विकिपिडियामा स्वागत छ!

यो एक स्वतन्त्र विश्वकोश हो जसलाई सबैले सम्पादन गर्न सक्छन्।
यस नेपाली भाषा संस्करणमा कुल २९,४७२ लेखहरू सङ्ग्रहित छन्।

आज: २९ माघ, २०८२ (बिहीबार); नेस: ०९:३०

प्रमुख लेख

देवनागरी लिपि अथवा नागरी लिपि बायाँ देखि दायाँ सम्म लेखिने अक्षरात्मक लिपिमा आधारित एक प्राचीन ब्राह्मी लिपि हो। यसको प्रयोग भारतीय उपमहाद्वीपमा हुने गर्दछ। यसको विकास प्राचीन भारतमा पहिलो देखि चौथो शताब्दीको बीचमा भएको थियो भने यसको प्रयोग सातौँ शताब्दी देखी हुँदै आएको छ। देवनागरी लिपिमा, ४७ वटा वर्णहरू हुन्छन् जसमा १४ वटा स्वरवर्ण र ३३ वटा व्यञ्जनवर्ण हुन्छन्। यो संसारमा सबैभन्दा बढी प्रयोग हुने लिपि मध्ये चौथो हो जहा यस लिपिमा १२० भन्दा बढी भाषाहरू लेखिन्छ। यो लिपि नेपाल र भारत गणतन्त्रको आधिकारिक लिपिहरू मध्ये एक हो।

मराठी, पाली, संस्कृत, हिन्दी, नेपाली, शेर्पा, प्राकृत, अपभ्रंश, अवधी, भोजपुरी, ब्रज भाषा, छत्तीसगढी, हरियाणवी, मगही, नागपुरी, राजस्थानी, भिली, डोगरी, मैथिली, कश्मीरी, कोङ्कणी, सिन्धी, बोडो, नेवारी, पन्जाबी, मुन्डारी र सन्थाली लगायतका भाषाहरूले देवनागरी लिपि एकमात्र लिपि वा दोस्रो लिपिको रूपमा प्रयोग गर्ने गर्दछन्। देवनागरी लिपि नन्दिनागरी लिपिसँग पनि मिल्दोजुल्दो रहेको छ जुन दक्षिण भारतका विभिन्न प्राचीन पाण्डुलिपिहरूमा भेट्ने गरिन्छ। यो विभिन्न दक्षिणपूर्वी एसियाली लिपिहरूसँग पनि सम्बन्धित छ। (पूरा पढ्नुहोस्...)

भर्खरै प्रदर्शित:

के तपाईंलाई थाहा छ ...

... शकुन्तलालाई (चित्रित) वनमा शकुन्त नामक पक्षीले उनको रक्षा गरेको थियो?
... भानुभक्त आचार्यलाई नेपाली भाषाको आदिकवि भनेर चिनिन्छ?
... राजा राममोहन रायलाई भारतीय पुनर्जागरणको अग्रदुत भन्ने गरिन्छ?
... जापान विश्वमा सबैभन्दा पुरानो राजतन्त्र भएको देश हो?
... बिरालोले आफ्नो जीवनको ६६% समय सुतेर बिताउँछ?
... कालिदासलाई संस्कृत भाषाको महाकवि भनेर चिनिन्छ?
... सिक्किम राज्यको लगभग ३५% भाग कञ्चनजङ्घा राष्ट्रिय निकुञ्जले ओगटेको छ?
... नेपाल अधिराज्य विश्वको अन्तिम हिन्दु राज्य थियो?

प्रमुख समाचारहरू

निकोलस मादुरो

संयुक्त राज्य अमेरिकाले भेनेजुएलामा आक्रमण गर्दै राष्ट्रपति निकोलस मादुरोलाई (चित्रित) पक्राउ गरेको छ।
बङ्गलादेशकी पूर्व प्रधानमन्त्री शेख हसिना लाई बङ्गलादेशी न्यायाधिकरणले मानवता विरुद्धको अपराधमा दोषी ठहर गर्दै मृत्युदण्डको सजाय सुनाएको छ।
पूर्व प्रधानन्यायाधीश सुशीला कार्की नेपालको पहिलो महिला प्रधानमन्त्री बनेकी छिन्।
थाइल्याडकी प्रधानमन्त्री पेटोङटार्न सिनावात्रालाई थाइल्यान्डको संवैधानिक अदालतले पदबाट हटाएको छ।
एयर इन्डियाको उडान १७१ अहमदाबादमा दुर्घटनाग्रस्त हुँदा २६० जनाभन्दा बढीको मृत्यु भएको छ।

इतिहासमा आज

१२, फेब्रुअरी (जन्म):

अब्राहम लिङ्कन (सन् १८०९)

वि.सं. २०४९ (सन् १९९२) - मंगोलियाको वर्तमान संविधान लागू भएको थियो ।

प्रमुख चित्र

पादुकास्थान पञ्चकोशी क्षेत्रमा पर्ने पाँच स्थान मध्यको एक स्थान हो। पौराणीक कथा अनुशार महादेव पत्नी सतिदेवीको पाउ पतन भएकाले पादुका नाम रहन गएको भनिने यो स्थल दैलेख जिल्लाको पादुका गा. वि. स.मा पर्दछ। यो स्थानमा भगवान विष्णुका पद चिन्हको छाप भएको शिला प्राप्त भएकोले यो स्थानलाई विष्णु पादुकाको नामले पनि चिनिन्छ...

फोटोग्राफर/श्रोतः राम प्रसाद जोशी , मितिः ११ मे २०१४
सम्बन्धित पृष्ठः पादुकास्थान