लालबन्दी नगरपालिका
लालबन्दी नगरपालिका | |
|---|---|
  मधेश प्रदेशको नक्सामा लालबन्दी नगरपालिकाको अवस्थिति  लालबन्दी नगरपालिका (नेपाल) | |
| निर्देशाङ्क: २७°०२′N ८५°३८′E / २७.०४°N ८५.६३°Eनिर्देशाङ्कहरू: २७°०२′N ८५°३८′E / २७.०४°N ८५.६३°E | |
| देश |  नेपाल |
| प्रदेश | मधेश प्रदेश |
| जिल्ला | सर्लाही |
| स्थापित | २७ फागुन २०७३ |
| सरकार | |
| • नगरप्रमुख | वासुदेव अधिकारी (नेकपा (माओवादी केन्द्र)) |
| • उपप्रमुख | कल्पनामाया पाख्रीन (नेकपा (माओवादी केन्द्र)) |
| क्षेत्रफल | |
| • जम्मा | २३८.५ किमी२ (९२.१ वर्ग माइल) |
| जनसङ्ख्या | |
| • जम्मा | ६६,४१९ |
| • घनत्व | २८०/किमी२ (७२०/वर्ग माइल) |
| समय क्षेत्र | युटिसी+५:४५ (नेपाली समय) |
| क्षेत्रीय सङ्केत | +९७७-०४६ |
| वेबसाइट | आधिकारिक वेबसाइट |
लालबन्दी नगरपालिका नेपालको मधेश प्रदेश अन्तर्गत सर्लाही जिल्लामा अवस्थित एक नगरपालिका हो।[३] लालबन्दी बजार रहेको ठाँउलाई नगरपालिकाको केन्द्र बनाइएको छ ।[४] यो नगरपालिका २०६८ साउन १ देखि लागू हुने गरी बनाइएको हो तर कार्यन्वयनमा हाल २०७१ जेष्ठ ४ देखि आएको हो । यसलाई नगरपालिका घोषणा गर्दा लालबन्दी, जब्दी र पत्थरकोट गाउँ विकास समितिहरू समावेश गरिएका हुन्। आर्थिक वर्ष २०६८/६९को बजेटमार्फत् मुलुकमा ४१ नयाँ नगरपालिका थपिंदा लालबन्दी पनि नगरपालिका बनेको हो।[५]
परिचय
[सम्पादन गर्नुहोस्]लालबन्दी नेपालको मध्यमाञ्चल विकास क्षेत्र, जनकपुर अञ्चलको सर्लाही जिल्लामा अवस्थित एक नगरपालिका हो । पूर्व-पश्चिम महेन्द्र राजमार्गसंगै जोडिएको लालबन्दीमा उब्जनी योग्य जमीन, खान र सिचाईको लागि प्रसस्त पानी, विद्यार्थीको लागि प्रसस्त स्कूल र कलेज, फलफूल तथा तरकारी अन्य किसिमका उत्पादन लागि छुटै बजार, कल-कारखानाको लागि चाहिने वातावरण, ब्यपारको लागि बजार, रकम राख्नको लागि बैङ्क र सहकारीको भण्डार भएको क्षेत्र र विकाशको लागि प्रचुर सम्भावना वोकेको ठाउँ हो । तामाङ, नेवार, मगर, क्षेत्री, वाहुन, दलित, मधेसीका साथै प्राय सवै धर्म मान्ने मानिसहरूको वसोवास रहेको छ । यो नेपालको सबै भन्दा बढी गोलभेडा पाइने ठाउँ पनि हो । सायद लालबन्दिको नाम यहाँ पाउने लाल गोलभेडा र बन्दागोभी को सुयुक्त नामले लालबन्दी नाम हुन गएको हो कि भन्ने धारणा पनि भेटिन्छ । यहाँ तरकारीहरू बढी उत्पादन हुने भएकोले खास गरी नेपाल र भारत तिर निर्यात हुने गरेको छ । साथै धान, मकै, गहुँ तथा अन्य कृषिजन्य वस्तुको पनि राम्रो उत्पादन र वजार छ ।[६] लालबन्दी बजार ब्यापारिक प्रबर्धनको लागि प्रख्यात भएर होला यहाँ वित्तीय कारोबार गर्ने बैङ्क तथा सहकारीको दिन पर्तिदिन संख्या बढ्दै गइ राखेको छ।
जनसङ्ख्या
[सम्पादन गर्नुहोस्]राष्ट्रिय जनगणना २०७८को जनगणना अनुसार लालबन्दी नगरपालिकाको कुल जनसङ्ख्या ६६,४१९ रहेको छ भने यहाँ १४,८७३ घरधुरी रहेका छन्।[२]
सन्दर्भ सामग्रीहरू
[सम्पादन गर्नुहोस्]- ↑ "स्थानीय तह निर्वाचन २०७९" (नेपालीमा), कान्तिपुर दैनिक, अन्तिम पहुँच ०९ साउन २०८१।
- ↑ २.० २.१ "जनसङ्ख्याको आकार र वितरण", राष्ट्रिय जनगणना २०७८ (नेपालीमा), राष्ट्रिय तथ्याङ्क कार्यालय, अन्तिम पहुँच २९ जेठ २०८१।
- ↑ "नेपाल सरकार स्थानिय विकास मन्त्रालय", स्थानिय विकास मन्त्रालय, नेपाल सरकार।
- ↑ "थप ७२ नयाँ नगरपालिका", अन्तिम पहुँच मे १८,२०१४।[स्थायी मृत कडी]
- ↑ कृष्ण ज्ञवाली, बलराम बानियाँ (२०७१ वैशाख २५), "थप ७२ नगरपालिका घोषणा (सूचिसहित)", कान्तिपुर पोस्ट, कान्तिपुर पोस्ट, अन्तिम पहुँच वैशाख २५। वेब्याक मेसिन अभिलेखिकरण २०१४-१०-२३ मिति
- ↑ "तरकारीखेतीले किसानको जीवनशैलीमा परिवर्तन"। वेब्याक मेसिन अभिलेखिकरण २०१५-०३-२१ मिति