कचुर

स्वतन्त्र विश्वकोश, नेपाली विकिपिडियाबाट
Jump to navigation Jump to search
कचुरको विरुवाका विभिन्न भागहरू

कचुर अथवा कर्चुर नेपाल तथा भारतका विभिन्न भुभागहरूमा पाइने एक प्रकारको औषधिय गुण भएको वनस्पती हो । कचुरको पात र गानो बेसार जस्तै हुन्छ । यसको गानो नै ओखतीको प्रयोगमा ल्याइन्छ । हेर्दा बेसार जस्तै देखिने कचुरको गानोको स्वाद तितो हुन्छ । यसको गानो विभिन्न रोगहरू निको पार्न ओखतीको रुपमा प्रयोग गरिन्छ ।

उपयोग[सम्पादन गर्ने]

पेट दुखेमा, दाँत दुखेमा, नसा तथा जोर्नीहरू दुख्दा यसको गानोलाई पिसेर दुखेको ठाउँमा तिन चार पटक मल्यो भने दुखाई निको हुन्छ । पेट र दाँत दुखेमा यसको गानोलाई मुखमा राखेर चुस्नाले दुखाई कम हुन्छ ।

कचुरका विभिन्न जातहरू[सम्पादन गर्ने]

कचुर धेरै जातको हुन्छ । नेपालमा मुख्यतया तिन जातका कचुर पाइन्छन् । कचुरका जातहरूमा एक कालो कचुर हो । कालो कचुरलाई कतै कतै काली बेसार पनि भनिन्छ । यो जातको कचुर निकै उपयोगी ओखतीको रुपमा लिइन्छ । कालो कचुर सर्वत्र पाइन्न पनि । यसको पात, डाँठ र गानोको रंग कालो हुन्छ । नेपालमा पाइने अर्को जातको कचुरको नाम आम कचुर हो । यो जातको कचुर पनि सर्वत्र पाइन्न । यस जातको कचुरको गानोबाट आँप को जस्तै वासना आउँछ । आम कचुर पनि निकै उपयोगी ओखतीको रुपमा प्रयोगमा ल्याइन्छ । नेपालमा सर्वत्र र सजिलै पाइने कचुरको जात सेतो कचुर हो । यसको गानो बे सार भन्दा अलि सेतो रंगको हुन्छ । सेतो कचुर जता कतै पाइने जातको कचुर हो । प्राय कचुरको खेती नै गरिन्छ । एक पटक यसको विरुवा रोपे पछि धेरै समयसम्म टिक्छ ।

यो पनि हेर्नुहोस्[सम्पादन गर्ने]

सन्दर्भ सामग्रीहरू[सम्पादन गर्ने]

बाह्य लिङ्कहरू[सम्पादन गर्ने]