कुँवर इन्द्रजित सिंह

स्वतन्त्र विश्वकोश, नेपाली विकिपिडियाबाट
यसमा जानुहोस्: परिचालन, खोज्नुहोस्
कुँवर इन्द्रजीत सिंह (के आई सिंह)

कार्यकाल
२०१३ – २०१३
शासक : राजा महेन्द्र
अग्रज : टंकप्रसाद आचार्य
उतराधिकारी : सुवर्ण सम्शेर राणा
व्यक्तिगत जानकारी
राजनीतिक दल नेपाली कांग्रेस

के.आई. सिंह अर्थात् कुँवर इन्द्रजीत सिंह विद्रोही नेता तथा नेपालका पूर्व प्रधानमन्त्री थिए। यिनी होमियोप्याथी सम्बन्धी डाक्टर थिए।

२००७ सालको क्रान्तिमा पश्चिम तराईबाट सक्रिय रहेका यिनी दिल्ली सम्झौता धोका हो भनी आन्दोलन रोक्न तयार थिएनन्। पछि त्यही निहूँमा आन्दोलन गरेपछि यिनी पक्राऊ गरेर काठमाडौंं ल्याइएका थिए। प्रखर स्वभावका यिनलाई त्यसबेला सिंहदरवार भित्र रहेको बिजुली गारतको नियन्त्रणमा कैद गरिएको थियो। पछि त्यहाँ कार्यरत सिपाहीहरूलाई नै प्रभावमा लिई सिंहदरवार नै नियन्त्रण गरेर बिद्रोह गरे। सिंहदरवार बाहिर रहेको सेना र भित्र रहेको विद्रोही सेनाबीच गोली हानाहान भयो। अन्त्यमा दूत मार्फत यिनले आफूलाई सुरक्षित काठमाडौंं उपत्यका बाहिर जान दिने भए विद्रोह छोड्ने बताएपछि सोही अनुसार यिनलाई छोडियो। त्यसपछि यिनी झण्डै १ वर्ष चीन सरकारको शरणमा गै बसे। पछि नेपाल फर्केपछि २०१३ सालमा यिनी राजाद्वारा प्रधानमन्त्री बनाइए। कडा स्वभावका यिनले त्यसबेला सचिव लगायत विभिन्न कर्मचारीहरूलाई हातपात सम्म गरेका थिए। अत्यन्तै उद्दण्ड स्वभावका देखिएकाले यिनको सरकार ३ महिना सम्म पनि टिक्न सकेन। पछि यिनलाई हटाएर सुवर्ण सम्शेर राणाको नेतृत्त्वमा सरकार गठन भयो।

पछि यिनी पञ्चायती राजनीतिमा पनि सांसद सम्म भए।

यिनको सन् १९८२ मा घाँटीको क्यान्सरको उपचार गर्दा गर्दै थाइल्याण्डको बैंककमा निधन भयो। [१]

सन्दर्भ सामग्रीहरू[सम्पादन गर्ने]

  1. Obituaries New York Times

बाह्य लिङ्कहरू[सम्पादन गर्ने]