लियोनेल मेस्सी

स्वतन्त्र विश्वकोश, नेपाली विकिपिडियाबाट
Jump to navigation Jump to search

लियोनेल मेस्सी
Lionel Messi 20180626.jpg
२०१८ फिफा विश्वकपमा
व्यक्तिगत विवरण
पुरा नाम लियोनेल आन्द्रेस मेस्सी
जन्म मिति (१९८७-०६-२४) जुन २४, १९८७ (उमेर ३२)
उचाई ५ फिट ७ इन्च [१]
खेल्ने स्थान अग्रपङ्ति/विङ्गर
क्लबको विवरण
हालको क्लब बार्सिलोना
नम्बर १०
युवा क्लब
१९९५–२००० न्युवेल्स ओल्ड ब्वाइज
२०००–२००४ बार्सिलोना
सिनियर क्लब*
बर्ष क्लबहरू खेल (गोल)
२००४–२००५ बार्सिलोना २२ (६)
२००४– बार्सिलोना ४५२ (५१९)
राष्ट्रिय टिम
२००५ अर्जेन्टिना यु-२० १८ (१४)
२००८ अर्जेन्टिना यु-२३ (२)
२००५– अर्जेन्टिना १२९ (६५)
  • बरिष्ठ फुटबल क्लबमा उपस्थिति तथा खेल्दा गरेको गोल (गोललाई घरेलु लिगमा गरेको गनिनेछ) नवीनतम जानकारी २२:४८, २२ अक्टोबर २०१७ (युटिसी(UTC)).


† राष्ट्रिय टिममा उपस्थिति तथा खेल्दा गरेको गोल नवीनतम जानकारी २२:४८, २२ मे २०१९ (युटिसी(UTC))

लियोनेल आन्द्रेस मेस्सी (जन्मः २४ जुन, १९८७) अर्जेन्टिनाको फुटबल खेलाडी हुन्, जो हाल ला लिगा टिम बार्सिलोनाअर्जेन्टिनाको लागि खेल्छन् । मेस्सी आफ्नो पुस्ताका सर्वश्रेष्ठ फुटबल खेलाडीहरू मध्ये एक मानिन्छन्,[२][३][४] मेस्सीले २१ वर्षको उमेरमा नै बेलोन डी' ओरफिफा सर्वश्रेष्ठ वर्षको खेलाडीको उपाधि प्राप्त गरे ।[५][६][७] उनको खेल शैली र क्षमताको कारणले गर्दा उनलाई फुटबलको बादशाह भनेर चिनिने म्याराडोनासँग तुलना हुन लाग्यो, जसले आफैँ मेस्सीलाई आफ्नो "उत्तराधिकारी" घोषित गरेका थिए।[८][९]

मेस्सीले कम उमेरमानै फुटबल खेल्न शुरू गरे र चाँडै नै बार्सिलोनाले उनको क्षमता पहिचान गर्‍यो। उनले सन २००० मा रोसारियोमा अवस्थित न्युवेल्स ओल्ड ब्वाइज युवा टिम छोडेर आफ्नो परिवारसित युरोप आए, किनकि बार्सिलोनाले उनको विकास हार्मोनको कमीको लागि उपचार गरिदिने प्रस्ताव राखेको थियो । सन् २००४-०५ सिजनमा पहिलो पटक मैदानमा ओर्लेर उनले सबैभन्दा कम उमेरमा लिग खेल खेल्ने फुटबल खेलाडीको ला लिगा रेकर्ड तोडे र साथै सबैभन्दा कम उमेरमा लिग गोल स्कोर गर्ने खेलाडी बने। मेस्सीको प्रथम आगमनमै उनले बार्सिलोनालाई ला लिगा जिताउन सफल भए र सन् २००६ मा पुन: सो लिग र युइएफए यूरोपियन च्याम्पियनशीप जिताएर चाँडै नै प्रमुख सम्मान प्राप्त गरे। सन् २००६-०७ उनको सफलताको सिजन थियो: एल क्लासिकोमा एक ह्याट्रिक र २६ लिग म्याचहरूमा १४ गोल गर्दै, उनले नियमित रूपले खेल जित्ने पहिलो समुहमा ठाउँ बनाए। सम्भवतः सन् २००८-०९ को सिजन उनको सबैभन्दा सफल सिजन थियो, जसमा मेस्सी ३८ गोल गर्दै लगातार तेस्रो विजय अभियानको अभिन्न अङ्ग बने।

मेस्सी, २००५ फिफा विश्व युवा च्याम्पियनसिपमा अन्तिम खेलमा २ गोल सहित जम्मा ६ गोल गरी शीर्ष स्कोर गर्ने खेलाडी बने। त्यसको लगत्तै, उनी अर्जेन्टिनाको अन्तर्राष्ट्रिय टिमको एक सदस्यको रूपमा स्थापित भए। सन् २००६ मा, उनी अर्जेन्टिनाबाट फिफा विश्वकपमा खेल्ने सबैभन्दा कम उमेरको खेलाडी बने र अर्को वर्ष उनले कोपा अमेरिका प्रतियोगितामा उप-विजेताको पदक जित्न सफल भए। सन् २००८ मा, उनले अर्जेन्टिना ओलम्पिक फुटबल टिमसँग बेइजिङमा भएको ओलम्पिक खेलमा आफ्नो पहिलो अन्तर्राष्ट्रिय सम्मान, ओलम्पिक स्वर्ण पदक जितेका थिए।

प्रारम्भिक जीवन

मेस्सीको जन्म सन् २४ जुन, १९८७ मा रोसारियो, अर्जेन्टिनामा जर्ज मेस्सी (एक कारखाना मजदुर) र सीलिया (उर्फ कुक्कीटिनी) (एक अंशकालिक क्लीनर) दम्पतीको घरमा भएको थियो ।[१०][११] उनको पुर्खाको उद्गम इटालीको सहर एङ्कोनाबाट भयो, जहाँबाट सन् १८८३ मा उनको पूर्वज, एञ्जलो मेस्सी अर्जेन्टिनामा प्रवेश गरेका थिए।[१२][१३] उनको रडरिगो तथा मेशियस नाम गरेका दुई दाजुहरूका साथै मारिया सोल नाम गरेकी एक बहिनी पनि छन्।[१४] मेस्सी पाँच बर्षको उमेरदेखि आफ्ना बुवा जर्ज मेस्सीले प्रशिक्षण गरिरहेको एक स्थानीय क्लब ग्रैन्डोलीको लागि फुटबल खेल्न आरम्भ गरे।[१५] सन् १९९५ मा मेस्सी आफ्नो गृहनगर रोसारियोमा अवस्थित न्युवेल ओल्ड ब्वाइज क्लबको लागि खेल्न शुरू गरे।[१५] ११ वर्षको उमेरमा उनको प्रारम्भिक परीक्षणमा शारीरिक विकास हार्मोनको कमी पाइयो।[१६] प्राथमिक डिभिजन क्लब रिभर प्लेटले मेस्सीको उपचार प्रति चासो देखायो तर क्लबसँग उनको उपचारको लागि पर्याप्त सम्पति थिएन किनभने उनको उपचारमा प्रति महिना ९०० अमेरिकी डलर लाग्थ्यो।[११]लेइडा, क्याटालोनियामा रहेका मेस्सीका एकजना आफन्तले बार्सिलोनाका खेल प्रबन्धक कार्ल्स रिक्सैकलाई मेस्सीको प्रतिभाको बारेमा बताए र मेस्सी र उनको बुवाको लागि परीक्षण दिने व्यवस्था मिलाए ।[११] उनको खेल परीक्षण गरे पछि बार्सिलोनाले उनलाई यदि उनी स्पेन स्थान्तरित हुन तयार छन् भने उनको उपचार खर्च ब्यहोर्ने शर्तमा अनुबन्धन गर्‍यो।[१५][१७] त्यसपछि मेस्सी सपरिवार युरोप स्थान्तरित भए र बार्सिलोनाक्लबको युवा टिममा खेल्न शुरू गरे।[१७]

क्लब जीवन

बार्सिलोना

मेस्सीले सन् १६ नोभेम्बर, २००३ मा (१६ वर्ष र १४५ दिनको उमेरमा) पोर्टो बिरुद्ध एक मैत्रीपूर्ण खेलबाट आफ्नो पहिलो क्लबको लागि आफ्नो खेल जीवनको औपचारिक शुरूवात गरे।[१८][१९] त्यसको एक वर्षभन्दा पनि कम समयमा नै सन् २०१६ अक्टोबर, २००४ मा (१७ वर्ष र ११४ दिनको उमेरमा) फ्रान्क रिजकार्डले उनलाई इस्पेन्योल बिरुद्धको खेलबाट आफ्नो पहिलो लिग खेल शुरूवात गर्ने मौका दिए र उनी त्यस समयसम्ममा बार्सिलोनाको लागि खेल्न तेस्रो सबैभन्दा कम उमेरको खेलाडी र ला लिगामा गोल गर्ने सबैभन्दा युवा क्लब खेलाडी बने (जुन रेकर्ड सन् सेप्टेम्वर, २००७ उनकै सहकर्मी बोजन क्रिचले तोडे)।[१८] जब उनले सन् १ मे, २००५ मा अल्बासेट बोलाम्पिको बिरुद्ध क्लबको लागि आफ्नो पहिलो सिनियर गोल गरे तब मेस्सी १७ वर्ष, १० महिना र ७ दिनको उमेरका थिए र उनी बार्सिलोनाको लागि ला लिगा खेलमा गोल गर्ने सबैभन्दा कम उमेरको खेलाडी बने,[२०] जुन रेकर्ड २००७ मा मेस्सीकै सहयोगमा बोजन क्रिचले तोडे ।)[२१] मेस्सीले आफ्नो पूर्व प्रशिक्षक फ्रान्क रिजकार्डको बारेमा भनेका छन्: उनले मेरो खेल जीवनको शुरुवात गराएको तथ्य म कहिल्यै भुल्न सक्दिन, उनले म १६/१७ बर्षको मात्र हुँदा नै ममा विश्वास जगाए। [२२]

२००५-०६ सिजन

१६ सेप्टेम्बरमा तीन महिनामा नै दोस्रोपटक बार्सिलोनाले मेस्सीको अनुबन्धनको म्याद थप गरेको घोषणा गर्‍यो, यसपल्ट उनलाई पहिलो समूहको सदस्यको रूपमा भुक्तानी दिने र जुन २०१४ सम्म अनुबन्धन म्याद थप्ने कार्य भयो।[१५] मेस्सीले २६ सेप्टेम्बर[२३] मा स्पेनी नागरिकता प्राप्त गरेर ग्रहण गरे र अन्ततः सिजनको स्पेनी फर्स्ट डिभिजनमा पहिलोपल्ट खेल्नमा सक्षम भए। मेस्सीले २७ सेप्टेम्बरमा पहिलोपटक गृहमैदान बाहिर युएएफए च्याम्पियनस लिगमा इटालियन क्लब उडिनीज बिरुद्ध खेले ।[१८] मेस्सीको आत्मसंयम र रोनाल्डिन्होसँग संयोजनले बार्सिलोना राम्रो स्थितिमा पुगेकोले बार्सिलोना क्याम्प नउ स्टेडियममा प्रशंसकहरूले उभिएर ताली बजाएर सम्मान गरेका थिए।[२४]

मेस्सीले सत्र लिग खेलहरूमा ६ (छ) गोल गरे, सो छ मध्यमा एक च्याम्पियन्स लिग गोल स्कोर गरे। ७ मार्च, २००६मा च्याम्पियन्स लिग टाईको दोस्रो चरणको खेलमा चेल्सी बिरुद्धको खेलको क्रममा दायाँ तिग्राको मासु पल्टिएको कारण समय भन्दा पहिले उनको सिजन समाप्त भयो। [२५] फ्रान्क रिजकार्डको बार्सिलोनाले सो सिजन स्पेनयूरोपको विजेताको रूपमा समापन गर्‍यो। [२६][२७]

२००६-०७ सिजन

२००७मा रेन्जर्सको बिरुद्ध एक खेलमा मेस्सी

२००६-०७ सिजनमा, २६ खेलहरूमा १४ गोल गर्दै मेस्सीले आफूलाई समुहको नियमित अग्रस्थानको खेलाडीको रूपमा स्थापित गरे।[२८] १२ नोभेम्बरमा भएको रियल जारागोजा बिरुद्धको खेलमा मेस्सीको खु्ट्टाको हड्डी भाँचियो, जसको कारणले उनी तीन महिनाको खेल खेल्नबाट वञ्चित भए।[२९][३०] मेस्सी आफ्नो चोट निको नहुँदासम्म अर्जेन्टिनामा बसे र निको भएपछि ११ फेब्रुअरीमा रेसिङ्ग स्याट्यान्डर बिरुद्धको खेलमा मैदानमा उत्रिए ।[३१] जसमा उनी दोस्रो-हाफमा स्थानापन्नको रूपमा संलग्न भए । ११ मार्चमा, रियल म्याड्रिड बिरुद्धको खेल (एल क्लासिको)मा १० जना खेलाडी मात्र सिमित बार्सिलोनाबाट खेलेका मेस्सीले ह्याट-ट्रिक गर्दै ३-३ को बराबरीमा रोकेर आफ्नो क्षमता प्रदर्शन गरे, जसमा उनले तेस्रो गोल इन्जुरी-समयमा गरेका थिए।[३२] यस प्रदर्शनबाट उनी इवान जमोरानो (रियल मैड्रिडको १९९४-९५ सिजनमा) पछि एल क्लासिकोमा लगातार तीन गोल गर्ने पहिले खेलाडी बने,[३३] साथै मेस्सी यस खेलमा गोल गर्ने सबैभन्दा कम उमेरको खेलाडी पनि बने। उनले यस सिजनमा गरेका १४ गोलहरू मध्य ११ गोल अन्तिम १३ खेलहरूमा गरेका थिए ।[३४]

मेस्सी, गेटाफे बिरुद्ध गोल गर्नु भन्दा ठीक पहिले

मेस्सीले एकै सिजनको क्रममा म्याराडोनाको सबैभन्दा प्रसिद्ध गोलहरूलाई लगभग दोहोराउँदै आफूलाई "नयाँ म्याराडोना"को रूपमा साबित गरे।[३५] १८ अप्रिल, २००७मा उनले कोपा डेल रेको सेमी-फाइनलमा गेटाफे बिरुद्धको खेलमा दुई गोल गरे, जुन मेक्सिकोमा सम्पन्न १९८६ FIFA विश्व कपमा इंगल्याण्ड बिरुद्धको खेलमा म्याराडोनाले गरेका प्रसिद्ध गोलहरू सँग धेरै मिल्दो-जुल्दो थियो।[३६] विश्वका खेल पत्रकारहरूले उनलाई म्याराडोनासँग तुलना गरे र स्पेनिश पत्रिकाहरूले मेस्सीलाई "मेस्सीडोना" उपनाम दिए।[३७] उनले यस खेलमा उही ६२ मिटरको दुरी पार गर्दै, त्यति नै खेलाडीहरू (गोलकीपर सहित ६ जना)लाई छक्काउँदै, लगभग एउटै नै स्थानबाट गोल गरे र कुनाको झण्डातिर दौडिए, जुन २१ वर्ष पहिला म्याराडोनाले मेक्सिकोमा गरेका थिए।[३५] खेलपछि एक पत्रकार सम्मेलनमा मेस्सीका समकक्षी खेलाडी डेकोले भने: "यो मैले आफ्नो जीवनमा देखेका गोल मध्य सर्वोत्कृष्ट गोल हो।"[३८] स्पेनियोल बिरुद्धको खेलमा पनि मेस्सीले एउटा यस्तो गोल गरे, जुन विश्वकपको क्वार्टर फाइनलमा इंग्ल्याण्ड बिरुद्धको खेलमा म्याराडोनाले गरेको गोल]]सँग मिल्दो-जुल्दो थियो।[३९] स्पेनियोलका खेलाडीहरूको विरोधको बावजूद र रिप्लेमा पनि त्यो स्पष्टतः ह्याण्डबल भन्ने देखिंदा देखिंदै पनि त्यो गोल बनिरह्यो.[३९]

२००७-०८ सिजन

thumb|180px|मेस्सीले २२ सेप्टेम्बर २००७को शिविर नाउमा सेविया बिरुद्धको खेलमा बार्सिलोनालाई २-०ले जिताए २००७-०८ सिजनको क्रममा, मेस्सीले एक हप्तामा पाँच गोल गर्दै बार्सिलोनालाई ला लिगाको शीर्ष चारमा पुर्याए। १९ सेप्टेबरमा च्याम्पियन्स लिग म्याचमा आफ्नो गृहमैदानमा बार्सिलोनाले लियोनलाई ३-०को अन्तरले हराउँदा मेस्सीले एक गोल गरे।[४०] उनले २२ सेप्टेबरमा सेभिला (फुटबल क्लब)को बिरुद्ध दुई गोल गरे[४१] र फेरि २६ सेप्टेबरमा मेस्सीले रियल जारागोजा बिरुद्ध ४-१को जीतमा दुई गोल गरे।[४२] २७ फेब्रुअरीमा मेस्सीले भ्यालेन्शिया बिरुद्ध बार्सिलोनाको लागि आफ्नो १००औं आधिकारिक खेल खेले।[४३]

मेस्सी अग्रपंक्तिको श्रेणीमा फिफाप्रो विश्वका दश खेलाडी अवार्डको लागि मनोनित गरियो।[४४] एक स्पेनिश पत्रिका मार्काको अन-लाईन संस्करणमा गरिएको सर्वेक्षणमा उनलाई ७७ प्रतिशत मत सहित विश्वको सर्वोत्कृष्ट खेलाडीको रूपमा चुनियो।[४५] बार्सिलोना-आधारित अखबार एल मुन्डो डिपोर्टिवोस्पोर्टको स्तम्भकारहरूले उल्लेख गरे कि मेस्सीलाई ब्यालन डी'ओर दिनु पर्छ र फ्रान्ज बेकेनबएरले पनि यसको समर्थन गरे।[४६] फ्रान्सेस्को टोट्टी जस्ता फुटबलका महान हस्तिहरूले घोषणा गरे कि उनीहरू मेस्सीलाई अहिलेका विश्वका सर्वोत्कृष्ट फुटबल खेलाडीहरू मध्य एक मान्छन्।[४७]

४ मार्चमा केल्टिक बिरुद्धको खेलमा मेस्सीको बायाँ तिघ्राको मांसपेशी फाटेपछि उनी एक हफ्ता भरीको लागि खेलबाट बाहिरिए। मेस्सीको यस प्रकारको चोट लागेको यो तीन सिजनहरूमा चौथो पल्ट थियो।[४८] मेसी यो चोटबाट फिर्ता भएपछि ४ मे २००८मा भ्यालेन्सिया बिरुद्धक ६-०को जीतमा उनको २००७-०८ सिजनको अन्तिम गोल गरे। यस सिजनका सबै खेलहरूमा मेस्सीले १६ गोल र १३मा सहायता प्दान गर्न सफल भए।

२००८-०९ सिजन

मेस्सि, डेपोर्टिवोको बिरुद्धको एक खेलमा

क्लबबाट रोनाल्डिन्होको प्रस्थान सँगै उनको १० नम्बर जर्सी मेस्सीले प्राप्त गरे ।[४९] सन् १ अक्टोबर २००८ मा, सख्टार डोनेट्स्क बिरुद्धको च्याम्पियन्स लिग म्याचको क्रममा मेस्सीले थियरी हेनरीको सट्टामा खेलमा प्रवेश गरेर अन्तिम सात मिनेटमा दुई गोल गरेर बार्सिलोनाको लागि १-० को हारको अवस्थालाई १-२को जितमा परिणत गरी दिए ।[५०] यस पछिको एट्लेटिको म्याड्रिड बिरुद्धको लिग खेललाई मेस्सी र उनको राम्रा साथी सर्जियो अग्वेरोको बीच एक मैत्रिपूर्ण संघर्षको रूपमा प्रचार गरियो ।[५१] मेस्सीले फ्रि किकमा एक गोल गरे र बाँकीमा सहायता गरेर बार्सालाई ६-१ को जित हासिल गराए ।[५२] मेस्सीले सेभिलाको बिरुद्ध २३ मिटर (२५ यार्ड) देखि बललाई उठाएर गोलरक्षकलाई छक्काउँदै टाइट एङ्गलबाट एक अर्को उत्कृष्ट गोल गरे ।[५३] सन् १३ डिसेम्बर २००८ मा, एल क्लासिकोको पहिलो सिजनको क्रममा मेस्सीले रियल म्याड्रिड बिरुद्धको बार्सिलोनाको २-० जितमा दोस्रो गोल गरे ।[५४] यसै वर्ष उनलाई २००८ फिफा वर्षको विश्वको खेलाडी अवार्डमा ६७८ अङ्क सहित दोस्रो स्थानमा मनोनित भए ।[६]

मेस्सीले एटलेटिको म्याड्रिड विरुद्धको कोपा डेल रे टाईमा पहिलो पल्ट ह्याटट्रिक गर्दै बार्सिलोनालाई ३-१ को जित हासिल गराए ।[५५] मेस्सीले सन् १ फेब्रुअरी २००९ मा रेसिङ्ग स्यान्टेन्डर बिरुद्धको खेलमा पहिलो हाफमा १-० ले तल इरेको अवस्थामा दोस्रो हाफमा सट्टामा प्रवेश गरी महत्वपूर्ण दुई गोल गर्दै बार्सिलोनालाई १-२ को जित दिलाउन मद्दत गरे । यस मध्ये दोस्रो गोल बार्सिलोनाको लागि ५०००औँ लिग गोल थियो ।[५६] ला लिगाको २८औं चरणमा, मेस्सीले सबै प्रतियोगिताहरूमा सिजनको आफ्नो ३०औं गोल गर्दै आफ्नो टिमलाई मलागा सीएफ बिरुद्ध ६-० को जित हासिल गर्नमा सहयोग गरे ।[५७] ८ अप्रिल २००९मा उनले बायर्न म्यूनिख बिरुद्धको च्याम्पियन्स लिगमा दुई पल्ट गोल गर्दै प्रतियोगितामा नौ गोलहरूको व्यक्तिगत रेकर्ड बनाए ।[५८] १८ अप्रिलमा मेस्सीले गेटाफमा प्राप्त १-०को जितमा सिजनको आफ्नो २०औं लिग गोल गरे, जसको कारणले बार्सिलोना रियल म्याड्रिडलाई छ-अंकले तल पार्दै लिग तालिकाको शीर्ष स्थानमा रहन सफल भयो ।[५९]

2009 UEFA च्याम्पियन्स लिग फाइनलमा प्रहार गर्दै गरेका लियोनेल मेस्सीलाई हेर्दै माइकल क्यारिक (पृष्ठभूमिमा)

बार्सिलोना सिजनको समापन तिर उन्मुख रहँदा मेस्सीले सान्टियागो बर्नब्यूमा रियल म्याड्रिड माथी ६-२को विजयमा दुई गोल (सबै प्रतियोगिताहरूमा उनको ३५औं र ३६औं गोल) गरे ।[६०] यो हार रियल म्याड्रिडको लागि १९३० पछिको सबैभन्दा ठूलो हार थियो ।[६१] मेस्सीले च्याम्पियन्स लिग सेमी-फाइनलमा चेल्सी बिरुद्ध आन्ड्रेस इनिएस्टालाई अतिरिक्त समयमा गोल बनाउन सहयोग गरेका थिए, जसबाट बार्सिलोनाले फाइनलमा म्यानचेस्टर युनाइटेडको सामना गर्न पायो । उनले एथलीटिक बिलबाओ बिरुद्ध ४-१को जितमा एक गोल तथा अन्य दुईमा सहयोग गर्दै १३ मेमा आफ्नो पहिलो कोपा डेल रे जिते ।[६२] उनले ला लिगा जितेर आफ्नो टिमलाई दोहरो जित दिलाउँनमा सहयोग गरे। २७ मेमा उनले ७० मिनेटमा दोस्रो गोल गर्दै बार्सिलोनालाई २००९ युइएफए च्याम्पियन्स लिग फाइनल दुई गोलको अग्रताले जित्नमा मद्दत गरे, साथै नौ गोलको साथ उनी टुर्नामेन्टको इतिहासमा सबैभन्दा युवा तथा चैम्पियन्स लिगको सर्वाधिक गोलकर्ता बने ।[६३] यूरोपमा शानदार वर्ष संपन्न गर्दै मेस्सीले युइएफए वर्षको क्लब अग्रपंक्तको खेलाडीयुइएफए वर्षको क्लब फुटबल खेलाडीको उपाधी पनि जिते ।[६४] उनको यस जितको मतलब बार्सिलोनाले पहिलो पल्ट कुनै स्पेनिश क्लबले नसकेको एकै सिजनमा कोपा डेल रे, ला लिगायुइएफए च्याम्पियन्स लिगमा विजय थियो ।[६५][६६]

२००९-१० सिजन

बार्सिलोनाका लियोनेल मेस्सि, क्याम्प नउ रङ्गशालामा जोआन ग्याम्पर ट्रफी म्याचमा म्यानचेस्टर सिटी बिरुद्ध खेल्दै

२००९ युइएफए सुपर कप जीते पछि, बार्सिलोनाका प्रबन्धक जोसेप गार्डियोलाले जोड दिदै भने कि मेस्सी उनले अहिले सम्म देखेका खेलाडी मध्य सबैभन्दा राम्रो खेलाडी हुन ।[६७]

१८ सेप्टेम्बरमा, मेस्सीले बार्सिलोनासँग जसमा €२.५ अरबको खरीद-नियन्त्रणको प्रावधान सहित २०१६ सम्मको लागि नयाँ अनुबन्धनमा हस्ताक्षर गरे, जसबाट मेस्सी लगभग € ९५ लाख वार्षिक आय सहित, जाल्टान इब्राहिमोभिच बराबर ला लिगाको उच्चतम पारिश्रमीक लिने खेलाडी बने ।[६८][६९] चार दिन पछि २२ सेप्टेम्बरमा, मेस्सीले ला लिगामा रेसिङ्ग स्यान्टेन्डर बिरुद्ध दुई गोल र अर्को एक गोलमा सहयोग गर्दै बार्सालाई ४-१ जीत दिलाए।[७०] मेस्सीले २९ सेप्टेम्बरमा डाइनमो कीव माथीको २-० जीतमा सिजनको पहिलो यूरोपीय गोल गरे ।[७१] मेस्सीले क्याम्प नउमा रियल जारागोजाको ६-१को ठूलो पराजयको क्रममा एक गोल गर्दै ला लिगामा सात खेलमा छ गोलको अनुपात बनाए [७२][७३] र ७ नोभेम्बरमा क्याम्प नउमा मालर्का माथी बार्साको ४-२को जीतमा पनि पेनाल्टिमा गोल गरे ।[७४]

१ डिसेम्बर २००९ मा, मेस्सी उपविजेता क्रिस्टियानो रोनाल्डोलाई २३३को बिरुद्ध ४७३को ठूलो मतान्तरले पछाडी पार्दै २००९ ब्यालन डी'ओरको विजेताको रूपमा घोषित भए।[७५][७६][७७] यसपछि फ्रान्स फुटबल पत्रिकाले मेस्सीको भनाईलाई उद्धृत गर्दै लेख्यो: "म यसलाई आफ्नो परिवारलाई समर्पित गर्दछु। मलाई उनीहरूको आवश्यकता पर्दा उनीहरू संधै म सँगै हुन्थे र कहिलेकाँही उनीहरूले म भन्दा पनि ज्यादा गहराईबाट मेरा भावनाहरूलाई महसूस गरेका छन।[७८]

१९ डिसेम्बरमा, अबूधाबीमा एस्टुडियान्टेस बिरुद्ध २००९ फिफा क्लब विश्वकपको फाइनलमा मेस्सीले गोल गर्दै क्लबलाई विजयि बनाए।[७९] दुई दिन पछि, उनी क्रिस्टियानो रोनाल्डो, जावी हर्नान्डेज, काकाआन्ड्रेस इनिएस्टालाई पछि पार्दै फिफा वर्षको खेलाडीको रूपमा घोषित भए। उनले यो पुरस्कार पहिलो पटक जितेका थिए र उनी यो सम्मान पाउने पहिलो अर्जेन्टिनी खेलाडी बने।[८०] १० जनवरी २०१० मा, मेस्सीले सीडी टेनेरिफ बिरुद्धको ०-५को जितमा २०१०को आफ्नो पहिलो ह्याट-ट्रिक र सिजनको पहिलो ह्याट-ट्रिक गरे।[८१] १७ जनवरीमा, मेस्सीले सेविला माथी ४-०को जीतमा क्लबको लागि आफ्नो १००औं गोल गरे।[८२]

अन्तर्राष्ट्रिय खेल जीवन

जुन २००४ मा, पाराग्वे बिरुद्ध अन्डर-२० मैत्रीपूर्ण खेलमा उनले अर्जेन्टिनाको लागि पहिलो खेल खेले। [८३] सन् २००५ मा वहाँले नेदरल्याण्डमा २००५ फिफा वर्ल्ड युथ च्याम्पियनसिप जितने टिमको खेलाडी थिए। यहाँ उनले अर्जेन्टिनाको लागि अन्तिम चार खेल खेलेर प्रतियोगिता अवधिमा सर्वाधिक ६ गोल गर्दै गोल्डन बलगोल्डन बुट जिते ।[८४]

उनले १७ अगस्ट २००५मा १८ वर्षको उमेरमा हङ्गेरी बिरुद्ध पहिलो पूर्ण अन्तर्राष्ट्रिय खेल खेले। ६३औँ मिनेटमा उनले अर्को खेलाडीलाई प्रतिस्थापित गरे, तर ६५औँ मिनेटमा निष्कासित भए किन भने रेफ्री, मार्कस मर्कले उनले आफ्नो सर्ट तान्दै गरेका रक्षापंक्ति विलमस भ्यानज्याकलाई टाउकाले हानेका देखेका थिए। यो निर्णय विवादास्पद थियो र म्याराडोनाले पनि निर्णय पूर्व-निर्धारित भएको दावा गरेका थिए।[८५][८६] ३ सेप्टेम्बरमा विश्वकप छनौटमा पाराग्वेलाई १-०ले हराएको खेलबाट मेस्सी टिममा फिर्ता भए। म्याच अगावै उनले भने कि "यो मेरो पून:शुरूआत हो। पहिलो धेरै कम समयको लागि नै थियो।"[८७] यसपछि उनले अर्जेन्टिनाको लागि पेरू बिरुद्ध आफ्नो पहिलो खेल शुरू गरे; म्याच पछि पेकरम्यानले मेस्सीलाई एक "रत्न"को रूपमा वर्णन गरे।[८८]

२८ मार्च, २००९मा भेनेजुएला बिरुद्द विश्वकप छनौटमा मेस्सीले पहिलो पल्ट अर्जेन्टिनाको लागि १० नम्बरको जर्सी लगाए। यो म्याच डिएगो म्यारडोनाको लागि अर्जेन्टिनाको प्रशिक्षकको रूपमा पहिलो आधिकारिक म्याच थियो। लियोनेल मेस्सीको शुरुवाती गोलको मद्दतले अर्जेन्टिनाले खेल ४-० ले जित्यो।[८९]

२००६ फिफा विश्व कप

यस चोटले मेस्सीलाई २००५-०६ सिजनको अन्तमा दुई महिनाको लागि खेलबाट बाहिर राख्यो, यसको कारणले विश्वकपमा मेस्सीको उपस्थिति पनि आशङ्काको घेरामा पर्‍यो। तापनि, मेस्सीलाई १५ मे २००६मा हुने प्रतियोगिताको लागि अर्जेन्टिनी टिममा छानियो । उनले विश्वकप भन्दा पहिले, अर्जेन्टिना अन्डर-२० टिमको बिरुद्ध फाइनल म्याचमा १५ मिनेट र एङ्गोला बिरुद्ध मैत्रिपूर्ण खेलमा ६४ मिनेट खेले।[९०][९१] उनले आइभरी कोस्ट बिरुद्ध अर्जेन्टिनाको शुरूवाती म्याच विजय प्रतिस्थापकहरूको बेञ्चबाट हेर्न मात्र पाए।[९२] सर्बिया बिरुद्ध अर्को म्याचमा मेस्सी ७४औँ मिनेटमा म्याक्सी रोड्रिग्वेजको स्थानमा मैदानमा छिरेर विश्वकपमा अर्जेन्टिनाबाट खेल्ने सबैभन्दा कम उमेरको खेलाडी बने। उनले खेलमा प्रवेश गरेको केही मिनेटमा नै हरनान क्रेस्पोलाई गोल गर्नमा सहयोग गरे र ६-० को जितमा अन्तिम गोल पनि गर्न सफल भए, यसबाट उनी प्रतियोगितामा सबैभन्दा कम उमेरको स्कोरर र विश्व कपको इतिहासमा सबैभन्दा कम उमेरको छैठौ गोल गर्ने स्कोरर बने।[९३] मेस्सीले नेदरल्याण्ड बिरुद्ध अर्जेन्टिना ०-० को बराबरीमा शुरूवात गरे।[९४] मेक्सिको बिरुद्धको अर्को खेलमा १-१ गोलको बराबरी संगै, मेस्सी ८४औं मिनेटमा स्थानापन्नको रूपमा मैदान प्रवेश गरे। अर्जेन्टिनालाई अगाडि बढनको लागि अतिरिक्त समयमा एक गोलको आवश्यकता रहेको अवस्थामा उनले गोल स्कोर गर्नै लागेका थिए, तर उनलाई अफसाइड घोषित गरियो।[९५][९६] प्रशिक्षक जोस पेकरम्यानले जर्मनी बिरुद्धको क्वार्टर-फाइनल खेलमा मेस्सीलाई मैदान प्रवेश गराएनन्, जुन खेल अर्जेन्टिनाले पेनाल्टी शूटआउटमा ४-२ले हार्‍यो।[९७]

२००७ कोपा अमेरिका कप

कोपा अमेरीका कप २००७मा मेस्सि

मेस्सिले २९ जुन २००७ मा, कोपा अमेरिका कप२००७मा आफ्नो पहिलो खेल खेले, यस खेलमा अर्जेन्टिनाले संयुक्त राज्य अमेरिकालाई ४-१को गोल अन्तरले हरायो। यस खेलमा, उनले एक प्लेमेकरको रूपमा आफ्नो क्षमता प्रदर्शन गरे। उनले आफ्नो सहकर्मी स्ट्राइकर हरनान क्रेस्पोको लागि गोल गर्नमा सहयोग गरे। ७९औं मिनेटमा टेभेज मेस्सीको बदलामा मैदानमा आए र केही मिनेट पछि गोल स्कोर गरे।[९८]

उनको दोस्रो म्याच कोलम्बियाको बिरुद्ध खेले, जसमा उनले एक पेनाल्टी पाए र यसलाई क्रेस्पोले सहि सदुपयोग गर्दै खेललाई १-१को बराबरीमा परिवर्तित गर्नमा सफल भए। उनी अर्जेन्टिनाको दोस्रो गोलको पनि भगिदार भए किन भनें उनीलाई बक्सको बाहिर फल भएको थियो, जसलाई जुआन रिकेल्मीले फ्रिकिकबाट गोलमा परिणत गरिदिए र अर्जेन्टीनाले ३-१को अग्रता हासिल गर्‍यो। खेलको अन्तिम स्कोर ४-२ का साथ अर्जेन्टिना टूर्नामेन्टको क्वार्टर-फाइनलमा प्रवेस गर्‍यो।[९९]

पाराग्वेको बिरुद्ध तेस्रो खेलमा, मेस्सी क्वार्टर-फाइनलको लागि योग्य साबित भईसकेकाले प्रशिक्षकले उनलाई विश्राम दिए। उनलाई ६४औं मिनेटमा ०-० स्कोरको अवस्थामा इस्टेबन क्याम्बियासोको बदलामा मैदानमा उत्रिने मौका मिल्यो। ७९औं मिनेटमा उनले ज्यावियर म्यास्चरानोलाई गोल गर्न सहयोग गरे।[१००] क्वार्टर-फाइनलमा अर्जेन्टिनाले पेरूलाई ४-०को गोल अन्तरले हराउँदा मेस्सीले रिकेल्मीको पासमा भन्दा खेलको दोस्रो गोल गरे।[१०१] मेक्सिकोको बिरुद्ध सेमी-फाइनल म्याचमा मेस्सीले गोलरक्षक ओसवाल्डो स्यान्शेज भन्दा माथीबाट उफारेर गोल गरे, जसबाट अर्जेन्टिना ३-० जीतका साथ फाइनलमा पुग्न सफल भयो।[१०२] तर फाइनलमा अर्जेन्टिनाले ब्राजिल सँग ३-०को हार ब्यहोर्नु पर्‍यो।[१०३]

२००८ ओलम्पिकमा ब्राजिल बिरुद्धको खेलमा मेस्सी

२००८ ग्रीष्मकालीन ओलम्पिक

२००८ ग्रीष्मकालीनओलम्पिकमा मेस्सीलाई अर्जेन्टिनाको लागि खेल्नबाट निषेध गरिए पछि,[१०४] उनले बार्सिलोनाका नयाँ प्रशिक्षक जोसेप गार्डियोला सँग वार्ता गरे र पछि मात्र उनलाई खेल्न दिने सहमति जनाए।[१०५] उनी अर्जेन्टिनाको टिममा समावेस भएर आइभोरी कोस्ट माथिको २-१ को जितमा पहिलो गोल स्कोर गरे ।[१०५] यसपछि खेलमा उनले शुरूवाती गोल गरे र दोस्रो गोलको लागि एन्जल डी मारियालाई सहयोग गर्दे अर्जेन्टिनालाई नेदरल्याण्ड बिरुद्ध अतिरिक्त समयमा २-१ को जित हासिल गराए।[१०६] उनले प्रतिद्वन्द्वी ब्राजिल बिरुद्धको म्याचमा पनि भाग लिए, जसमा अर्जेन्टिनाले ३-०को जित हासिल गरी फाइनलमा प्रवेश गर्‍यो।[१०७] फाइनल खेलमा मेस्सीले फेरी एकमात्र गोलको लागि डी मारियालाई सहयोग गरी नाइजेरियालाई १-०ले पराजित गरी अर्जेन्टिनालाई विजयी बनाए। [१०८]

व्यक्तिगत जीवन

मेस्सी एक चरणमा, आफ्नो गृहनगर रोसारियोको माकारीना लीमोससँग रूमानी तरिकामा आवद्ध थिए। उनी भन्छन् कि जब उनी २००६ विश्वकप शुरू हुनु भन्दा केही दिन पहिले चोटबाट मुक्ति पाउनको लागि रोसारियो फर्किए थिए तब केटीको बुवाले नै उनीसँग परिचय गराएका थिए। [१०९][११०] अतीतमा पनि उनको नाम अर्जेन्टिनी मोडल लूसियाना सालाजारसँग जोडिएको थियो।[१११][११२] जनवरी २००९मा उनले च्यानल ३३को एक कार्यक्रम "ह्याट-ट्रिक बार्सा"मा भने: "मेरो एउटा प्रेमिका छ र उनी अर्जेन्टिनामा बस्छिन, म निश्चिन्त र खुशी छु।"[११२] उनी बार्सिलोना-एस्पेनयल डर्बी पछि, सिटजेसको एक कार्निवलमा एन्टोनेला रोकुजो नामक युवती सँग देखिए।[११३] रोकुजो पनि रोसारियो कै वासिन्दा हुन।[११४]

फुटबल क्षेत्रमा उनको दुई काकाका छोराहरू म्याक्सीइमान्युअल बियानकुची पनि छन। म्याक्सी पाराग्वेको क्लब ओलम्पियाका विङ्गर छन र इमान्युअल बियानकुची स्पेनको गिरोना एफसीमा मध्यपंक्ति छन।[११५][११६]

भिडियो गेम प्रो इभोल्यूशन सकर २००९प्रो इभोल्यूशन सकर २०११को मुखपृष्ठमा उनको तस्बीर अङ्कित छ र उनी यस खेलको प्रचार अभियानमा पनि समावेश छन।[११७][११८] मेस्सी, प्रो इभोल्यूशन सकर २०१०मा फर्नान्डो टोरेस सँग[११९] देखिएका छन र यसको मोशन कयाप्चरिङगट्रेलरमा पनि शामिल थिए।[१२०][१२१][१२२] मेस्सीको प्रायोजन जर्मन स्पोर्ट्सवेयर कम्पनी एडिडासले गरेको छ र उनी यसकोको टेलिभिजन विज्ञापनहरूमा पनि उनी देखिन्छन्।[१२३]

करियरको तथ्याङ्क

क्लबको तथ्याङ्क

२९ मे, २०११को तथ्याङ्क अनुसार[१२४][१२५]

क्लब सिजन लिग कप[nb १] यूरोप [nb २] क्लब विश्वकप कुल
प्रदर्शन गोल असिस्ट प्रदर्शन गोल असिस्ट प्रदर्शन गोल असिस्ट प्रदर्शन गोल असिस्ट प्रदर्शन गोल असिस्ट
बार्सिलोना २००४-०५ - - -
२००५-०६ १७ - - - २५
२००६-०७ २६ १४ ३६ १७
२००७-०८ २८ १० १२ - - - ४० १६ १३
२००८-०९ ३१ २३ ११ १२ - - - ५१ ३८ १८
२००९-१० १७ १५ २९ २२
२०१०-११ ३३ ३१ १८ १० १३ १२ - - - ५५ ५३ २४
करियरको कुल १७७ ११९ ५६ ३१ २२ ५९ ३७ ११ २६९ १८० ७३

अन्तर्राष्ट्रिय तथ्याङ्क

राष्ट्रिय टिम वर्ष खेल गोलहरू सहायता
 अर्जेन्टिना २००५
२००६
२००७ १४
२००८
२००९ १०
२०१० १०
२०११ १३
२०१२ १२

‍|-

२०१३
२०१४ १३
कुल ७६ ४५ ११

अन्तर्राष्ट्रिय गोलहरू

मेस्सी अर्जेन्टिनाको राष्ट्रिय फुटबल टिमका हाल सर्वाधिक गोलकर्ता हुन्।भने उनले आफ्नो अन्तरास्ट्रिय फुटबल करियरमा ५० गोलको कोसे-ढुङ्गा समेत पार गरिसकेका छन्।

वर्ष अनुसार गोल

प्रतियोगिता अनुसार गोल

सम्मान

बार्सिलोना

अन्तर्राष्ट्रिय

मेस्सीको ५००गोल

मेस्सीले आफ्नो खेल जीवनमा ५०० गोलको कोसे ढुङ्गा पनि पूरा गरि सकेका छन्।सर्वाधिक फिफा वर्षको उपाधि जित्न सफल मेस्सीले आफ्नो ५०० गोल सन् २०१६ अप्रिल १७ (ला लिगा) मा भ्यालेन्सिया विरूद्ध १ गोल गर्दै पूरा गरे।तर उक्त ऐतिहासिक खेलमा भने उनको क्लब २-१ गोल अन्तर ले पराजित हुन पुग्यो ।साथै उनले सन्२००५ मे मा अल्बासेटे विरूद्ध पहिलो सिनियर गोल गरेका थिए। उनले ५०० गोल मध्ये ५०गोल राष्ट्रका लागि भने ४५० गोल क्लब बार्सिलोनाका लागि गरेका थिए।उनको ५०० गोल मध्ये ४०६ अथवा ७०% गोल देब्रे खुट्टालेे गरेका थिए।

व्यक्तिगत

नोट

  1. कोपा डेल रेसुपरकोपा डी एस्पाना पनि समावेश
  2. युरोपीयन सुपरकपयुरोपीयन च्याम्पियन्स लिग पनि समावेश

सन्दर्भ

  1. "Lionel Messi Height, Weight, Age, Measurements, Net Worth", Celebrity Measurements, अन्तिम पहुँच २०१५-०१-१२ 
  2. Broadbent, Rick (२००६-०२-२४), "Messi could be focal point for new generation", Times Online, अन्तिम पहुँच २००९-०३-३१ 
  3. Gordon, Phil (२००८-०७-२८), "Lionel Messi proves a class apart", Times Online, अन्तिम पहुँच २००९-०३-३१ 
  4. Williams, Richard (२००८-०४-२४), "Messi's dazzling footwork leaves an indelible mark", The Guardian, अन्तिम पहुँच २००९-०३-३१ 
  5. "European Footballer of the Year ("Ballon d'Or")", RSSSF, अन्तिम पहुँच २००९-०७-०७ 
  6. ६.० ६.१ "FIFA World Player Gala 2008", FIFA, अन्तिम पहुँच २००९-०७-०७ 
  7. "FIFA World Player Gala 2007", FIFA, अन्तिम पहुँच २००९-०७-०७ 
  8. Gardner, Neil (२००७-०४-१९), "Is Messi the new Maradona?", Times Online, अन्तिम पहुँच २००९-०३-३१ 
  9. Reuters (२००६-०२-२५), "Maradona proclaims Messi as his successor", China Daily, अन्तिम पहुँच २००६-१०-०८ 
  10. Veiga, Gustavo, "Los intereses de Messi" (Spanishमा), Página/12, अन्तिम पहुँच २००९-०५-३१ 
  11. ११.० ११.१ ११.२ Hawkey, Ian (२००८-०४-२०), "Lionel Messi on a mission", Times Online, अन्तिम पहुँच २००९-०५-३० 
  12. Aguilar, Alexander (२००६-०२-२४), "El origen de los Messi está en Italia" (Spanishमा), Al Día, अन्तिम पहुँच २००९-०७-०७ 
  13. Cubero, Cristina (२००५-१०-०७), "Las raíces italianas de Leo Messi" (Spanishमा), El Mundo Deportivo, अन्तिम पहुँच २००९-०७-०७ 
  14. "Lionel Messi bio", NBC, अन्तिम पहुँच २००९-०५-३० 
  15. १५.० १५.१ १५.२ १५.३ Williams, Richard (२००६-०२-२६), "Messi has all the qualities to take world by storm", The Guardian, अन्तिम पहुँच २००८-०५-०३ 
  16. White, Duncan (२००९-०४-०४), "Franck Ribery the man to challenge Lionel Messi and Barcelona", Daily Telegraph, अन्तिम पहुँच २००९-०७-०७ 
  17. १७.० १७.१ "The new messiah", FIFA, २००६-०३-०५, अन्तिम पहुँच २००६-०७-२५ 
  18. १८.० १८.१ १८.२ "Lionel Andres Messi - FCBarcelona and Argentina", Football Database, अन्तिम पहुँच २००६-०८-२३ 
  19. Tutton, Mark and Duke, Greg (२००९-०५-२२), "Profile: Lionel Messi", CNN, अन्तिम पहुँच २००९-०५-३० 
  20. "Meteoric rise in three years", fcbarcelona.com, अन्तिम पहुँच २००८-०५-०३ 
  21. Nogueras, Sergi (२००७-१०-२१), "Krkic enters the record books", fcbarcelona.cat, अन्तिम पहुँच २००९-०७-१६ 
  22. "Messi: "Rijkaard gave us more freedom"", Goal.com, २००७-१२-१०, अन्तिम पहुँच २००९-१२-१० 
  23. "Good news for Barcelona as Messi gets his Spanish passport", The Star Online, २००५-०५-२८, अन्तिम पहुँच २००९-०५-२९ 
  24. Reuters (२००५-०९-२८), "Ronaldinho scores the goals, Messi takes the plaudits", Rediff, अन्तिम पहुँच २००६-०८-२३ 
  25. "Frustrated Messi suffers another injury setback", ESPN Soccernet, २००६-०४-२६, अन्तिम पहुँच २००६-०७-२२ 
  26. Wallace, Sam (२००६-०५-१८), "Arsenal 1 Barcelona 2: Barcelona crush heroic Arsenal in space of four brutal minutes", The Independent, अन्तिम पहुँच २००९-०६-०३ 
  27. "Barca retain Spanish league title", BBC Sport, २००६-०५-०३, अन्तिम पहुँच २००९-०६-०३ 
  28. "Lionel Messi at National Football Teams", National Football Teams, अन्तिम पहुँच २००९-०७-१७ 
  29. FCBarcelona.com (2006-11-14). Doctors happy with Messi op. प्रेस विज्ञप्ति. http://www.fcbarcelona.com/eng/noticias/noticias/n06111404.shtml. अन्तिम पहुँच मिति: 2006-11-16. 
  30. "Messi to miss FIFA Club World Cup", FIFA.com/Reuters, २००६-११-१३, अन्तिम पहुँच २००६-०१-१८ 
  31. "Barcelona - Racing Santander", The Offside, २००८-०१-१९, अन्तिम पहुँच २००९-०५-३० 
  32. Hayward, Ben (२००७-०३-११), "Magical Messi is Barcelona's hero", The Independent, मूलबाट २०११-०९-०६-मा सङ्ग्रहित, अन्तिम पहुँच २००९-०५-३० 
  33. "Inter beat AC, Messi headlines derby", FIFA, २००७-०३-११, अन्तिम पहुँच २००९-०५-३० 
  34. "Lionel Messi 2006/07 season statistics", ESPN Soccernet, अन्तिम पहुँच २००९-०६-०३ 
  35. ३५.० ३५.१ Lowe, Sid (२००७-०४-२०), "The greatest goal ever?", Daily Telegraph, अन्तिम पहुँच २००९-०७-०७ 
  36. "Messi dazzles as Barça reach Copa Final", ESPN Soccernet, २००७-०४-१८। 
  37. "Can ‘Messidona’ beat Maradona?", The Hindu, २००७-०७-१४। 
  38. Lowe, Sid (२००७-०४-२०), "The greatest goal ever?", Daily Telegraph, अन्तिम पहुँच २००७-०५-०७ 
  39. ३९.० ३९.१ Mitten, Andy (२००७-०६-१०), "Hand of Messi saves Barcelona", Times Online, अन्तिम पहुँच २००८-०१-१२ 
  40. "Barcelona 3-0 Lyon: Messi orchestrates win", ESPN Soccernet, २००७-०९-१९, अन्तिम पहुँच २००९-०५-२७ 
  41. "Barcelona vs. Sevilla", Soccerway, २००७-०९-२२, अन्तिम पहुँच २००९-०५-२९ 
  42. Isaiah (२००७-०९-२६), "Barcelona 4-1 Zaragoza", The Offside, अन्तिम पहुँच २००९-०५-२७ 
  43. FIFA (२००८-०२-२७), "Xavi late show saves Barca", FIFA, अन्तिम पहुँच २००९-०५-२७ 
  44. "FIFPro World XI", FIFPro, अन्तिम पहुँच २००९-०५-३० 
  45. Villalobos, Fran (२००७-०४-१०), "El fútbol a sus pies" (Spanishमा), MARCA, अन्तिम पहुँच २००९-०७-०७ 
  46. Fest, Leandro, "Si Messi sigue trabajando así, será como Maradona y Pelé" (Spanishमा), Sport.es, अन्तिम पहुँच २००९-०७-०७ 
  47. "Totti le daría el Balón de Oro a Messi antes que a Kaká" (Spanishमा), MARCA, २००७-११-२९, अन्तिम पहुँच २००९-०७-०७ 
  48. "Barcelona's Lionel Messi sidelined with thigh injury", CBC.ca, २००८-०३-०५, अन्तिम पहुँच २००९-०६-१४ 
  49. Sica, Gregory (२००८-०८-०४), "Messi Inherits Ronaldinho's No. 10 Shirt", Goal.com, अन्तिम पहुँच २००९-०६-०२ 
  50. "Late Messi brace nicks it", ESPN Soccernet, २००८-१०-०१, अन्तिम पहुँच २००९-०५-२९ 
  51. Osaghae, Efosa (२००८-१०-०४), "Barcelona 6-1 Atletico Madrid", Bleacher Report, अन्तिम पहुँच २००९-०५-३१ 
  52. "Goal rush for Barcelona", ESPN Soccernet, २००८-१०-०४, अन्तिम पहुँच २००९-०५-३१ 
  53. "Messi magical, Real miserable", FIFA, २००८-११-२९, अन्तिम पहुँच २००९-०६-०२ 
  54. "Barcelona 2-0 Real Madrid", BBC Sport, २००८-१२-१३, अन्तिम पहुँच २००९-०५-२९ 
  55. "Messi scores hat trick in Barca's 3–1 win over Atletico", Shanghai Daily, २००९-०१-०७, अन्तिम पहुँच २००९-०५-२९ 
  56. Supersub Messi fires 5,000-goal Barcelona to comeback victory. AFP (01-02-2009). 01-02-2009को पुनःप्राप्त
  57. "Barcelona hit Malaga for six", Al Jazeera English, २००९-०३-२३, अन्तिम पहुँच २००९-०६-०२ 
  58. Logothetis, Paul (२००९-०४-०९), "Barcelona returns to earth with league match", USA Today, अन्तिम पहुँच २००९-०७-०७ 
  59. "Messi leads Barcelona to 1-0 win over Getafe", Shanghai Daily, २००९-०४-१९, अन्तिम पहुँच २००९-०६-०२ 
  60. Lowe, Sid (२००९-०५-०२), "Barcelona run riot at Real Madrid and put Chelsea on notice", The Guardian, अन्तिम पहुँच २००९-०५-३१ 
  61. Macdonald, Paul (२००९-०५-०३), "Real Madrid Fan Poll Says Barcelona Loss Is Most Painful In Club History", Goal.com, अन्तिम पहुँच २००९-०५-३१ 
  62. "Barcelona defeat Athletic Bilbao to win Copa del Rey", Daily Telegraph, २००९-०५-१४, अन्तिम पहुँच २००९-०५-२८ 
  63. "Messi sweeps up goalscoring honours", uefa.com, २००९-०५-२७, अन्तिम पहुँच २००९-०६-०४ 
  64. "Messi recognised as Europe's finest", uefa.com, २००९-०८-२७, अन्तिम पहुँच २००९-०८-३० 
  65. "Barcelona win treble in style", Gulf Daily News, २००९-०५-२८, अन्तिम पहुँच २००९-०५-२८ 
  66. "Barcelona eclipse dream team with historic treble", UK Eurosport, २००९-०६-०१, अन्तिम पहुँच २००९-०६-०३ 
  67. "'Messi es el mejor jugador que veré jamás'" (Spanishमा), El Mundo Deportivo, २००९-०८-२९, अन्तिम पहुँच २००९-०८-२९ 
  68. "Leo Messi extends his stay at Barça", fcbarcelona.com, २००९-०९-१८, अन्तिम पहुँच २००९-०९-१८ 
  69. "Messi signs new deal at Barcelona", BBC Sport, २००९-०९-१८, अन्तिम पहुँच २००९-०९-१८ 
  70. "Messi and Ibrahimovic put Racing to the sword", ESPN Soccernet, २००९-०९-२२, अन्तिम पहुँच २००९-०९-२३ 
  71. Leong, KS (२००९-०९-२९), "Barcelona 2-0 Dynamo Kiev: Messi & Pedro Unlock Stubborn Ukrainians", Goal.com, अन्तिम पहुँच २००९-१०-०३ 
  72. "Xavi: All is well at Barca", ESPN Soccernet, २००९-१०-२६, अन्तिम पहुँच २००९-११-२८ 
  73. "Barcelona thrashes Zaragoza to go clear at top", CNN, २००९-१०-२५, अन्तिम पहुँच २००९-११-२८ 
  74. "Guardiola expects more after win over Mallorca", ESPN Soccernet, २००९-११-०९, अन्तिम पहुँच २००९-११-२८ 
  75. "Barcelona forward Lionel Messi wins Ballon d'Or award", BBC Sport, २००९-१२-०१, अन्तिम पहुँच २००९-१२-०१ 
  76. "Messi wins prestigious Ballon d'Or award", ABC Sport, २००९-१२-०१, अन्तिम पहुँच २००९-१२-१० 
  77. Barnett, Phil (२००९-१२-०१), "Lionel Messi: A rare talent", The Independent, अन्तिम पहुँच २००९-१२-१० 
  78. "Messi takes Ballon d'Or", ESPN Soccernet, २००९-१२-०१, अन्तिम पहुँच २००९-१२-१० 
  79. "Messi seals number six", ESPN Soccernet, २००९-१२-१९, अन्तिम पहुँच २००९-१२-२१ 
  80. "FC Barcelona's Messi wins World Player of the Year", ESPN Soccernet, २००९-१२-२१, अन्तिम पहुँच २००९-१२-२२ 
  81. "Tenerife 0-5 Barcelona: Messi Masterclass Sees Barca Back On Top", Goal.com, २०१०-०१-१०, अन्तिम पहुँच २०१०-०१-११ 
  82. Bogunyà, Roger (२०१०-०१-१७), "Messi 101: el golejador centenari més jove" (Catalanमा), fcbarcelona.cat, अन्तिम पहुँच २०१०-०१-१७ 
  83. "Lionel Messi Biography", Lionelmessi.com, अन्तिम पहुँच २००९-०७-०७ 
  84. "FIFA World Youth Championship Netherlands 2005", FIFA, अन्तिम पहुँच २००९-०७-०७ 
  85. Vickery, Tim (२००५-०८-२२), "Messi handles 'new Maradona' tag", BBC Sport, अन्तिम पहुँच २००९-०७-०७ 
  86. "Argentine striker Messi recalled for World Cup qualifier", People's Daily Online, २००५-०८-२०, अन्तिम पहुँच २००९-०७-०७ 
  87. "Messi tries again as Argentina face Paraguay", ESPN Soccernet, २००५-०९-०२, अन्तिम पहुँच २००९-०७-०७ 
  88. Homewood, Brian (२००५-१०-१०), "Messi is a jewel says Argentina coach", Rediff, अन्तिम पहुँच २००९-०७-०७ 
  89. "Argentina 4-0 Venezuela: Messi the star turn", Allaboutfcbarcelona.com, २००९-०३-२८, अन्तिम पहुँच २००९-०७-०७ 
  90. Vickery, Tim (२००६-०६-०५), "Messi comes of age", BBC Sport, अन्तिम पहुँच २००९-०७-०७ 
  91. "Argentina allay fears over Messi", BBC Sport, २००६-०५-३०, अन्तिम पहुँच २००९-०७-०७ 
  92. "Messi weiter auf der Bank" (Germanमा), Kicker.de, २००६-०६-१३, अन्तिम पहुँच २००९-०७-०७ 
  93. "Argentina 6-0 Serbia & Montenegro", BBC Sport, २००६-०६-१६, अन्तिम पहुँच २००९-०७-०७ 
  94. "Holland 0-0 Argentina", BBC Sport, २००६-०६-२१, अन्तिम पहुँच २००९-०७-०७ 
  95. Walker, Michael (२००६-०६-२६), "Rodríguez finds an answer but many questions still remain", The Guardian, अन्तिम पहुँच २००९-०७-०७ 
  96. "Argentina 2-1 Mexico (aet)", BBC Sport, २००६-०६-२४, अन्तिम पहुँच २००९-०७-०७ 
  97. "Germany 1-1 Argentina", BBC Sport, २००६-०६-३०, अन्तिम पहुँच २००९-०७-०७ 
  98. "Tevez Nets In Argentina Victory", BBC Sport, २००७-०६-२९, अन्तिम पहुँच २००८-१०-११ 
  99. "Argentina into last eight of Copa", BBC Sport, २००७-०७-०३, अन्तिम पहुँच २००८-१०-११ 
  100. "Argentina-Paraguay", Conmebol, २००७-०७-०५, अन्तिम पहुँच २००९-०५-२८ 
  101. "Argentina and Mexico reach semis", BBC Sport, २००७-०७-०९, अन्तिम पहुँच २००८-१०-११ 
  102. "Messi's Magic Goal", BBC Sport, २००७-०७-१२, अन्तिम पहुँच २००८-१०-११ 
  103. "Brazil victorious in Copa America", BBC Sport, २००७-०७-१६, अन्तिम पहुँच २००९-०५-२८ 
  104. "Lionel Messi out of Olympics after Barcelona win court appeal against Fifa", Daily Telegraph, २००८-०८-०६, अन्तिम पहुँच २००९-०५-२७ 
  105. १०५.० १०५.१ "Barcelona give Messi Olympics thumbs-up", AFP, २००८-०८-०७, मूलबाट २०११-०७-११-मा सङ्ग्रहित, अन्तिम पहुँच २००९-०५-२७ 
  106. "Messi sets up Brazil semi", FIFA, २००८-०८-१६, अन्तिम पहुँच २००९-०५-२७ 
  107. Baumgartner, Jesse (२००८-०८-१९), "Argentina Takes Down Brazil 3-0", Examiner, अन्तिम पहुँच २००९-०५-२७ 
  108. Millward, Robert (२००८-०८-२३), "Argentina beats Nigeria 1-0 for Olympic gold", USA Today, अन्तिम पहुँच २००९-०५-२७ 
  109. "Lionel me prometió venir a mi cumple de quince después del Mundial" (Spanishमा), Gente Online, अन्तिम पहुँच २००९-०६-१८ 
  110. "Aún le mueve el tapete a Messi" (Spanishमा), El Universal, २००८-०६-१९, अन्तिम पहुँच २००९-०६-१८ 
  111. "Luciana Salazar y Messi serían pareja" (Spanishमा), Crónica Viva, २००८-०६-१९, मूलबाट २००९-०६-०८-मा सङ्ग्रहित, अन्तिम पहुँच २००९-०६-१८ 
  112. ११२.० ११२.१ "Messi y Antonella pasean por el Carnaval de Sitges su noviazgo" (Spanishमा), El Periódico de Catalunya, २००९-०२-२५, अन्तिम पहुँच २००९-०६-१८ 
  113. "Messi, a dicembre... sogni d'oro" (Italianमा), Calcio Mercato News, २१ अप्रिल २००९, अन्तिम पहुँच १३ जुलाई २००९ 
  114. "La verdad sobre la nueva novia de Messi" (Spanishमा), Taringa, २००९-०२-२४, अन्तिम पहुँच २००९-०६-१८ 
  115. "Maxi afirma que Messi deve vir ao Brasil para vê-lo jogar" (Portugueseमा), Último Segundo, २००७-०८-२०, अन्तिम पहुँच २००९-११-०३ 
  116. Mayer, Claudius (२००९-१०-२०), "Hört mir auf mit Messi!" (Germanमा), TZ Online, अन्तिम पहुँच २००९-११-०३ 
  117. "Konami names Messi as face of PES 2009", Gamezine.co.uk, २००८-०८-०१, अन्तिम पहुँच २००९-०६-०९ 
  118. "PES Unites - Messi", PESunites.com, अन्तिम पहुँच २००९-०६-०९ 
  119. Orry, James (२००९-०६-२३), "Torres signs for PES 2010", Videogamer.com, अन्तिम पहुँच २००९-०७-०७ 
  120. "Motions and Emotions in Barcelona", Konami, २००९-०६-०८, अन्तिम पहुँच २००९-०६-०९ 
  121. "E3 2009: PES 2010: Messi fronts exclusive E3 trailer", Konami, २००९-०६-०२, अन्तिम पहुँच २००९-०६-०९ 
  122. "MOTD magazine crew meet Messi in Barcelona", PESFan (Match of the Day Magazine), अन्तिम पहुँच २००९-०६-१८ 
  123. "Watch Zinedine Zidane and Lionel Messi in Adidas ad", The Guardian, २००९-०५-२७, अन्तिम पहुँच २००९-०८-१६ 
  124. 101 "'Pichichi' y centenario" (Spanishमा), elmundodeportivo, अन्तिम पहुँच १७ जनवरी २०१० 
  125. "Player – Lionel Messi", National Football Teams, अन्तिम पहुँच २९ जुन २०१० 

बाह्य लिङ्कहरू