रहेको छ भने यहाँ १५,३८२ घरधुरी रहेका छन्।

कपिलवस्तु नगरपालिकाको वडागत तथ्याङ्क

नयाँ वडा	समावेश साविकका गाविसहरू	जनसङ्ख्या	क्षेत्रफल (वर्ग कि.मी.)	जनघनत्व (व्यक्ति/वर्ग कि.मी.)
१	कपिलवस्तु (१–३)	८,५३०	३.०५	२७९६.७२
२	कपिलवस्तु (५–८)	७,८५४	१२.१६	६४५.८९
३	कपिलवस्तु (४, १०–१२)	१०,५९८	११.१३	९५२.२०
४	कपिलवस्तु (९,१३,१४)	७,७४२	१०.८७	७१२.२४
५	गोटिहवा	५,७२०	९.८१	५८३.०८
६	तिलौराकोट	९,९९३	१६.६	६०२.००
७	धरमपनिया	५,५२०	१५.२	३६३.१६
८	दोहनी	८,१९२	११.६८	७०१.३७
९	निग्लिहवा (१–३, ६,९)	६,२८६	१८.८३	३३३.८३
१०	निग्लिहवा (४-५, ७-८)	६,२३३	९.२२	६७६.०३
११	जहदी	७,४३४	११.१८	६६४.९४
१२	सौराहा	४,७७२	७.१८	६६४.६२
जम्मा		८८,८७४	१३६.९१	६४९.१४

बाह्य कडीहरू

• जिल्ला समन्वय समितिको कार्यालय, कपिलवस्तु अभिलेखिकरण २०२०-०९-२१ वेब्याक मेसिन