मन्द्रा

मन्द्रा एक परम्परागत नेपाली बाजा हो। मन्द्र भन्नाले मादल वा मृदङ्ग हो। यसै मन्द्रबाट मन्द्रा बनेको हो। मन्द्रा थारूमा प्रचलित बाजा हो। यो बाजा मादलजस्तै हुने भएकोले यसलाई हातले हिर्काएर बजाइन्छ। मन्द्राको एकापट्टी बीच भागमा खरी दलिएको हुन्छ। यस बाजामा गीतको भाकाअनुसार तान कस्ने र खुकुलो पार्न सकिन्छ। मन्द्रा दाङ, देउखुरीदेखि सुर्खेतसम्म प्रयोग भएको पाइन्छ। थारू जातिको बड्कीमार नृत्यका साथ अन्य साङ्गीतिक पर्वहरूमा मन्द्रा बजाइन्छ।