दीपिका पादुकोण

स्वतन्त्र विश्वकोश, नेपाली विकिपिडियाबाट
Jump to navigation Jump to search

दीपिका पादुकोण
(English:  Deepika Padukone)
२०१२ मा पादुकोण
जन्म(१९८६-०१-०५)जनवरी ५, १९८६[१][२]
कोपनहेगन, डेनमार्क
पेशाअभिनेत्री
कार्यकाल२००४–वर्तमान[३]
उचाइ५ फिट ८ इन्च (१.७३ मी) [४]
जिवनसाथीरणवीर सिंह[५]

दीपिका पादुकोण (हिन्दुस्तानी उच्चारण: [d̪iːpɪkaː pəɖʊkoːɳ]; जन्म ५ जनवरी १९८६) एक भारतीय अभिनेत्री एवं मोडल हुन् । उनी बलिउड चलचित्र उद्योगकी सबैभन्दा चर्चित अभीनेत्रीहरू मध्ये एक र सर्वाधिक पारिश्रमिक लिने भारतीय महिला अभिनेत्रीमा पर्छिन् । उनले आफ्नो जीवन यात्रा बलिउडमा स्थापित गरिसकेकी छिन् र हालसम्म दुई फिल्मफेयर पुरस्कार प्राप्त गरिन् ।

पादुकोण, ब्याडमिन्टन खेलाडी प्रकाश पादुकोणकी छोरी हुन । उनको जन्म कोपनहेगनमा भएको हो र हुर्काई बेङ्गलोरमा भएको हो । वाल्यवस्थामा उनले राष्ट्रिय स्तरको ब्याडमिन्टन च्याम्पियनसिप खेलेकी छन् तर फेसन मोडल बन्नका लागि उनले ब्याडमिन्टन खेल छाडेकी थिइन् । मोडलिङ क्षेत्रबाट प्रवेश गरेकी उनले चाँडै चलचित्रमा अभिनय गर्ने अवसर प्राप्त गरिन् । सन् २००६ मा कन्नड चलचित्र ऐश्वर्यमा मुख्य भूमिकामा उनले चलचित्र जगतमा पदार्पण गरिन् । पादुकोण त्यसपछि दोहोरो भूमिकामा उनको पहिलो बलिउड ब्लकबस्टर सन् २००७ मा प्रदर्शित ओम शान्ति ओम बाट गरिन् जसले उनलाई फिल्मफेयर उत्कृष्ट नयाँ महिला कलाकारको लागि पुरस्कार दिलाएको थियो । पादुकोणद्वारा अभिनित लभ आज कल (२००९) र लफङ्गे परिन्दे (२०१०) चलचित्रमा गरिएको दमदार अभिनयको लागि उनले निकै चर्चा कमाइन्। साथै त्यसै समयमा उनीद्वारा अभिनित बच्ना ए हसिनो (२००८) र हाँस्य चलचित्र हाउसफुल (२०१०) चलचित्रले नकारात्मक समीक्षा पाएको थियो ।

सन् २०१२ मा प्रदर्शित बक्स अफिस हिट ककटेल चलचित्रले उनको अभिनय यात्रामा आयाम त थप्यो नै उनको अभिनयलाई सम्मान प्रदान गर्दै बिभिन्न पुरस्कार समारोहमा उत्कृष्ट अभिनेत्रीको लागि नामाङ्कन समेत गराएको थियो । त्यसपछि उनी ये जवानी है दीवानी (२०१३), चेन्नई एक्सप्रेस (२०१३) र ह्याप्पी न्यू इयर (२०१४) जस्ता हाँस्य चलचित्र जुन सबैभन्दा बढी कमाइ गर्ने बलिउड चलचित्र रहेका थिए त्यस्ता चलचित्रमा मुख्य महिला पात्रको अभिनय गरेर बलिउडमा आफ्नो स्थान जमाइन् । उनले सन् २०१३ मा गोलियों की रासलीला राम-लीला नामक चलचित्रमा दमदार अभिनय गरेर फिल्मफेयर सर्वश्रेष्ठ अभिनेत्री पुरस्कार जितेकी थिइन् ।

अभिनय क्षेत्र वाहेक पादुकोण रङ्गमञ्चमा भाग लिने गरेकी छिन् साथै उनले एक भारतीय पत्रिकाको लागि लेख समेत लेखिसकेकी छिन् । यस वाहेक उनले बिभिन्न ब्रान्ड र उत्पादनको लागि स्थायी रूपमा विज्ञापन गर्ने गरेकी छिन् । महिलाको हक तथा अधिकारको लागि पनि उनले बेला बखत आवाज उठाउने गरेकी छिन् ।

व्यक्तिगत जीवन र मोडलिङ करियर

दीपिका पादुकोणको जन्म ५ जनवरी १९८६ मा डेनमार्कको कोपनहेगनमा भएको हो । उनको जन्म कोंकणी भाषी अभिभावक परिवारमा भएको हो ।[६][७] उनको बुवा, प्रकाश, एक भूतपूर्व अन्तर्राष्ट्रिय स्तरका सम्मानित ब्याडमिन्टन खेलाडी थिए । उनकी आमा उज्जाला एक यात्रु एजेन्ट थिइन ।[८] उनकी कान्छी बहिनी अनिसा गोल्फ खेलाडी छिन ।[९] उनको हजुरबुवा रमेश मैसुर ब्याडमिन्टन सङ्घका प्रशासक थिए ।[१०] पादुकोण जब एक वर्षकी थिइन त्यस समय उनको परिवार भारतको बेङ्गलोर बसाइसराई गरे ।[११] उनी बेङ्गलोरको सोफिया उच्च विद्यालयबाट प्रारम्भिक शिक्षा प्राप्त गरेकी थिइन र प्रवीणता प्रमाण पत्र तहको अध्ययन माउन्ट कार्मेल कलेजबाट गरिन ।[१२] उनी मानविकी संकाय अन्तर्गत समाज शास्त्र विषयमा स्नातक तहको पढाइ गर्न इन्दिरा गान्धी राष्ट्रिय खुल्ला विश्वविद्यालयमा भर्ना भइन् तर पछि उनले समयको व्यस्तता तथा मोडलिङ गर्ने समयको अनियमितताले पढाइ स्थगन गरिन ।[११][१३]

Deepika Padukone is posing with her father, mother and sister
सन् २०१४ को ५९औं फिल्मफेयर पुरस्कार समारोहमा दीपिका पादुकोण आफ्नो अभिभावक तथा बहिनीसँग

पादुकोण बच्चा हुँदा कठिन सामाजिक अवस्था स्वीकार गरिन जसले गर्दा उनको धेरै साथीहरू थिएनन् ।[११] उनको जीवनको लक्ष्य ब्याडमिन्टन थियो, जुन उनले युवा उमेर देखि नै प्रतिस्पर्धात्मक तरिकाले खेल्ने गर्थिन । सन् २०१२ को एक अन्तरवार्तामा पादुकोणले आफ्नो दिनचर्याको बारेमा भनिन "म सधैं विहान ५ बजे उठ्थे र शारीरिक कसरत गर्न जान्थे, विद्यालय जान्थे, ब्याडमिन्टन खेल्न जान्थे, आफ्नो गृहकार्य गर्थे र सुत्न जान्थे ।"[११] पादुकोणले विद्यालय अवधिमा ब्याडमिन्टनमा आफ्नो जीवन बनाउन जारी राखिन र राष्ट्रिय स्तरको च्याम्पियनसिपमा भाग लिइन । उनले राज्य स्तरका बेसबल प्रतियोगितामा पनि आफ्नो भागेदारी जनाइन ।[१४] शिक्षा तथा खेल करियरमा आफ्नो ध्यान केन्द्रित राखिरहेकै बेला पादुकोणले बाल कलाकारको रूपमा समेत कार्य गरिन । उनि ८ वर्षको उमेरमा एक दुई विज्ञापन अभियानमा देखा परिन ।[१५] १० कक्षामा अध्ययन गर्दा उनले आफ्नो ध्यान परिवर्तन गरि फेसन मोडल बन्ने निर्णय गरिन । [१६] सन् २००४ मा उनले प्रसाद बिडापाको संरक्षणमा पूर्ण समय मोडल बन्ने कार्यमा लागिन ।[१६][१७]

करियरको प्रारम्भिक चरणमा पादुकोणले लिरिल साबुनको टेलिभिजन विज्ञापनले पहिचान प्राप्त गरिन । त्यस सँगै उनले विभिन्न ब्रान्ड तथा उत्पादनको लागि मोडलिङ गरिन ।[१८][१९] सन् २००५ मा, उनले डिजाइनर सुनीत वर्माको लागि पहिलो पटक लक्मे फेसन विकमा भाग जनाइन र किङफिसर फेसन अवार्डमा मोडल अफ द इअरको अवार्ड जित्न सफल भइन ।[२०][२१] पादुकोणको प्रसिद्धिमा त्यस समय वृद्धि भयो जब उनलाई २००६ को किङफिसर क्यालेन्डरमा स्थान दिइयो ।[२२] क्यालेन्डरका डिजाइनरका रूपमा रहेका वेन्डेल रोड्रिक्सले पादुकोणमाथि टिप्पणी गर्दै भनेका थिए "ऐश्वर्या राय पछि हामीसँग यस्तो सुन्दर र ताजा महिला थिएन ।"[२३] रोड्रिक्सले उनलाई गञ्जम ज्वेलरी कक्षामा हेरेका थिए र पछि उनले म्याट्रिक्स एजेन्सीका लागि पादुकोणलाई हस्ताक्षर गर्न भ्याए ।[२४] २१ वर्षको उमेरमा पादुकोण मुम्बई बसाइँ सरिन् र आफ्नो काकीको घरमा बसिन्।[११] त्यसै वर्ष, उनले हिमेश रेशमियाको म्युजिक भिडियो नाम है तेरा मा काम गर्ने अवसर पाइन् र त्यसमा गरेको अभिनयले व्यापक पहिचान प्राप्त गरिन ।[२५]

पादुकोणले चाँडै चलचित्र भूमिकाको लागि प्रस्ताव प्राप्त गर्न सुरू गरिन ।[२६] आफ्नो अभिनयलाई अझ प्रभावकारी बनाउन पादुकोणले अनुपम खेरको चलचित्र संस्थानमा अभिनय कोर्समा भर्ना भइन ।[२७] रेशमियाको साङ्गीतिक भिडियोमा निर्देशक फराह खानले पादुकोणको अभिनय हेरेकी थिइन् जसले गर्दा उनले पादुकोणलाई आफ्नो चलचित्र ह्याप्पी न्यू इअरमा अभिनेत्रीको रूपमा चयन गरिन ।[११][२२]

अभिनय करियर

चलचित्र सुरूवात र सफलता (२००६–०९)

पादुकोणले सन् २००६ मा आफु इन्द्रजीत लङ्केशको निर्देशनमा कन्नड चलचित्र ऐश्वर्य बाट अभिनय क्षेत्रमा प्रवेश गर्न लागेको बताएकी थिइन । [२२] उक्त रोमान्टिक हाँस्य चलचित्र तेलुगु चलचित्र मनमधुदुको रूपान्तरण रहेको थियो र पादुकोणलाई शीर्ष भूमिकामा अभिनेता उपेन्द्रसँग छाया गरिएको थियो । पादुकोण अभिनित कन्नड चलचित्रले उच्च व्यापारिक सफलता प्राप्त गरेको थियो ।[२८] रिडिफ.कमका आरजी विजयसारथीले पादुकोणको भूमिकाको प्रसंसा गर्दै उनलाई आत्मीय दृश्यमा अझ बढी काम गर्नुपर्छ भनि थपेका थिए ।[२९]

सन् २००६ को अन्तसम्ममा फराह खानको ह्याप्पी न्यू इअर को काम रोकियो र खानले पुनर्जन्मको कथामा आधारित नाटकीय चलचित्र ओम शान्ति ओम (२००७) को लागि पादुकोणलाई चलचित्रमा लिने निर्णय गरिन । [३०] हिन्दी चलचित्र उद्योगको पृष्ठभूमिमा तैयार पारिएको यस चलचित्रले सन् १९७० ताका सङ्घर्षरत अभिनेताको कथा भन्दछ जो आफ्नो प्रेमिकाको हत्याको साक्षी भएर मर्छ र उसको प्रेमिकाको हत्याको बदला लिन पुनर्जन्म लिन्छ । यस चलचित्रको नायकको रूपमा शाहरूख खान एक समर्थकको भूमिकामा रहेका थिए भने पादुकोण दोहोरो भूमिकामा थिइन्  — पहिलो भूमिका शान्तिप्रिया, १९७० को शीर्ष अभिनेत्रीको रूपमा र पछि स्यान्डी, एक इच्छुक अभिनेत्रीको भूमिकामा रूपमा रहेकी थिइन् । उनले भनिन, "म शाहरूखलाई चलचित्रमा हेरेर ठूली भएकी हुँ र वहाँको म सधैँ अनुसरण गर्थे । वहाँ सँग काम गरेर ... म ज्यादै खुसि महसुस गरिरहेकी छु । साथै फराहलाई पनि धन्यवाद दिन चाहन्छु जसले म माथि भरोसा गरेर वहाँसँग मलाई काम गर्ने मौका दिइन् ।"[३१] आफ्नो भूमिकाको तयारीको लागि पादुकोणले विभिन्न अभिनेत्रीहरू हेलनहेमा मालिनीको शारीरिक हाउभाउ पढ्न चलचित्र हेरिन । जुन आजभोलीको अभिनेत्रीभन्दा ज्यादै भिन्नअधिक मनोरम भएको महसुस गरिन ।[३२] तर, उनको आवाज भने आवाज कलाकार मोना घोष शेट्टीद्वारा स्वराङ्कित थियो ।[३३] चलचित्रमा रहेको एक गित धुम ताना मा पादुकोण भारतीय शास्त्रीय नृत्यकर्ताको रूपमा आफुलाई ढालेर नृत्य गरिन । वर्षको चर्चित गितहरू मध्ये एक साबित भएपछी डोर्लिङ किन्डर्सलेले भने पादुकोणले दर्शकलाई आफ्नो हस्त मुद्रा नृत्यले मन्त्रमुग्ध पार्न सफल भइन ।[३४] ओम शान्ति ओम सन् २००७ को व्यावसायिक सफल चलचित्र बन्न सफल रहयो र चलचित्रले विश्व्यापी युएस$०.०२ बिलियन) को कारोबार गरेको थियो ।[३५] बलिउड हङ्गामाका तरण आदर्शले चलचित्रको समिक्षा गर्दै दीपिकाको अभिनयमा एउटा उत्कृष्ट अभिनेत्रीसँग हुनुपर्ने सबै कला भएको भनि भनेका थिए[३६] फिल्मफेयर पुरस्कारको वार्षिकोत्सवमा पादुकोणलाई सन् २००८ मा फिल्मफेयर उत्कृष्ट नयाँ महिला कलाकारको लागि पुरस्कार दिइएको थियो र सर्वश्रेष्ठ अभिनेत्री श्रेणीको लागि नामाङ्कन गरिएको थियो ।[३७]

Deepika Padukone is smiling away from the camera
पादुकोण लभ आज कल, २००९ को पहिलो दृश्य समारोहमा

बलिउड हङ्गामाले ओम शान्ति ओम को सफलताले पादुकोणको अभिनय करियरमा आयाम थपेको एक रिपोर्टमाँ उल्लेख गरेको थियो ।[३८] उनले यो सफलतालाई आफ्नो अर्को चलचित्रमा गायत्री (रणवीर कपुरको प्रेमिका)को भूमिकामा एक अस्ट्रेलियाली विद्यार्थी जो क्याब चालकको रूपमा यशराज फिल्म्सको हाँस्य रोमान्टिक चलचित्र बच्ना ए हसिनो (२००८) मा अभिनय गरिन । यो चलचित्रले व्यावसायिक सफलता प्राप्त गरेको थियो ।[३९] तर आउटलुक को नम्रता जोशीले पादुकोणको अभिनयलाई सन्तोषजनक नभएको बताएकी थिइन् ।।[४०]

सन् २००९ को पहिलो चलचित्रको रूपमा पादुकोण र अक्षय कुमारद्वारा निखिल आडवाणीको निर्देशनमा कुङ फु हाँस्य कथानक चलचित्र चाँदनी चौक टु चाइना रहेको थियो जसमा पादुकोणले भारतीय-चिनियाँ दिदी बहिनीको दोहोरो भूमिका निभाएकी थिइन् । वार्नर ब्रोजद्वारा निर्माण गरिएको यो चलचित्रले हिन्दी चलचित्रको इतिहासमा अन्तर्राष्ट्रिय बाजारमा सबैभन्दा बढी सिनेमाघरमा प्रदर्शित गरिएको थियो ।[४१] पादुकोणले आफ्नो भूमिकको लागि जापानी मार्सल आर्ट्स जुजुत्सुबाट सिखेकी थिइन र आफ्नो सबै आक्रमक दृश्य आफैंले गरेकी थिइन ।[४२][४३] तर अपेक्षा गरिएको ठिक विपरित यस चलचित्रले विश्वव्यापी INR५५४.७ मिलियन (अमेरिकी डलर कमाइ गर्न सक्यो जबकि यस चलचित्रको निर्माण लागत INR८०० मिलियन (अमेरिकी डलर थियो ।[४४][४५] चलचित्र विश्लेषकहरूले पादुकोणको अभिनयलाई सामान्यत मन पराएनन ।[४६][४७]

त्यसै वर्ष पादुकोणले नाटकीय चलचित्र बिल्लु (लभ मेरा हिट हिट नामक गीत) मा आयटम डान्स गरेकी थिइन् ।[४८] त्यस लगतै उनी सैफ अली खानसँग रोमान्टिक नाट्य चलचित्र लभ आज कल मा अभिनय गरिन जसको कथाकार र निर्देशक इम्तियाज अली थिए । यस चलचित्रले युवाहरूको बदलिदो सम्बन्धलाई प्रस्तुत गरेको थियो । यस चलचित्रमा पादुकोणले एक सुदृढ सोच भएकी महिला मीरा पण्डिको भूमिका चरित्रार्थ गरेकी थिइन । यस चलचित्रले विश्वव्यापी युएस$०.०२ बिलियन)को कारोबार गरेको थियो । लभ आज कल ले सन् २००९ को सबैभन्दा बढी पैसा कमाउने तेस्रो चलचित्रको रूपमा आफुलाई प्रमाणित गरेको थियो ।[३५] डेली न्यूज एन्ड एनालायसिस का अनिरूद्ध गुहाले पादुकोणको बारे उल्लेख गर्दै अहिले सम्म अभिनय गरेका चार चलचित्रहरू मध्ये सबैभन्दा उत्कृष्ट प्रदर्शन गरेको भनी लेखेका थिए भने द टाइम्स अफ इन्डिया का बलिउड विशेशज्ञ निखत काजमीले पादुकोणको अभिनयलाई उत्कृष्ट र दृढ भनी व्याख्या गरेका थिए ।[४९][५०] यस चलचित्रको लागि पादुकोणले ५५औँ फिल्मफेयर पुरस्कारमा उत्कृष्ट अभिनेत्रीको नामाङ्कन पाएकी थिइन ।[५१]

करियर सङ्घर्ष (२०१०–११)

सन् २०१० मा पादुकोणको पाँच चलचित्र प्रदर्शित भएको थियो । उनको पहिलो भूमिका विजय लालवाणीको मनोबैज्ञानिक रोमाञ्चकारी चलचित्र कार्तिक कलिङ कार्तिक थियो जसमा पादुकोणले एक हरेस खाइसकेको व्यक्ति (फरहान अख्तरद्वारा अभिनित) जो प्रत्येक विहान एक संदिग्ध फोन पाएर विभिन्न परिवर्तनबाट गुज्रिरहेको व्यक्तिको सहयोगी प्रेमिकाको भूमिका गरिन । भराइटी पत्रिकाका डेरेक एलेले चलचित्रलाई समीक्षा गर्दै चलचित्रको कथाबस्तुले दर्शकमाझ छाप छोड्न नसकेको र पादुकोणको  ...निरीह भूमिकाले पनि चलचित्र सफल नभएको तर्क थपेका थिए ।[५२] व्यवसायिक रूपमा चलचित्र असफल भएको थियो ।[५३]

सो वर्ष उनको सबैभन्दा व्यवसायिक सफल चलचित्र साजिद खानको हाँस्य प्रधान चलचित्र हाउसफुल थियो जसले युएस$०.०२ बिलियन)को कारोबार गर्न सफल भएको थियो । यस चलचित्रमा उनी अक्षय कुमार, रितेश देशमुख, लारा दत्ता, अर्जुन रामपाल, जिया खानबोमन इरानीसँग चित्रित गरिएका थिए ।[३५] राजा सेनले चलचित्रलाई "खराब अभिनयको चाड" र पादुकोणद्वारा कमजोर अभिनय भनी वर्णन गरेका थिए ।[५४]

Deepika Padukone is sitting on a chair and smiling at the camera
पादुकोण लफङ्गे परिन्दे, २०१० को कार्यक्रममा

प्रमुख चलचित्रहरू

प्रसिद्धि

सन्दर्भ सामग्रीहरू

  1. "Happy 27th b'day Deepika Padukone" [दीपिका पादुकोण को 27वाँ जन्मदिन मुबारक हो] (अङ्ग्रेजीमा), सीएनएन आईबीएन, अन्तिम पहुँच १३ अगस्त २०१३ 
  2. "Biography: Deepika Padukone" [जीवनी: दीपिका पादुकोण], हिन्दुस्तान टाईम्स (अङ्ग्रेजीमा), २०१२-०७-२३, अन्तिम पहुँच १३ अगस्त २०१३ 
  3. मेनन, सिता (२००५-०४-२१), "Go white this summer" [इस गर्मी में सफेद जाओ], रीडिफ.कॉम, अन्तिम पहुँच १३ अगस्त २०१३ 
  4. "Deepika Padukone Height, Weight, Bra Size, Shoe Size, Body, Measurements, Waist, Hips", Celebrity Measurements, अन्तिम पहुँच २०१५-०९-२७ 
  5. "Deepika Padukone, Ranveer Singh are married now, wedding ceremony ends in Italy", अन्तिम पहुँच २०१९-०२-१५ 
  6. "Biography: Deepika Padukone", Hindustan Times, २३ जुलाई २०१२, मूलबाट ३१ डिसेम्बर २०१४-मा सङ्ग्रहित, अन्तिम पहुँच ६ अगस्ट २०१३ 
  7. Baksi, Dibyojyoti (१३ जुन २०१३), "Shah Rukh Khan made Deepika Padukone learn Tamil", Hindustan Times, अन्तिम पहुँच १८ अगस्ट २०१३ 
  8. "She's the model of success", The Star, ४ अगस्ट २००८, अन्तिम पहुँच २९ अगस्ट २०१३  – via Highbeam (सदस्यता आवश्यक)
  9. Kaura, Neha (११ जुन २०१२), "Deepika’s link-ups don’t bother us, says sister", The Times of India, अन्तिम पहुँच २ जुलाई २०१३ 
  10. "An exciting tournament", The Hindu, ५ जनवरी २००६, अन्तिम पहुँच ३ अगस्ट २०१५ 
  11. ११.० ११.१ ११.२ ११.३ ११.४ ११.५ Gupta, Priya (१३ अक्टोबर २०१२), "Ranbir and I are still friends: Deepika Padukone", The Times of India, अन्तिम पहुँच २९ अगस्ट २०१३ 
  12. "Just How educated are our Bollywood heroines?: Deepika Padukone", Rediff.com, अन्तिम पहुँच ६ अगस्ट २०१३ 
  13. "Deepika Padukone has not put studies on back-burner", The Times of India, ३० डिसेम्बर २००७, अन्तिम पहुँच ६ अगस्ट २०१३ 
  14. Banerjee, Soumyadipta (१८ फेब्रुअरी २०१०), "I was a state level baseball player: Deepika Padukone", Daily News and Analysis, अन्तिम पहुँच ३ अगस्ट २०१३ 
  15. "The long and short of the ramp", The Hindu, ११ अगस्ट २००४, अन्तिम पहुँच ३ अगस्ट २०१३ 
  16. १६.० १६.१ Chowdary, Asha (१३ अप्रिल २००४), "Smash hit on the ramp", The Times of India, अन्तिम पहुँच ३ अगस्ट २०१३ 
  17. Malani, Gaurav (७ डिसेम्बर २०११), "Deepika Padukone not a part of race", The Times of India, अन्तिम पहुँच ३ अगस्ट २०१३ 
    Saran, Rhea, "Venus Rising?", Verve (magazine), अन्तिम पहुँच ७ अगस्ट २०१३ 
  18. Gahlaut, Kanika (१२ अप्रिल २००४), "Making a splash", India Today, मूलबाट २७ सेप्टेम्बर २०१३-मा सङ्ग्रहित, अन्तिम पहुँच ३ अगस्ट २०१३ 
  19. "Deepika Padukone: Biography", Zee News, अन्तिम पहुँच ७ अगस्ट २०१३ 
  20. Menon, Sita (२१ अप्रिल २००५), "Go white this summer", Rediff.com, अन्तिम पहुँच ३ अगस्ट २०१३ 
  21. Chowdhury, Smita R. (५ मे २००५), "Glamour, glitz & grace", The Telegraph, अन्तिम पहुँच ३ अगस्ट २०१३ 
  22. २२.० २२.१ २२.२ Vijayasarathy, R.G. (१४ मार्च २००६), "Meet Deepika Padukone", Rediff.com, अन्तिम पहुँच ६ अगस्ट २०१३ 
  23. "Young achievers: Deepika Padukone to Aditya Mittal, MS Dhoni to Rabbi Shergill", India Today, २० फेब्रुअरी २००६, मूलबाट २७ सेप्टेम्बर २०१३-मा सङ्ग्रहित, अन्तिम पहुँच ३ अगस्ट २०१३ 
  24. Vasudev, Shefalee (2012). Powder Room. Random House India. प॰ 61. . http://books.google.com/books?id=DzdfsXQEtqoC&pg=PT61. 
  25. Iyer, Meena (१७ नोभेम्बर २०११), "Deepika Padukone in awe of beauty pageant winners", The Times of India, अन्तिम पहुँच ३ अगस्ट २०१३ 
  26. "The hottest heroine in Kannada cinema", Rediff.com, २४ अगस्ट २००६, अन्तिम पहुँच ६ अगस्ट २०१३ 
  27. "On course: Deepika Padukone joins Anupam Kher's Film Academy", India Today, ११ जुलाई २००५, मूलबाट २७ सेप्टेम्बर २०१३-मा सङ्ग्रहित, अन्तिम पहुँच ६ अगस्ट २०१३ 
  28. Kumar, S.S (२९ सेप्टेम्बर २००६), "Ramya in a rush", The Hindu, अन्तिम पहुँच ३ अगस्ट २०१३ 
  29. Vijayasarathy, R.G. (१५ सेप्टेम्बर २००६), "Deepika's Aishwarya is a must watch", Rediff.com, अन्तिम पहुँच ३ अगस्ट २०१३ 
  30. "'I was pulling SRK's hair out!'", Rediff.com, १० डिसेम्बर २००७, अन्तिम पहुँच ६ अगस्ट २०१३ 
  31. Ray, Sarit (२ नोभेम्बर २००७), "I'm a shy person: Deepika", The Times of India, अन्तिम पहुँच ३ अगस्ट २०१३ 
  32. Thakur, Shweta (१७ नोभेम्बर २००७), "I saw Hema Malini films for '70s look: Deepika", Hindustan Times, अन्तिम पहुँच १० अगस्ट २०१३ 
  33. "Why is Deepika's Hindi in Kochadaiiyaan dubbed?", The Times of India, २ जनवरी २०१३, अन्तिम पहुँच ३ जनवरी २०१३ 
  34. The Book of Dance. Dorling Kindersley Limited. 3 September 2012. प॰ 113. . http://books.google.com/books?id=EzKmKyugOjkC&pg=PA113. 
  35. ३५.० ३५.१ ३५.२ "Top All Time Worldwide Grossers Updated", Box Office India, ११ मे २०१२, मूलबाट २६ जनवरी २०१४-मा सङ्ग्रहित, अन्तिम पहुँच १३ अक्टोबर २०१३ 
  36. Adarsh, Taran (७ नोभेम्बर २००७), "Movie Review: Om Shanti Om", Bollywood Hungama, मूलबाट २७ सेप्टेम्बर २०१३-मा सङ्ग्रहित, अन्तिम पहुँच १८ डिसेम्बर २००७ 
  37. "Top heroines of Bollywood", India Today, १० मे २०१३, मूलबाट २७ सेप्टेम्बर २०१३-मा सङ्ग्रहित, अन्तिम पहुँच १९ जुलाई २०१३ 
  38. Tuteja, Joginder (२ अगस्ट २०१३), "Exploring the Box Office journey of Deepika Padukone – Part 1", Bollywood Hungama, मूलबाट २७ सेप्टेम्बर २०१३-मा सङ्ग्रहित, अन्तिम पहुँच १० अगस्ट २०१३ 
  39. "Bachna Ae Haseeno scores at box office", Rediff.com, अन्तिम पहुँच २० अप्रिल २०१३ 
  40. Joshi, Namrata (१ सेप्टेम्बर २००८), "Movie Review: Bachna Ae Haseeno", Outlook, मूलबाट २७ सेप्टेम्बर २०१३-मा सङ्ग्रहित, अन्तिम पहुँच १९ जुलाई २०१३ 
  41. Anderson, Jason (१६ जनवरी २००९), "Chandni Chowk to China: Kung fusion hustle", Toronto Star, अन्तिम पहुँच ६ अगस्ट २०१३ 
  42. "Deepika's unbelievable stunt!", Rediff.com, २६ नोभेम्बर २००८, अन्तिम पहुँच ३ सेप्टेम्बर २०१३ 
  43. Lalwani, Vickeya (१५ मार्च २००८), "Yes, I'm dating Ranbir: Deepika", The Times of India, अन्तिम पहुँच ३ सेप्टेम्बर २०१३ 
  44. "Top Lifetime Grossers Worldwide (US $)", Box Office India, मूलबाट २६ जनवरी २०१४-मा सङ्ग्रहित, अन्तिम पहुँच ११ नोभेम्बर २०१० 
  45. Sharma, Amit; Verma Ambwani, Meenakshi (२० जनवरी २००९), "Chandni Chowk to China crosses Rs 33 cr at local box office", The Economic Times, अन्तिम पहुँच ६ अगस्ट २०१३ 
  46. "Chandni Chowk To China (2009)", Rotten Tomatoes, अन्तिम पहुँच ७ अक्टोबर २०१३ 
  47. Strout, Justin (१५ जनवरी २००९), "Ham Samurai", Orlando Weekly, अन्तिम पहुँच २९ अप्रिल २०११ 
  48. "Item Number in 'Billoo Barber'", MSN, ६ जनवरी २००९, अन्तिम पहुँच २ मे २०११ 
  49. Guha, Aniruddha (३१ जुलाई २००९), "Review: Love Aaj Kal is the perfect date movie", Daily News and Analysis, अन्तिम पहुँच १६ जुलाई २०१३ 
  50. Kazmi, Nikhat (३० जुलाई २००९), "Love Aaj Kal", The Times of India, अन्तिम पहुँच १६ जुलाई २०१३ 
  51. "Nominations for 55th Idea Filmfare Awards 2009", Bollywood Hungama, अन्तिम पहुँच २७ अप्रिल २०११ 
  52. Elley, Derek (८ मार्च २०१०), "Review: "Karthik Calling Karthik"", Variety, अन्तिम पहुँच १६ जुलाई २०१३ 
  53. "Box Office 2010", Box office India, मूलबाट २६ जनवरी २०१४-मा सङ्ग्रहित, अन्तिम पहुँच १४ मे २०१२ 
  54. Sen, Raja (३० अप्रिल २०१०), "Gags that'll make you gag", Rediff.com, अन्तिम पहुँच १४ सेप्टेम्बर २०१३ 

बाह्य लिङ्कहरू

यो पनि हेर्नुहोस्