कृष्ण मन्दिर

पाटनको कृष्ण मन्दिर
पाटन दरवार क्षेत्रमा अवस्थित कृष्ण मन्दिर
प्राथमिक विवरण
स्थान:	पाटन दरवार क्षेत्र
सम्बन्धन	हिन्दुत्व
जिल्ला	ललितपुर
प्रदेश	बागमती
देश	नेपाल
वास्तुकला विवरण
वास्तुकला प्रकार	शिखर
निर्माता	सिद्धिनरसिंह मल्ल

पाटनको कृष्ण मन्दिर ललितपुर जिल्लाको पाटन दरवार क्षेत्रमा अवस्थित छ । यो मन्दिर सत्रौँ सताब्दीमा राजा सिद्धिनरसिंह मल्लले निर्माण गर्न लगाएका थिए । पाटनको कृष्ण मन्दिरलाई शिखर शैलीमा निर्माण गरिएको पहिलो मन्दिरको रूपमा चिनिन्छ । नेपालकै सबै भन्दा धेरै २१ वटा गजुर भएको यो मन्दिर ढुंगैढुंगाले बनेको छ ।

निर्माण

यो मन्दिर सत्रौँ सताब्दीमा सिद्धिनरसिंह मल्लले निर्माण गर्न लगाएका थिए । महादेवको मन्दिर बनाउन राखिएको जग्गामा राजा सिद्धिनरसिंहलाई सपनामा कृष्ण मन्दिर बनाउन भनेपछि राजाले खन्न लगाउँदा जमीनमुनि कृष्णको मुर्ति फेला परेको थियो । त्यसपछि तल कृष्ण र माथि शिव मन्दिर स्थापना गरिएको हो ।

वास्तु कला

यो मन्दिर तीन तलाको रहेको छ। तीन तलामध्ये बीचको तलामा श्रीकृष्णको मूर्ति छ । श्रीकृष्णको मूर्तिको चारैतिर विष्णुका दश अवतारका मूर्ति पनि छन् ।

यसका बिमहरूमा महाभारत कथामा आधारित चित्रहरू कुँदिएका छन् ।

२०७२ भुकम्प

२०७२ को भुकम्पले यस मन्दिरमा आंशिक क्षती पुर्याएको थियो।

जीर्णोद्धार

मन्दिरको जीर्णोद्धार गर्न तीन वर्ष लागेको काठमाडौँ उपत्यका संरक्षण कोषले जनाएको थियो। मन्दिरको पुनर्निर्माणको काम काठमाडौँ उपत्यका संरक्षण कोष (केभिपिटी) ले गरेको हो ।

पुननिर्माण प्राधिकरण मन्दिर आंशिक रूपमा मात्रै क्षतिग्रस्त भएकाले अलि चाँडो पुनर्निर्माणको काम सकिएको हो । मन्दिर करिब ५७ लाख रुपैयाँमा निर्माण सम्पन्न भएको थियो। पुननिर्माण सम्पन्न भएपछि मन्दिर सर्वसाधरणका लागि खुल्ला गरिएको थियो।