मादल

मादल बजाउँदै नेपाली महिला

मादल नेपालको एक प्रसिद्व ताल बाजा हो। यो नेपाली समाजको मुख्य बाजा हो । नेपाली समाजको सबै सांस्कृतिक कार्यहरूमा यसको प्रयोग हुन्छ । यो बाजा मगर (नाग) जातिको बाजा मानिन्छ । सबैभन्दा पहिले मादल बजाउने मगर समुदाय हो। यसलाई दुई हातले हिर्काएर बजाउनुपर्छ । मादल कम्मरमा भिरेर बजाइन्छ ।

मादल नेपालको राष्ट्रिय बाजा हो र धेरैजसो नेपाली लोक संगीतको मेरुदण्ड हो। प्रसिद्ध नेपाली संगीतकार रञ्जित गजमेरले राहुल देव बर्मनको नेतृत्वमा काम गर्न थालेपछि यो बाजालाई बलिउड संगीतमा परिचय गराएका थिए र हम दोनो दो प्रेमी र कान्छी रे कान्छी रे जस्ता धेरै बलिउड गीतहरूमा यसलाई प्रयोग गरिसकेका छन्। केही आदिवासी समूहहरूले प्रयोग गर्ने मादल पनि छ।

निर्माण

मादल

छतिउन, दार तथा खमारीको काठबाट मादल बनाइन्छ । काठमा ढुङ्ग्रो पारेर दुवैपट्टी छालाले मोरेर खरी (मसला) लगाइएको हुन्छ । खरी बनाउँदा काँस र किटको धूलो मिसाइन्छ । यसको एकापट्टी केही सानो, अर्कापट्टी अलिक ठूलो पारेर बनाइएको हुन्छ । ठूलो भागलाई भाले र सानो भागलाई पोथी भनिन्छ ।

प्रकार

मादल दुई खाले हुन्छन् । पूर्वेली मादल र पश्चिमेली मादल । पूर्वेली मादल आकारमा अलिक ठूलो र पश्चिमेली मादल अलिक सानो हुन्छ ।

बाह्य कडीहरू

• केही सांस्कृतिक चिन्हारी
• Photos of tribal madal
• Madal Folk Instrument of Nepal
• Blending of west and east inevitable to boost
• Sound example - Basic Beats of a Maadal

मादल हातले ठाेकेर दर,खमारी वा छतिउनकाे काठ,छाला,खरी मगर जातिमा पचलित।