धरान उपमहानगरपालिका

स्वतन्त्र विश्वकोश, नेपाली विकिपिडियाबाट
(धरान नगरपालिका बाट पठाईएको)
Jump to navigation Jump to search
धरान
—  उपमहानगरपालिका  —
उपनाम(हरू): धरान बजार
धरान is located in Nepal
धरान
धरान
नेपालको नक्सामा धरान
निर्देशाङ्क: २६°४९′०″ उत्तर ८७°१६′०″ पूर्व / २६.८१६६७° उत्तर ८७.२६६६७° पूर्व / 26.81667; 87.26667निर्देशाङ्क: २६°४९′०″ उत्तर ८७°१६′०″ पूर्व / २६.८१६६७° उत्तर ८७.२६६६७° पूर्व / 26.81667; 87.26667
देश  नेपाल
अञ्चल कोशी अञ्चल
जिल्ला सुनसरी जिल्ला
सरकार
 - अङ्ग धरान उपमहानगरपालिका
 - मेयर श्री तारा सुब्बा
 - उप मेयर श्रीमती मञ्जु भण्डारी (सुवेदी)
क्षेत्रफल
 - जम्मा ३९.९ वर्ग माइल (१०३.३८ किमी)
 - पानी १.७ वर्ग माइल (४.४ किमी)
जनसङ्ख्या (२०६८)
 - जम्मा १४०,३८१
 - जातिहरू (मुख्य) लिम्बु, सुनुवार ,याक्खा,राई
 - जातिहरू (अन्य) मगर, गुरुङ, तामाङ, ब्राम्हण, क्षेत्री
समय क्षेत्र GMT +5:45
हुलाक कोड ५६७०० (सुनसरी), ५६७०२ (मंगलबारे)
टेलिफोन कोड ०२५
वेबसाइट www.dharan.gov.np

धरान नेपालको कोशी अञ्चल , सुनसरी जिल्लाको एक उपमहानगरपालिका हो।[१] [२] यहाँ लिम्बु ,राई, सुनुवार,याक्खा जनजातिहरुको बाहुल्यता छ तथापि विविध जाति तथा जनजातिहरूको बसोबास स्थल र कला, साहित्य, संस्कृति तथा खेलकुदको क्षेत्रमा ख्याति प्राप्त धरान हाल आएर शिक्षा, स्वास्थ्य, पर्यटकीय तथा व्यापारिक पूर्वाधारयुक्त सुन्दर सहरको रूपमा विकास हुँदै पूर्वाञ्चलको मात्र नभइ नेपालकै नमुना सहर बन्न प्रयासरत छ। धरान महाभारत पर्वत श्रृङ्खलाको छेउमा अवस्थित छ एवम् उत्तरको पहाड र दक्षिणको तराई आएर मिलेको ठाँउ हो। यसको ऊँचाई ११४८ फिट (३४९ मी.) छ। यो सहर तराई र पहाडी क्षेत्र बीच एउटा ब्यापारिक केन्द्रको रूपमा छ।

यो सहरमा पहिले पुर्वीय नेपालको लागि गोर्खा सैनिक भर्ती केन्द्रको रूपमा परिचित थियोे, जसको स्थापना सन् १९५३ मा भएको हो । धरानमा गोर्खा सैनिक भर्ती केन्द्र बन्द भई सकेको छ र त्यस भर्ती केन्द्रले उपयोग गरेको जग्गाजमिन एवम् स्थानको प्रयोग वी.पी. कोइराला स्वास्थ्य विज्ञान प्रतिष्ठानले थप केही नयाँ भवनहरु निर्माण एवम् पुरानाहरुको मर्मतसम्भार गरि सन् १९९३ देखि भोगचलन गर्दै आइरहेको छ।

नेपाल सरकारको मन्त्री परिषदले २०७१ वैशाख २५ गते धरान नगर पालिकामा पाँचकन्या गा.वि.स. (पानमारा)लाई गाभीएको एवं २०७१, मंगसीर १६ गते ६१ वटा नगरपालिका थप गर्ने र ७ वटा नगरपालिकालाई उपमहानगरपालिका बनाउने निर्णय गरेकोमा धरानलाई पनि नगरपालिकाबाट उपमहानगरपालिकामा विस्तार गरिएको हो । धरानलाई उपमहानगरपालिका घोषित गर्दा यसमा बिष्णुपादुका गाविसलाई समावेश गरिएको छ ।

धरान बजार

नामकरण[सम्पादन गर्ने]

हालको आधुनिक धरान सहर रहेको स्थानमा पहिले घना जङ्गल रहेको र सो जङ्गल फँडानीका क्रममा काठ चिर्ने आरावालाहरूले तयार गर्ने गरेको धरान (धराप) बाट नै आजको धरान सहरको नामकरण भएको भन्ने भनाई छ।

इतिहास[सम्पादन गर्ने]

पृथ्वीनारायण शाहले एकिकरण गर्ने क्रममा नेपाल अधिराज्यमा गाभिनु भन्दा अगाडि धरान विजयपुर लिम्बुवान राज्यमा पर्दथियो। बुद्धि कर्णराय खेबाङ विजयपुर का अन्तिम लिम्बु राजा हुन । वि.स. १९५० तिर घना जङ्गल फँडानी गरेर सानो बस्तीबाट सुरूवात भएको धरान, वि.स. १९५९ मा तत्कालीन राणा प्रधानमन्त्री चन्द्र शमशेरले चन्द्रनगर (हाल पुरानो बजार) र वि.सं १९९० को भुइँचालामा धरान ध्वस्त भएकाले जुद्ध शमशेरले जुद्ध नगर (हालको नयाँ बजार) बसालेको इतिहासमा पाइन्छ।

वि.स. २०१० सालमा पूर्वाञ्चलको लागि ब्रिटिस गोर्खा भर्ती केन्द्र धरानमा स्थापना भए पछि मुख्य रूपमा धरानमा बसोबास तथा चहलपहल बढेको पाइन्छ। नेपाल गजेट (मार्ग ६ गते २०१६) मा धरान नगरपालिका घोषित भएको भनिएको छ। वि.सं. २०१७ मङ्सिर १ गते घोषणा भएको धरान नगरपालिकाको पहिलो नेतृत्व दिने व्यक्तित्वमा स्वर्गीय केदारनाथ खनाल (प्रमुख) र कृष्णप्रसाद श्रेष्ठ (उपप्रमुख) हुनुहुन्थ्यो। वि.स. २०१८ सालमा नेपाललाई १४ अञ्चल ७५ जिल्लामा विभाजन गर्दा कोशी अञ्चलको सदरमुकाम समेत घोषित भएको थियो।

सुरूमा ११ वडाहरू मात्र रहेको धरानलाई वि.स. २०३५ सालमा पूर्वतर्फ रहेको बाँझगरा गाउँ पञ्चायत र पश्चिम तर्फ रहेको घोपा गाउँ पञ्चायतलाई गाभेर क्षेत्र विस्तार गरी १९ वडामा विभाजन गरियो र हालमा २७ वडासम्म कायम रहेको छ ।

जनसङ्ख्या[सम्पादन गर्ने]

नेपालको सन् २०११को जनगणना अनुसार धरानको जनसङ्ख्या ११९,९१५ छ।[३] यस मध्ये पुरुष ४८%, र महिला ५२% छन्। नेपालको जनसङ्ख्याका हिसावले छैठौ ठूलो सहर हो। धरानमा २०,४२८ वटा घरधुरी छन्।

ऐतिहासिक एवम् धार्मिक महत्वका स्थलहरू[सम्पादन गर्ने]

धरानमा रहेको बुढासुब्बा मन्दिर

ऐतिहासिक महत्व बोकेको धरान सहरको सुरूवात विक्रम संवत् १९५० तिर विजयपुर डाँडामुनिको घनाजङ्गल फाड्ने क्रमबाट सुरू भएको हो। पूर्वाञ्चल क्षेत्रको शैक्षिक केन्द्र एवम् व्यापारिक मार्ग तथा पर्यटकीय नगरी धरान चारकोसे जङ्गलदेखि उत्तर महाभारत डाँडादेखि दक्षिण र स्थानीय सर्दुखोलादेखि पूर्व तथा सेउती खोलादेखि पश्चिमतर्फको भू-भाग समुद्र सतहदेखि ३६५ मिटर माथिको उचाइमा छ। दुई हजार ११२ हेक्टर क्षेत्रफलमा फैलिएको धरानमा दन्तकाली, बूढासुब्बा, पञ्चकन्या, पिण्डेश्वर, विश्वकर्मा मन्दिर लगायत ३६ मठमन्दिर तथा देवस्थल छन्।

प्रमुख शैक्षिक प्रतिष्ठानहरू[सम्पादन गर्ने]

महेन्द्र बहुमुखी क्याम्पस, पिण्डेश्वर संस्कृत विद्यापीठ, केन्द्रीय खाध्य प्रविधि क्याम्पस, पूर्वाञ्चल इन्जीनियरीङ क्याम्पस, बि. पि. कोइराला स्वास्थ्य बिज्ञान प्रतिष्ठान लगायत अन्य थुप्रै सरकारी तथा निजी शैक्षिक संस्था यो सहरमा छन् ।

प्रमुख आकर्षण केन्द्र[सम्पादन गर्ने]

धरानभित्र तथा बाहिरबाट धरान भित्रिने पर्यटकहरू धरानको देखि केही माथि रहेको धनकुटा जिल्लामा अवस्थित भेडेटार चढने गर्दछन, जहाबाट धरान नगर तथा सुनसरीमोरङ जिल्लाका अधिकांश स्थान देख्न सकिन्छ । धरान सहर भित्रै रहेको आकर्षक घन्टाघर तथा भुकम्प स्मारक धरानका गहना भएर रहेका छन। धरान कोशी टप्पु वन्यजन्तु आरक्षको पूर्वपट्टीको द्धार समेत रहेकाले पर्यटक आवागमन पनि भइनै रहेको हुन्छ। पूर्वाञ्चलको प्रमुख वाणिज्य केन्द्र धरान पूर्वाञ्चलको सबै भन्दा महत्वपूर्ण शिक्षा तथा स्वास्थ्यको पनि केन्द्र हो। धरान जनसङ्ख्याको हिसाबले नेपालका काठमाडौं, पोखरा, ललितपुर, बिराटनगर र वीरगंज पछि छैठौ ठूलो सहर हो। धरानमा आधुनीक सहरमा हुनुपर्ने संचार सुविधा, इमेल, इन्टरनेट, मोवाइल, एस टि डी, आइ एस डि लगायतका टेलीफोन सेवा तथा सबै प्रकारका यातायात सेवा उपलब्ध छन। धरानको टेलीफोन कोड ०२५ हो। यहाँ भारत सरकारको सहयोगमा २०२९ सालमा २०२ रोपनी औध्योगिक क्षेत्रमा स्थापना भएका २५ उद्योगमध्ये हालसम्म पनि आधीभन्दा बढी उद्योग सञ्चालनमा छन्।

धरानका विशेषताहरु[सम्पादन गर्ने]

१) तीनतिर डाँडोले घेरेको, दक्षिण तिर चारकोशे झाडी रहेको र दुवै तर्फ खोलाले घेरेको ।

२) पहाड र तराईको संगम स्थल (भाबर प्रदेश) तथा समशीतोष्ण प्रकारको हावापानी पाईने ।

३) थोरै दूरीमा पनि उचाइको धेरै फरक रहेको । (४ कि.मि.को दूरीमा ३०५ मी‌ देखि ७०० मी सम्म)।

४) नेपालको दोश्रो धेरै पानी पर्ने स्थान (२६२६ मि.मि./बर्ष) ।

५) धरान नयाँ शैलीका फेसन, घर, सडक र सरसफाइ आदीले पनि प्रसिद्ध छ।

६) यो नेपालको सुन्दर ठाऊँ हो ।

सन्दर्भ सूची[सम्पादन गर्ने]

  1. "६१ वटा नगरपालिका र ७ वटा उपमहानगरपालिका थप (सूचीसहित)", अभिगमन मिति मंसिर १६,२०७१ 
  2. "६१ नगरपालिका र ७ उपमहानगरपालिका घोषणा (नाम र गाभिएका गाविससहित"  লেখা " accessdate मंसिर १६,२०७१" উপেক্ষা করা হয়েছে (सहायता)
  3. "नेपाल जनगणना २०११", अभिगमन मिति मे १९, २००७ 

बाहिरी कडीहरू[सम्पादन गर्ने]