बुढासुब्बा मन्दिर

स्वतन्त्र विश्वकोश, नेपाली विकिपिडियाबाट
(बुढा सुब्बा बाट पठाईएको)
यसमा जानुहोस्: परिचालन, खोज्नुहोस्
बुढा सुब्बा मन्दिर
बुढा सुब्बा मन्दिर
बुढा सुब्बा मन्दिर is located in Nepal
बुढा सुब्बा मन्दिर
बुढा सुब्बा मन्दिर
नेपालको नक्सामा बुढासुब्बा मन्दिर
निर्देशांक: २६°४९′०″ उत्तर ८७°१६′०″ पूर्व / २६.८१६६७° उत्तर ८७.२६६६७° पूर्व / 26.81667; 87.26667निर्देशाङ्क: २६°४९′०″ उत्तर ८७°१६′०″ पूर्व / २६.८१६६७° उत्तर ८७.२६६६७° पूर्व / 26.81667; 87.26667
नाम
वास्तविक नाम: बुढा सुब्बा मन्दिर
देवनागरी: बुढा सुब्बा मन्दिर
अवस्थिति
देश: नेपाल
राज्य/अञ्चल: कोशी
जिल्ला: सुनसरी
स्थान: धरान, बिजयपुर
उचाई: ३४९ मी (१,१४५ फिट)
कला र संस्कृति
वास्तुशैली: प्यागोडा

बुढा सुब्बा मन्दिर वा बुढा सुब्बा नेपालको पूर्वमा अवस्थित सुनसरी जिल्लाको धरान उपमहानगरपालिकाको बिजयपुरमा रहेको छ । विशेष गरी शनिवारका दिन कुखुरा, सुँगुर आदि बली दिएर पूजा अर्चना गर्ने देश विदेशका भक्तजनहरूको घुईंचो लाग्ने गर्दछ । यो मन्दिरको थप विशेषता भनेको टुप्पो नभएको बाँसहरूको बीचमा रहनु पनि हो ।

धरान बिजयपुरको बूढासुब्बा स्थान किराँती धर्मावलम्बीहरूका लागि महत्वपूर्ण मन्दिर मानिन्छ । बूढासुब्बा मन्दिरभित्र दुईवटा माटाका ढिस्का उठाइएका छन् जसलाई बूढासुब्बा र बूढी सुब्वेनीका रूपमा पूजा आजा गर्ने चलन छ । दन्तकाली देखि केही पूर्व सेउती खोलाको डिलमाथि रहेको उक्त स्थानमा टुप्पा नभएका बाँसहरू पाइन्छन् जसलाई बूढासुब्बाले गुलेली र मट्याङ्ग्राले हानेर टुप्पा भाचिदिएको भन्ने मान्यता राखिन्छ ।

बूढासुब्बा मन्दिरमा प्रत्येक शनिवारका दिन ठूलो भिडभाड हुने गर्दछ । उक्त दिन बूढासुब्बालाई कुखुराका भाले र सुँगुरको बलि दिने गरिन्छ । यस स्थानमा किराँत धर्मावलम्बी मात्र नभएर अन्य मानिसहरू समेत भाकल गर्ने र पशुवलि दिने गर्दछन् ।

उत्पति

बूढा सुब्बा मन्दिर लिम्बुवान को अन्तिम लिम्बू राजा बुद्धि कर्णराया खेबाङको समाधि स्थल हो ।

किम्वदन्ती

मन्दिर आसपासमा भएका बाँसमा पहिला–पहिला नाम लेख्ने चलन थियो । बाँसमा नाम लेख्दा प्रेमी प्रेमिकाको माया प्रेम सफल हुन्छ भन्ने किमादन्ती रहेकाले मन्दिरमा दर्शन गर्न आएका युवायुवतीले बाँसमा नाम लेखेर मात्र फर्कन्थे । तर, बाँसमा नाम लेख्ने क्रम बढेसँगै बाँस मर्न थालेपछि बाँसलाई संक्षरण गर्न नाम लेख्न मन्दिर समितिले रोक लगाएको छ ।

बुढा सुब्बा मन्दिरमा पुजा गरी बाँसमा धागो बाँध्रने चलन छ । यसरी छोड्दा प्रेमी प्रेमिकाहरुको प्रेम सफल हुन्छ भन्ने किमदन्ती छ ।

पर्यटन

बूढासुब्बालाई बेग्लै पर्यटकीयक्षेत्रका रूपमा नभएर सम्पूर्ण विजयपुरलाई नै पर्यटकको गन्तव्य स्थल बनाउन सकिन्छ । आन्तरिक र भारतीय पर्यटकका लागि यो स्थान आकर्शणको केन्द्रविन्दु बन्न सक्ने देखिन्छ । [१]

सन्दर्भ सामाग्री

यो पनि हेर्नुहोस्