भूपालेन्द्र मल्ल

भूपालेन्द्र मल्ल
कान्तिपुरको राजा
शासनकाल	वि.सं. १७४४ -१७५७
पुर्वाधिकारी	पार्थिवेन्द्र मल्ल
उत्तराधिकारी	भाष्कर मल्ल
वंश	मल्ल वंश
पिता	पार्थिवेन्द्र मल्ल
आमा	रानी ऋद्धिलक्ष्मी

वि सं १७४४ मा विष काण्डमा परेर राजा पार्थिवेन्द्र मल्लको मृत्यु भए पछि उनका छोरा भूपालेन्द्र मल्ल राजा भए।

शासनकाल

८ वर्षमा राजा बनेका भूपालेन्द्रलाई राजमाता ऋद्धिलक्ष्मीले काखमा लिइन् र पार्थिवेन्द्र मल्लको समय देखि चौतारा रहेका चौतारा लक्ष्मीनारायण जोशी शक्तिशाली हुँदै गए। आफ्नो आमा र चौताराको अनुचित सम्बन्धको बारेमा थाहा पाएपछि भूपालेन्द्रले राजमाता ऋद्धिलक्ष्मीलाई कैद गरे । र ऋद्धिलक्ष्मीको कैदमा नै मृत्यु भयो ।

मृत्यु

वि सं १७५७ मा भूपालेन्द्र मल्लको २१ वर्षको उमेरमा अयोध्यामा मृत्यु भयो । त्यसपछि उनका छोरा भाष्कर मल्ल कान्तिपुरका राजा भए।