रामलाल जोशी

रामलाल जोशी
पेशा	लेखक
राष्ट्रियता	नेपाली
नागरिकता	नेपाली
विधा	कथा, उपन्यास
उल्लेखनीय कार्यहरू	ऐना
उल्लेखनीय पुरस्कारहरू	मदन पुरस्कार २०७२

रामलाल जोशी नेपाली भाषाका साहित्यकार हुन्। उनले वि.सं. २०७२ सालमा ऐना कथा संग्रहका लागि मदन पुरस्कार पाएका हुन् ।

साहित्य यात्रा

कृतिहरू

• ऐना (कथा सङ्ग्रह, २०७२)

सुदूर–पश्चिमको दूर–दराजमा रहेका पीडा समाजका सुख–दुःख र किनारीकृत वर्गका व्यथालाई कथामा कलात्मक र निजात्मक शैलीले लेखेका रामलाल जोशीले यही कृतिबाट २०७२ सालको मदन पुरस्कार प्राप्त गरेका छन् । सुदूर–पश्चिमले केन्द्र हल्लाएको यो पुस्तक नेपाली साहित्य बजारमा कम समयमा बिक्रीको रेकर्ड बनाएको कृति हो ।

• सखी (उपन्यास, २०७५)

हो, मेरो अभागमा त घाम पनि अस्ताउनमात्रै आउँछ र डामेर जान्छ । मेरो भागमा त पानी पनि गहुँतजस्तो छ, हावा पनि विषाक्त छ । जुठा भाँडा, गोठको भकारो, धुलो र मैलोमात्रै छ । झुम्रो बेरेर बाँचेको कायामा सयौं घात–प्रतिघात र चोटहरूमात्रै छन् तर पनि म हार खान्नँ । यिनै आँसुको घडा, पीडाको पिरामिड र दुःखको दहलाई अवसरमा परिणत गरी आफ्नो जीवनलाई अनुपम बनाउन खोज्ने म एउटी सीमान्तकृत कमलरी केटीको सङ्घर्ष, समर्पण र सफलताको गाथा हो, सखी !

• बाआमा (कथा सङ्ग्रह, २०७९)

यस संग्रहमा १२ वटा कथा छन् । ‘बाआमा’ले समाजको भौतिक परिस्थितिमा आएको परिवर्तनसँगै सन्तान र बाआमा बीचको सम्बन्धमा आएको नवीनतालाई आख्यानिक अभिव्यक्ति दिएको छ । कथाकारले बाआमा र छोराछोरीको सम्बन्धका बहुआयाम केलाएका छन्। कथाहरूमा राजनीतिक द्वन्द्व, विधवा जीवन, बुढेसकालको विरक्ति, बाआमाको ममताको अभावमा लागेको कुलत, दाम्पत्य, विदेशगमन, सम्बन्ध विच्छेद, गाउँले जीवनप्रतिको मोहजस्ता पारिवारिक र सामाजिक विषय छन्। तर, जुनसुकै विषयको भावभूमिमा लेखिएको भए पनि कथाको मूलतत्व भने आमाबुवाको सन्तान प्रतिको प्रेम नै छ। लेखकले आफू सुदूरपश्चिममा बस्ने भएका हुनाले 'बाआमा' मा त्यहाँको समाजको मनोविज्ञान, भूगोल आएको बताएका छन्।