सिद्धिनरसिंह मल्ल

स्वतन्त्र विश्वकोश, नेपाली विकिपिडियाबाट
Jump to navigation Jump to search
सिद्धिनरसिंह मल्ल
पाटन राज्यको राजा
शासनकालवि सं १६७५-१७१६
पुर्वाधिकारीहरिहरसिंह मल्ल
उत्तराधिकारीश्रीनिवास मल्ल
सन्तानश्रीनिवास मल्ल
वंशमल्ल वंश
पिताहरिहरसिंह मल्ल
मातालालमती
जन्मवि सं १६६३
मृत्युवि सं १७६७
धर्महिन्दु

राजनीतिक कार्यहरू[सम्पादन गर्ने]

  1. कान्तिपुरका राजा लक्ष्मीनरसिंह मल्लले ललित्पुर ( पाटन)को विरोध गरेको हुनाले सिद्धिनरसिंह मल्लले भक्तपुरको सहायत लिई कान्तिपुर माथि आक्रमण गरे तर दरबार वरिपरिको पर्खालबाट भित्र भित्र पस्न नसकेपछिइ वि सं १६७७ फाल्गुनमा एक सन्धी गरे ।
  2. गोरखाका राजा राम शाहसँग सन्धी गरि ललितपुर र गोरखा राज्यबीच राजनीतिक र व्यापारिक सम्बन्ध स्थापना भयो ।
  3. वि सं १७९३ को फाल्गुन तिर कोटिहोम गर्न लागेको मौका पारेर कान्तिपुरका राजा प्रताप मल्लले ललितपुर पाटन माथि आक्रमण गरे तर पाटनेहरूले कान्तिपुरेहरूलाई लखटे ।

धार्मिक कार्यहरू[सम्पादन गर्ने]

  1. वि सं १६९३ मा पाटन दरबार अगाडि २१ ओटा गजुर भएको भारतीय आर्यकलाशैलीमा ढुङ्गा को तीन तले कृष्ण मन्दिर बनाए, जो हालसम्म पनि दर्शनीय रुपमा रहेको छ ।
  2. सिद्धिनरसिंह मल्ल धार्मिक तथा कलाप्रेमी भएकाले पाटन दरबारलाई ठूलो र फराकिलो बनाउन का साथै जावलाखेलमा धारा र पोखरी निर्माण गराए ।
  3. उनले विभिन्न देवीदेवताहरूको मन्दिर निर्माण गर्नाको साथै अनेकौं धार्मिक नृत्यहरूको (कार्तिक नाच) आदि प्रचलन गराए ।
  4. तलेजु र सिद्धिविनायकको स्थापना गर्नाको साथै अनेकौं विहारहरूको जिर्णोद्धार गराए ।
  5. विभिन्न देवीदेवताको पूजाअर्चना को लागि आवस्यक प्रबन्ध मिलाए ।
  6. पाटन दरबार भित्रै सिद्धिगणेश र नृसिंह मूर्तिको स्थापना गराए ।
  7. ललितपुर दरबार लाई विस्तृत, सुन्दर र कलात्मक बनाए।
  8. आमा लालमती को नाममा जावलाखेल मा पोखरी निर्माण गराए ।
  9. देगुतले (पाँचतले) मन्दिर निर्माण गराई भण्डारखाल बगैंचा र पोखरी निर्माण गराए ।
  10. ४० दिन लगाएर कोटिहोम यज्ञ गरि विद्वान ब्रामण्हरूलाई तण्डुलपर्वत, कल्पद्रुम र हस्तलिखित १८ पुराण र असर्फीहरू दान गरे।

गद्धी त्याग[सम्पादन गर्ने]

सिद्धिनरसिंहका छोरा श्रीनिवास मल्ल कान्तिपुरका राजा प्रताप मल्लको बहकाउमा लागेर आफ्नै पिता सँग अलि विद्रोही स्वभाव का हुनाले कीर्तिपुर लाई राजधानी बनाई छुट्टै सरकार गठन गर्दा राजा सिद्धिनरसिंह मल्लले त्यो बुझेर २ वर्ष पछि वि सं १७१७ मा आफैँले राज्य त्याग गरिदिए । त्यस पछि उनले राजर्षीको जीवन बिताउन थाले र तिर्थाटन गर्दै जीवन व्यतीत गर्न थाले ।

यो पनि हेर्नुहोस्[सम्पादन गर्ने]

सन्दर्भ सामग्रीहरू[सम्पादन गर्ने]

बाह्य लिङ्कहरू[सम्पादन गर्ने]