बहादुर शाह

स्वतन्त्र विश्वकोश, नेपाली विकिपिडियाबाट
Jump to navigation Jump to search
बहादुर शाह
नायव साहेब नेपाल
जीवनसाथीविद्या लक्ष्मी देवी
सन्तानरिपू मर्दन शाह
शत्रु मन्जन शाह
वंशशाह वंश
पितापृथ्वीनारायण शाह
आमानरेन्द्र राज्य लक्ष्मी देवी
जन्मवि सं १८१४ असार ६
नुवाकोट, गोरखा राज्य
मृत्युवि सं १८५४ असार १५[१]
आर्यघाट, पशुपतिनाथ, नेपाल
धर्महिन्दु
राजप्रतिनिधि माँहिला साहिबज्यू
बहादुर शाह
मुख्य चौतारिया तथा नायब नेपाल[२]
मूलकाजी
कार्यकाल
31st August, 1778 – 20th June, 1779[३]
अग्रजओहोदा स्थापित
उतराधिकारी-
कार्यकाल
13th July, 1785 A.D. – 6th June, 1794 A.D.[३]
अग्रजreinstated as Chief Chautaria
उतराधिकारीकीर्तिमान सिंह बस्न्यात मूलकाजी (प्रधानमन्त्री)
सैनिक सेवा
Nickname(s)फत्तेबहादुर शाह
Allegiance Nepal
Rankसेनापति
Battles/warsनेपाल –तिब्बत युद्धनेपाल –तिब्बत /चीन युद्ध [४]

बहादुर शाह (जन्म: १८१४ वि.सं. - मृत्यु: १८४२ वि.सं.पृथ्वीनारायण शाहका माहिला छोरा र राजनीतिज्ञ थिए।[स्रोत नखुलेको] पिताको सपना साकार पार्न पश्चिमका राजा-रजौटाहरूको समाप्ति यिनको चाहना थियो। भाउजू राजेन्द्रलक्ष्मी र भतिजा रणबहादुर शाहको अनेकौ षड्यन्त्र र दाउपेचको शिकार बन्नुपरे तापनि राजेन्द्रलक्ष्मीको मृत्यु (१८४२ वि.सं.) पश्चात् निर्वासनबाट फर्केर नेपाल एकीकरण अभियानमा योगदान दिए।[स्रोत नखुलेको]

राजकुमार बहादुर शाहले रण बहादुरको नायवी ग्रहण गर्दै नेपालको एकिकरण अगाडि बढाए। राजकुमार बहादुर शाहले पश्चिम नेपालको शक्तिशाली पाल्पा राज्यका राजाकी बहिनी सँग वैवाहिक संबन्ध बनाइ पश्चिम पर्वत देखि गुल्मी, अर्घा, खांची, रूकुम प्युठान, सल्यान, जाजरकोट, दैलेख, दुल्लु, जुम्ला, डोटी, अछाम, बझाङ, हुदै कुमाउ गढवाल हुदै सतलज नदी पारी गोरखाली पुगेका थिए। नेपाल एकिकरणको अभियानमा बहादुर शाहको नेतृत्वकाललाई स्वर्ण काल मानिन्छ।

विजय अभियान[सम्पादन गर्ने]

पाल्पासँग गरिएको सन्धिअनुसार विजय गरिएका राज्यहरु आपसमा बाँडेर लिने कुरा उल्लेख थियो ।

बहादुर शाहले पाल्पाको सहायता लिई काजी जीव शाह, काजी दामोदर पाँडे, काजी जगजीत पाँडे, पारथ भण्डारी , सरदार अमरसिंह थापा, सुब्बा जोगनारायण मल्ल , प्रबल राना आदिको नेतृत्वमा फौज पठाए । वि सं १८४३ जेठमा अघि बढेको नेपाली फौजले जेठ ११ गते गुल्मी , भाद्र २६ गते अर्घा, २८ गते खाँची र आश्विन १४ गते पर्वत विजय गर्यो । यसपछी क्रमशः धुरकोट, गलकोट, मुसिकोट, इस्मा, दाङ, प्युठान र रोल्पा विजय गरि मङ्सिरसम्ममा भेरी नदिसम्मका क्षेत्रहरु एकीकृत गरिए । पाल्पासँग गरिएको सन्धिअनुसार आधा क्षेत्र दिनुपर्ने भए पनि केवल अर्घा, खाँची र गुल्मी तीनओटा राज्य दिई बाँकी सम्पूर्ण क्षेत्र नेपालमा मिलाइयो ।

भेरी नदिभन्दा पश्चिमको जाजरकोट राज्यसँग पृथ्वीनारायण शाहको समयमै सन्धी भएकाले त्यहाँका राजा गजेन्द्र शाहसँग सन्धी नवीकरण गरियो । जाजरकोटले नेपाललाई वार्षिक रू. ७,००० र सैनिक सहयोग गर्ने शर्तमा आफ्नो समर्थक बनाएपछि भेरी नदि सम्म पुग्यो । बहादुर शाहले पश्चिमी क्षेत्रमा एकीकरण अभियान बढाइरहेको समयमा वि सं १८४५ मा नेपाल र तिब्बत बीच युद्ध भएकाले दामोदर पाँडे लगायत्का कतिपय सैनिक अधिकारीहरू तिब्बतसँगको युद्धमा संलग्न भए।

वि सं १८४६ मा शिवनारायण खत्रीको नेतृत्वको फौजले मुक्तिनाथको बाटो हिमाली क्षेत्र हुँदै जुम्लामाथी आक्रमण गरि सरदार कालू पाँडे र भक्ती थापाको सहायताबाट जुम्ला विजय गरियो । सरदार भक्ति थापा र कालु पाँडेले दैलेख माथी आक्रमण गर्दा त्यहाँका राजा भागे भने दुल्लुका राजा उत्तम शाहले नेपालको अधिनता स्विकार गरि अमरसिंह थापाको साथ दिए । बझाङी राजाले पनि नेपालको अधीनता स्वीकार गरि वार्षिक रु ५००/- सिर्तो रकम तिर्न मञ्जुर गरे । त्यसपछि अमरसिंह थापाको नेतृत्वको फौजले कर्णाली नदि तरेर अछाम तथा डोटि राज्यमाथी विजय गरेकाले नेपालको पश्चिमी सीमा महाकाली नदिसम्म पुग्यो । डोटी राज्यलाई नेपालमा मिलाउन ज्यादै कठिन भएको समयमा त्यसलाई पराजित गर्नका लागि बझाङी राजा समुद्रसिंह तथा प्रतिमान शाहीको ठूलो भूमिका रहेको छ । [५]

पद त्याग[सम्पादन गर्ने]

राजा रणबहादुर शाह अठार वर्ष पुगेका हुनाले दरबारका चाटुकार एकीकरण विरोधी भारदारहरूले बहादुर शाहका विरुद्ध राजालाई उचाल्न थाले । रणबहादुर शाह बहादुर शाहका विरुद्ध कारबाही गर्न आफैँले शासन चलाउनु पर्ने कुरा भारदारको मतानुसार सोच्न थाले । रणबहादुर शाह आफ्नो पुनः राज्याभिषेक गराउन चाहन्थे । गुल्मी राज्यलाई स्वतन्त्रता दिई साला सिद्धिप्रताप शाहलाई राजा बनाउने,विदुर शाही र शेरबहादुर शाही लाई चौतारिया पद दिने,कान्तिवतिलाई सकार्ने जस्ता कुरामा विवाद हुँदा बहादुर शाह र रणबहादुर शाहको मनमुटाव भयो । परिणामस्वरूप बहादुर शाहले आफ्नो नायब पद त्याग गरि धर्मकार्यपट्टी लाग्न थाले । त्यसपछि रणबहादुर शाह नेपालको सर्वेसर्वा भए।

मृत्यु[सम्पादन गर्ने]

बहादुर शाह जस्ता वीर र सुझबुझ पूर्ण नेतृत्व क्षमता भएकालाई रणबहादुर शाहको लहडबाजीमा जेलमा हाली मृत्यु गराइयो। बहादुर शाहलाई बिष्णुमतिको छेउमा बन्दी बनाइएको थियो । उनले बहादुर शाहको टाउकोमा उमालेको तेल खनाउन लगाए । बहादुर शाहकी पत्नीलाई दुर्ववहार गर्न लगाए। उनलाई भए नभएका कुरा सुनाएर दिक्क पारिएको थियो । उनलाई राजेन्द्र लक्ष्मीलाई खानामा विष मिसाएर हत्या गरेको जस्ता आरोप लागिएको थियो । उनले बन्दी अवस्थामा खान, सुत्न, मनमा लागेको कुरा भन्न र आफन्तलाई भेट्न पनि पाएनन् ।

वि सं १८५४ आषाढ १५ गते बहादुर शाहको मृत्यु भएको घोषणा गरियो । चीनमा उनको मृत्युबारे खबर गर्दा छेरौटीले मरेको , भारतीय कम्पनीलाई लेख्ता सिकिस्त बिरामी परेको जस्ता प्रतिवेदन गरेका थिए ।

बहादुर शाहको मृत्यु सार्वजनिक गरिएन । उनको दाहसंस्कार राजकीय ढाँचाबाट समेत गरिएन । बहादुर शाहका पक्षधरलाई नेपाल असुरक्षित भूमी हुन लाग्यो ।[५]


सन्दर्भ सामग्रीहरू[सम्पादन गर्ने]

  1. इतिहास अभागी राजकुमार बहादुर शाह
  2. "Regmi Research Series"; Author:Mahesh Chandra Regmi
  3. ३.० ३.१ उद्दरण त्रुटी: Invalid <ref> tag; no text was provided for refs named royalark
  4. "Nepal Army", मूलबाट २०१६-१२-२०-मा सङ्ग्रहित, अन्तिम पहुँच २०१७-०३-२८ 
  5. ५.० ५.१ राजाराम सुवेदी, ´हिस्ट्री अफ बझाङ´ (काठमाडौँ : २०४४)

बाहिरी लिङ्कहरू[सम्पादन गर्ने]