अस्ताना

अस्ताना
राजधानी
झण्डा प्रतीक चिह्न
देश	Kazakhstan
स्थापना	सन् १८३० मा अक्मोलीको रूपमा
नाम परिवर्तन	सन् १८३२ मा अक्मोलिन्सक राखिएको
नाम परिवर्तन	सन् १९६१ मा स्लिनोग्राड राखिएको
नाम परिवर्तन	सन् १९९२ मा अक्मोला राखिएको
नाम परिवर्तन	सन् १९९८ मा अस्ताना राखिएको
सरकार
• प्रकार	मेयर परिषद
• अङ्ग	शहर परिषद
• मेयर	असेत इसेकेसेभ
क्षेत्रफल
• जम्मा	७१०.२ किमी२ (२७४.२ वर्ग माइल)
उन्नतांश	३४७ मिटर (११३८ फिट)
जनसङ्ख्या  (१ जुन २०१७)
• जम्मा	१,००६,५७४
• घनत्व	१,०८१.५/किमी२ (२८०१/वर्ग माइल)
समय क्षेत्र	युटिसी+6 (ALMT)
पोस्टल कोड	010000–010015
क्षेत्रीय सङ्केत	+7 7172
ISO 3166-2	AST
License plate	01, Z
वेबसाइट	www.gov.kz/memleket/entities/astana?lang=kk

अस्ताना (अङ्ग्रेजी: Nur-Sultan /ˌnʊərsʊlˈtɑːn/;) कजाख्स्तानको राजधानी हो । यो शहर इसिम नदिको किनारमा र कजाख्स्तानको उत्तरि भेगमा अवस्थित रहेको छ । यस शहरको सन् २०१७ को जनगणनाको आधारमा जनसङ्ख्या १००६५७४ रहेको छ र यो शहर कजाख्स्तानको अलमाती पछिको ठूलो शहर पनि हो ।

यो शहरको स्थापना सन् १८३० मा अक्मोलीको बसोबासको रूपमा भएको थियो । सन् १८३२ मा उक्त बसोबासलाई शहरको रूपमा मान्न थालियो र यसको नाम अक्मोलिन्सक राखिएको थियो । सन् १९६१ मार्च २० मा विकासक्रम लाई संस्कृतीको रूपमा चिन्हित गर्न यस शहरको स्लिनोग्राड राखिएको थियो । भने फेरी सन् १९९२ मा यसको नाम परिवर्तन गरी अक्मोला जुन यसको पहिलो नामको परिवर्तित स्वरूप थियो र यसको अर्थ सेतो चिहान रहेको छ । सन् १९९७ डिसेम्बर १० मा अलमातीलाई परिवर्तन गरी यस शहरलाई देशको राजधानी बनाइएको थियो । सन् १९९८ मे ६ मा यसको नाम परिवर्तन गरी अस्ताना राखिएको थियो, जसको अर्थ कजाख भाषामा देशको राजधानी हुन्छ । सन् २०१९ मार्च २३ मा यसको नाम परिवर्तन गरी अस्ताना राखिएको थियो ।

आधुनिक अस्ताना योजना अनुसार विस्तार गरिएको शहर हो । अस्ताना कजाख्स्तानको राजधानी भए पश्चात यस शहरको स्वरूपमा परिवर्तन भएको छ । यस शहरको गुरूयोजना जापानका आर्किटेक्ट किसो कुरोकावाले तयार गरेका थिए । यस शहरमा धेरै भविष्यमुखि भवनहरू, होटेल तथा अग्ला भवनाहरू रहेका छन् । यस शहरको स्वास्थ्य, खेलकुद तथा शिक्षा प्रणाली सुदृढ रहेको छ ।

अर्थतन्त्र

अस्तानाको अर्थतन्त्र व्यापार औद्योगिक उत्पादन, यातायता, सञ्चार तथा निर्माणमा आधारित रहेको छ । यस शहरको औद्योगित उत्पादन मुख्यतया निर्माण सामग्री, खानेकुरा तथा मेकानिकल इन्जिनियरिङ्गमा केन्द्रित रहेको छ । यो शहरमा सरकारको स्वामित्व रहेको संस्थानको केन्द्रीय कार्यालय रहेको छ ।

यस शहरमा राजधानी सार्नुले यसको अर्थतन्त्रमा फड्को मार्न सहयोग गरेको छ । यस शहरको उच्च विकास दरले गर्दा लगानीकर्ताहरूलाई लगानीको लागि प्रमुख केन्द्र बनेको छ । यो शहर राजधानी बनेको १६ वर्ष भित्रमा नै लगानीको रकम ३० गुणाले बढेको छ भने क्षेत्रिय उत्पादन ९० गुणाले बढेको छ र औद्योगित उत्पादन ११ गुणाले बढेको छ । यस शहरको कुल क्षेत्रिय उत्पादन देशको कुल ग्राह्स्त उत्पादनको करिब ८.५ प्रतिशत रहेको छ ।