माझठाना

माझठाना
पूर्व गाविस
नेपालको नक्सामा माझठानाको अवस्थिति माझठाना (नेपाल)
निर्देशाङ्क: 28.19°N 84.18°E / 28.19; 84.18
देश	नेपाल
प्रदेश	गण्डकी प्रदेश
जिल्ला	कास्की जिल्ला
जनसङ्ख्या  (वि.सं २०६८)
• जम्मा	२,९९३
समय क्षेत्र	युटिसी+५:४५ (नेपाली समय)

माझठाना नेपालको पूर्व प्रशासनिक विभाजन अनुसार, पश्चिमाञ्चल विकास क्षेत्रको गण्डकी अञ्चल, कास्की जिल्लामा अवस्थित एक गाविस थियो। एघारौँ राष्ट्रिय जनगणना २०६८मा यहाँको जनसङ्ख्या २९९३ रहेको थियो जसमध्ये १२५४ पुरुष र १७३९ महिला रहेका थिए भने यहाँ ८३३ घरधुरी रहेको थियो। हरिहर गुफा यहाँको प्राकृतिक पर्यटकीय स्थल हो। यसको साविकका (१,४-९) वडाहरू पोखरा महानगरपालिकामा पर्दछ भने (२,३) वडाहरू मादी गाउँपालिकामा पर्दछ।

तत्कालीन श्री ३ महाराज चन्द्र समशेर जबराले "माझठानाको टारी, बैदामको बारी र आर्वाको घारी" एकै ठाउँमा भएको भए नेपालको राजधानी काठमाण्डौबाट पोखरा सार्ने थिएँ भन्ने भनाइ किम्बदन्तीका रूपमा चर्चामा रहेकाले पनि माझठानामा प्रशस्त उब्जाउ भूमि रहेको सहज अनुमान लगाउन सकिन्छ।

बाह्य कडीहरू

• कास्की जिल्लाका ठाउँहरूको संयुक्त राष्ट्र सङ्घीय नक्सा