लहान नगरपालिका

स्वतन्त्र विश्वकोश, नेपाली विकिपिडियाबाट
Jump to navigation Jump to search
लहान नगरपालिका
—  नगरपालिका  —
लहान नगरपालिका Nepal-এ অবস্থিত
लहान नगरपालिका
लहान नगरपालिका
नेपालको नक्शामा लहान नगरपालिका
निर्देशाङ्क: २६°४०′ उत्तर ८६°४८′ पूर्व / २६.६६७° उत्तर ८६.८००° पूर्व / 26.667; 86.800निर्देशाङ्क: २६°४०′ उत्तर ८६°४८′ पूर्व / २६.६६७° उत्तर ८६.८००° पूर्व / 26.667; 86.800
देश  नेपाल
अञ्चल सगरमाथा अञ्चल
जिल्ला सिरहा जिल्ला
सरकार
 - प्रकार लहान नगरपालिका
 - मेयर NA
जनसङ्ख्या (२०५८)
 - जम्मा ३३,६५३
समय क्षेत्र नेपालको प्रमाणिक समय (युटिसी+५:४५)
वेबसाइट lahan.municipality.gov.np

महेन्द्र राजमार्गमा अवस्थित सिरहा जिल्लाको लहान नगरपालिका सुन्दर, शान्त र हराभरा छ। वि.सं. २०३२ मा सरकारद्वारा लहान बजार, लहान गोठ र सिग्याही मटियर्वा गाविस मिलाएर नगरपञ्चायत स्थापना गरिएको थियो। नगरपालिकाको २०३३ देखि २०५४ सालसम्मको पाँच पटक निर्वाचन भयो। पाँच पटकको निर्वाचनमा लगातार तीनपटक लगनलाल चौधरी नगरप्रमुखमा विजयी भएका थिए। वि.सं. २०३३ को निर्वाचनमा भने पहिलो प्रधानपञ्चको रूपमा रामलोचन महतो र उप-प्रधानपञ्चमा विश्वनाथ चौधरी विजयी भएका थिए। त्यसैगरी २०४९ सालको निर्वाचनमा नगरप्रमुखमा लगनलाल चौधरी र उप-प्रमुखमा प्रकाशबहादुर के.सी. विजयी भए। वि.सं. २०५४ को निर्वाचनमा प्रमुखमा मुनी साह र उप-प्रमुखमा राजेन्द्र महतो विजयी भएका थिए। त्यसपछि तोकिएको समयमा निर्वाचन हुन नसक्दा श्री ५ को सरकारद्वारा नगरप्रमुखमा प्रकाशबहादुर के.सी. र उप-प्रमुखमा सागरलाल चौधरीलाई मनोनित गरिएको थियो।

लहान सहरमा रहेको गोल चोक

भौगोलिक स्थिति[सम्पादन गर्ने]

लहान नगरपालिकाको पूर्वमा बलान नदी (सप्तरी जिल्ला), पश्चिममा पडरिया गाविस र बस्तीपुरको पूर्वी सिमाना, उत्तरमा भदैया गाविस र गोविन्दपुरको दक्षिण सिमाना र दक्षिणमा सोनमति मझौरा गाविस पर्दछन्।

लहान सहरको गोल चोक नजिक रहेको गेट

नामकरण[सम्पादन गर्ने]

वर्षौ पहिले यस ठाउँमा हाट लाग्ने गर्दथ्यो। पहाडबाट व्यापारी सरसामान खरीद गर्न र बेच्न आउँथे। ती व्यापारीबीच परस्पर मारपीट भयो र मारपीटको क्रममा 'लौ हान' शब्दको बारम्बार प्रयोग भएपछि कालान्तरमा लौहानबाट अप्रभंश भई लहान नामाकरण भएको हो। पहिले उक्त क्षेत्रमा लौहान सिंह नामक राजाले राज्य गरेकाले उक्त नाम रहेको पनि बताइन्छ।

जनसङ्ख्या र रितिथिति[सम्पादन गर्ने]

उक्त नगरमा ५ हजार २ सय ६२ घरपरिवारका २७ हजार ६ सय ५४ जना बसोबास गरिरहेका छन्। तीमध्ये पुरूष १४ हजार ५ सय ३२ र महिला संख्या १३ हजार १ सय २२ रहेको सन् २००१ को जनगणनाले देखाउँछ। नगरपालिकामा अधिकांश व्यक्ति मैथिली भाषा बोल्छन्। हिन्दूहरूको बडादशैं, तिहारका साथै स्थानीय चाडपर्वमा सिरूवा, फागु, भातृ द्वितीया, चौठ चन्द्र, छठ, दीपावली, बडादिन प्रमुख छन्। नगरमा कोइरी, कायस्थ, कथवनियाँ, थारू, मुसलमान, मारवाडी, मुसहर, यादव, डुम, चमार, ब्राम्हण, क्षेत्रीलगायत विभिन्न जातजाति बसोबास गर्दै आइरहेका छन्। लहान बजारदेखि ४ कि.मि. पश्चिममा ऐतिहासिक धार्मिकस्थलको रूपमा राजा सहलेसको फूलवारी छ। उक्त फूलवारीमा प्रत्येक वर्ष वैशाख १ गतेका दिन मेला लाग्छ। उक्त ठाउँको एउटा रूखमा वर्षको एकचोटि वैशाख १ गते मात्र फूल फुल्छ। उक्त फूल हेर्न नेपाल र भारतका हजारौं व्यक्ति पुग्छन्। त्यसैगरी, लहानदेखि ६ कि.मि. उत्तरमा पकडरिया गढ अवस्थित छ भने नगरमा विभिन्न मठ मन्दिर छन्।

विविध[सम्पादन गर्ने]

लहानस्थित सगरमाथा चौधरी आँखा अस्पतालले मुलुक र विशेष गरी भारतमा प्राप्त गरेको ख्यातिले अन्तर्राष्ट्रिय जगतमा लहानको पहिचान कायम भएको छ। सन् १९८२ मा स्थापना भएको उक्त अस्पतालबाट हाल सम्म २० लाखभन्दा बढी व्यक्तिको आँखा उपचार गरिएको अस्पतालले जनाएको छ। यहाँ सरकारी क्याम्पस एउटा छ भने निजी तीन ओटा छन् तथा २५ शैय्याको एउटा सरकारी अस्पताल छ भने दुई ओटा निजी अस्पताल तथा दर्जनभन्दा बढी डाक्टरहरूले व्यक्तिगत क्लिनिक सञ्चालन गरेका छन् । त्यसैले नै बलान नदी देखि पश्चिमको लहानलाई अस्पताल चौक भनेर चिनिन्छ । यहाँ सगरमाथा अञ्चल यातायात व्यवस्था कार्यालय लहान , जिल्ला ट्राफिक प्रहरी कार्यालय लहान लगायतका विभिन्न संघसंस्थाका कार्यालय छन् ।

शिक्षा[सम्पादन गर्ने]

कलेजहरू[सम्पादन गर्ने]

लहान सहरमा रहेका कलेजहरू
  • जे एस मुरारका बहुमुखी क्याम्पस
  • रोयल सफ्टेक कलेज
  • लहान मेरी चिल्ड्रेन कलेज
  • लहान इन्टरनेशनल कलेज

अस्पतालहरू[सम्पादन गर्ने]

लहान सहरमा भएका अस्पतालहरू
  • सगरमाथा चौधरी आँखा अस्पताल
  • रामप्रसाद रामप्रताप मेमोरियल अस्पताल
  • सप्तर्षि अस्पताल
  • स्टार हस्पिटल

यो पनि हेर्नुहोस्[सम्पादन गर्ने]


सन्दर्भ सामग्रीहरू[सम्पादन गर्ने]