घान्द्रुक

घान्द्रुक
पूर्व गाविस
नेपालको नक्सामा घान्द्रुकको अवस्थिति घान्द्रुक (नेपाल)
निर्देशाङ्क: २८.१९°N ८४.१८°E / 28.19; 84.18
देश	नेपाल
प्रदेश	गण्डकी प्रदेश
जिल्ला	कास्की जिल्ला
जनसङ्ख्या  (वि.सं २०६८)
• जम्मा	४,२६५
समय क्षेत्र	युटिसी+५:४५ (नेपाली समय)

घान्द्रुक नेपालको पूर्व प्रशासनिक विभाजन अनुसार, पश्चिमाञ्चल विकास क्षेत्रको गण्डकी अञ्चल, कास्की जिल्ला पर्ने एक अवस्थित गाविस थियो। घान्द्रुक पोखराबाट ३२ किलोमिटर उत्तर-पश्चिम र मुख्य पोखरा बागलुङ राजमार्गबाट ​​१९ किलोमिटरको दुरीमा अवस्थित छ। एघारौँ राष्ट्रिय जनगणना २०६८मा यहाँको जनसङ्ख्या ४२६५ रहेको थियो जसमध्ये २०५४ पुरुष र २२११ महिला रहेका थिए भने यहाँ ११०२ घरधुरी रहेको थियो। घान्द्रुक प्राय गरी अन्नपूर्ण हिमाल तथा अन्नपूर्ण संरक्षण क्षेत्र घुम्न आउने नेपाली तथा विदेशी पर्यटकहरूमा एक चिरपरिचित गन्तब्यको रूपमा लिइन्छ। घान्द्रुक गाउँबाट अन्नपूर्ण हिमाल, माछापुचारे, गंगापूर्ण र हिउँचुली हिमालको चुचुरो देख्न सकिन्छ र यो पुनहिलको प्रवेशद्वार पनि हो।

तस्वीरहरू

• 
  घान्द्रुकको एक मनोरम दृश्य
• 
  घान्द्रुक गाउ
• 
  घान्द्रुकबाट देखिने अन्नपुर्णको दृश्य
• 
  साझमा घान्द्रुकको दृश्य

यो पनि हेर्नुहोस्

• अन्नपूर्ण पदमार्ग
• अन्नपूर्ण हिमाल

बाह्य कडीहरू

• कास्की जिल्लाका ठाउँहरूको संयुक्त राष्ट्र सङ्घीय नक्सा