विकिपिडियामा स्वागत छ!

यो एक स्वतन्त्र विश्वकोश हो जसलाई सबैले सम्पादन गर्न सक्छन्।
नेपाली भाषामा कुल ३०,७९० लेखहरू सङ्ग्रहित छन्।

आज: २१ पुष, २०८१ (आइतबार); नेस: १०:४९

प्रमुख लेख

देवनागरी लिपि अथवा नागरी लिपि बायाँ देखि दायाँ सम्म लेखिने अक्षरात्मक लिपिमा आधारित एक प्राचीन ब्राह्मी लिपि हो। यसको प्रयोग भारतीय उपमहाद्वीपमा हुने गर्दछ। यसको विकास प्राचीन भारतमा पहिलो देखि चौथो शताब्दीको बीचमा भएको थियो भने यसको प्रयोग सातौँ शताब्दी देखी हुँदै आएको छ। देवनागरी लिपिमा, ४७ वटा वर्णहरू हुन्छन् जसमा १४ वटा स्वरवर्ण र ३३ वटा व्यञ्जनवर्ण हुन्छन्। यो संसारमा सबैभन्दा बढी प्रयोग हुने लिपि मध्ये चौथो हो जहा यस लिपिमा १२० भन्दा बढी भाषाहरू लेखिन्छ। यो लिपि नेपाल र भारत गणतन्त्रको आधिकारिक लिपिहरू मध्ये एक हो।

मराठी, पाली, संस्कृत, हिन्दी, नेपाली, शेर्पा, प्राकृत, अपभ्रंश, अवधी, भोजपुरी, ब्रज भाषा, छत्तीसगढी, हरियाणवी, मगही, नागपुरी, राजस्थानी, भिली, डोगरी, मैथिली, कश्मीरी, कोङ्कणी, सिन्धी, बोडो, नेवारी, पन्जाबी, मुन्डारी र सन्थाली लगायतका भाषाहरूले देवनागरी लिपि एकमात्र लिपि वा दोस्रो लिपिको रूपमा प्रयोग गर्ने गर्दछन्। देवनागरी लिपि नन्दिनागरी लिपिसँग पनि मिल्दोजुल्दो रहेको छ जुन दक्षिण भारतका विभिन्न प्राचीन पाण्डुलिपिहरूमा भेट्ने गरिन्छ। यो विभिन्न दक्षिणपूर्वी एसियाली लिपिहरूसँग पनि सम्बन्धित छ। (पूरा पढ्नुहोस्...)

हालसालै प्रदर्शित:

के तपाईंलाई थाहा छ ...

... गणेशमान सिंह (चित्रित) को बाल्यकालको नाम हिराकाजी थियो?
... जापान विश्वमा सबैभन्दा पुरानो राजतन्त्र भएको देश हो?
... गुरु गोरखनाथ गोरखाका संरक्षक संत हुन्?
... फुन्सोग नामग्याल सिक्किमका प्रथम छोग्याल थिए?
... बङ्गलादेशमा हिन्दु धर्म दोस्रो ठुलो धर्म हो?
... भुवन चन्दलाई पहिलो नेपाली चलचित्र अभिनेत्रीको रुपमा चिनिन्छ?
... थोन्मि सम्भोटले तिब्बती लिपि सिर्जना गरेका थिए?
... सिङ्गापुरको नाम संस्कृतबाट आएको हो जसको अर्थ सिंहको सहर हो?

प्रमुख समाचारहरू

जिमी कार्टर

अमेरिकाका पूर्व राष्ट्रपति तथा नोबेल शान्ति पुरस्कार विजेता जिम्मी कार्टर (चित्रित)को १०० वर्षको उमेरमा निधन भएको छ।
दक्षिण कोरियाको मुआन अन्तर्राष्ट्रिय विमानस्थलमा जेजु एयर उडान २२१६ दुर्घटना हुँदा १७९ जनाको मृत्यु भएको छ।
भारतीय पूर्व प्रधानमन्त्री मनमोहन सिंहको ९२ वर्षको उमेरमा निधन भएको छ।
डोनाल्ड ट्रम्प अमेरिकाको राष्ट्रपतिमा निर्वाचित भएका छन् र रिपब्लिकन पार्टीले अमेरिकी सिनेटमा बहुमत हासिल गरेको छ।
बङ्गलादेशमा सरकार विरोधी आन्दोलन उत्कर्षमा पुगेपछि प्रधानमन्त्री शेख हसिनाले पदबाट राजीनामा दिएर देश छाडेकी छिन् र मुहम्मद युनुस अन्तरिम सरकारको नेतामा नियुक्त भएका छन्।

इतिहासमा आज

५, जनवरी (जन्म):

दीपिका पादुकोण (सन् १९८६)

वि.सं. २०२९ (सन् १९७२) - अन्टार्कटिकामा सबैभन्दा न्यानो तापक्रम +५९ °फे (+१५ °से) रेकर्ड गरिएको थियो ।
वि.सं. २०३१ (सन् १९७४) - अमेरिकाका राष्ट्रपति रिचर्ड निक्सनले स्पेस सटल कार्यक्रम सञ्चालन गर्न निर्देशन दिएका थिए ।

प्रमुख चित्र

डाँफे नेपालमा पाइने एक चरा हो । यो नेपालको राष्ट्रिय पंक्षी हो, जबकि यो उत्तराखण्डमा डाँफे नामले नै चिनिन्छ र त्यहाँको प्रान्तीय पंक्षी पनि हो। हालमा नयाँ प्रकारको डाँफे पक्षीको प्रजातिको पहिचान अरुणाचल प्रदेशमा भएको छ। डाँफे विशेष गरी उच्च पहाडी तथा हिमाली क्षेत्रमा बसोबास गर्न रुचाउँछ। यसले माटोमै अन्डा पार्छ र बच्चा कोरल्छ। डाँफे नेपाल लगायत भारत, बर्मा, तिब्बत तथा अफगानिस्तानका उच्च पहाडी तथा हिमाली क्षेत्रमा पाइन्छ।